1 MARARATU 2:5 - WUKE SUSI WATTI'U AL᷊AL᷊USASSA

⁵ Pia lai hatto sambau! I'o asinungka ma'anaungnga apa apan buatte niola'i Yoab si ya'u ringannu namate darua tembonannu Israel, eteudde i Abner ana'i Ner wuṛṛu i Amasa ana'i Yeter. I tou namate sitarua sutempo paddarame tadea'u mabbal᷊issa pamamate apan niola'i mangitou sutempon pangalo. I tou namate taumata tawe sal᷊ane arawe orassa indi ete i ya'u apan ṛinone mamasanna inolaanne wuṛṛu ete i ya'u apan natataṛṛangnga.

1 MARARATU 2:5 ပူးပေါင်းရင်းမြစ်များ

2 SAMUEL 17:25

I Absalom buatte nanenegi Amasa naola'a tembonannu tantara nallol᷊ossa si Yoab. I Amasa ana'i Yitra taumatan Ismael; inangngene aranne i Abigail ana'i Nahas, eteudde tuṛṛangngi Zeruya wawine, inangngi Yoab.)

2 SAMUEL 18:12

Arawe taumata udde sinumimbakka, “Salaiwe onggol᷊annu 1.000 roitta sal᷊a'a si ya'u, i ya'u maddiri mallessa ana'u ratu. Yami sarangkanambone uararingikka anambon parentan ratu si Tuangnga wuṛṛu si Abisai see lai si Itai, tadea'u arie mallessa si Absalom ana'a saṛṛentumuwo udde ana waugu ratu.

2 SAMUEL 18:14

“Uddita'e! Tempo masuete tumba'u uasasimbakku,” wisaran Yoab. Ana see i Yoab nanganu sambeangnga tallun bua ana see nipanta'a su sabba'i Absalom apan orassa udde ta'e ua'ele wiakka su alu.

2 SAMUEL 18:5

Ana see ratu namarenta si Yoab, si Abisai wuṛṛu si Itai, wisarane, “i Absalom ana'a ta'e dario'a udde arie pallessan kamiu ana waugu i ya'u.” Anambon tantara naaringikka parentan Daud udde.

2 SAMUEL 2:13

Wuṛṛu lai i Yoab (inangnge aranne i Zeruya), suadio'a ringannu tantaran Daud mattudda soa udde. Darua ammul᷊annu tantara udde uasasaruanna si li'u Gibeon; i Abner wuṛṛu tantarane ua'ianna su samba'a indi, i Yoab wuṛṛu tantarane su samba'a poine.

2 SAMUEL 2:18

Siri tallu ana'i Zeruya lai isudde, eteudde i Yoab, i Abisai wuṛṛu i Asael. I Asael mal᷊ihakka tatal᷊angnge ere kijang,

2 SAMUEL 20:10

I Amasa tawe naasilo hal᷊ele su lima aiṛṛin Yoab. Inaṛṛombanganne i Yoab nangusu'u hal᷊ele su tianni Amasa, na'omna sara lal᷊oṛṛon tianne nassal᷊iawukka su leta'a. I tou nate su orassa udde lai, na'oman sara i Yoab salaiwe tate mangusu'a apia. I Yoab wuṛṛu i Abisai tuarine, sidutu mangngenggenna si Seba.

2 SAMUEL 3:27

Ne napawe i Abner na'omate su Hebron, i tou niaheanni Yoab su sandiṛṛanne, maranin ngara pasallanganna, ereola'u pia gatto iaadappingnga. Inaṛṛombanganne i Yoab nangusu'a tianni Abner na'oman sara nate. Etearoddi i Abner nate nipaten Yoab ipabbal᷊issa naungnga lal᷊eo su pamamate si Asael tuarine.

2 SAMUEL 3:39

Salaiwe i ya'u indi ratu apan nipilen Duata, arawe orassa indi ya'u naapendamma nallome. Manga ana'i Zeruya udde tumaniten maṛṛagissa. I ya'u tawe maatokki mangitou. Doronganna Mawu makkuumannu taumata lal᷊eo udde, uasul᷊ungngu inolaanni mangitou!”

1 MARARATU 1:7

Ana see i tou inaite na'iren Yoab wuṛṛu Imam Abyatar. Inangngi Yoab aranne i Zeruya. I Yoab wuṛṛu Imam Abyatar niumire mallal᷊ima hol᷊agi Adonia.

1 MARARATU 2:32

Mawu sarun makkuumanni tou ana waugu pamamate apan buatte niolangnge ringannu awaganannu iamangku. I Abner tembonannu tantaran Israel, wuṛṛu i Amasa tembonannu tantaran Yehuda, itarua tawe sal᷊ane. Itarua mappianne wuassi Yoab sassane, arawe i tou namate sitarua.

YEREMIA 2:34

Laungngu pia luhuddu daṛṛan taumata asiangnga wuṛṛu taumata apan tawe sal᷊ane, wal᷊ine ana waugu daṛṛan manana'o apan niasametta. Arawe ana waugu udde,

YEREMIA 6:15

Ṛinone i mangitou masili ana waugu buatte na'ola'a sarangkanambone apan dal᷊eo udde. Arawe i mangitou wambala maappalla wuṛṛu wagga masili. Ana waugu udde i mangitou sarun manawo ere taumata waine, nuddusse watti'u pabbiaṛṛanni mangitou napawe i Ya'u makkuumanni mangitou. I Ya'u, Mawu, buatte nabbisara.”

MATIUS 3:4

I Yohanes ual᷊uṛṛen laubba wuassu wambul᷊un unta. Papeṛṛenne wuassu pisim binatangnga wuṛṛu anni tou saṛṛapalanna wuṛṛu pul᷊an ahuranganna.

TAHIUL᷊E 27:24

‘Niawontohante taumata apan ma'ola'a pamamate ringannu ma'imbuni.’ ‘Amin!’