1 MARARATU 2:26 - WUKE SUSI WATTI'U AL᷊AL᷊USASSA

²⁶ Wua'udde nabbisarate i Ratu Salomo si Imam Abyatar, “Apul᷊ete su wanuanu su Anatot. I'o ṛinone iṛṛuumanna pateanna, arawe allo indi ya'u tawe mamate si'o, ana waugu sutempo i'o ta'e suaddi'o ringannu iamangku, i'o uapendamma lai al᷊awo'u asasusane. Wuṛṛu ete i'o lai apan uataṛṛapa Wantallu Pa'airen Mawu.”

1 MARARATU 2:26 ပူးပေါင်းရင်းမြစ်များ

2 SAMUEL 12:5

Naaringikka udde i Daud mangke nandona ana waugu inolaannu iapa ala udde, ne i tou nabbisara, “Tumaniten maṛṛagissa taumata ala udde! Ringannu arannu Mawu apan biakka, taumata udde ṛinone mamelengngu ana'u domba udde paiappatta anambone wuṛṛu i tou ṛinone iṛṛuumanna pateanna!”

1 MARARATU 1:25

Allo indi lai i tou buatte nangonggollu sasamba manambo domba, sapi esakka wuṛṛu ana'u sapi apan mangkatawa. Anambon ana'i Tuangnga buatte niwal᷊oanne. Wuṛṛu lai manga tembonannu tantaran Tuangnga, wuṛṛu Imam Abyatar. Orassa indi i mangitou tantal᷊anna ma'ola'a andeangnga ringani tou wuṛṛu maggio, ‘Wiakke Ratu Adonia!’

1 MARARATU 1:7

Ana see i tou inaite na'iren Yoab wuṛṛu Imam Abyatar. Inangngi Yoab aranne i Zeruya. I Yoab wuṛṛu Imam Abyatar niumire mallal᷊ima hol᷊agi Adonia.

1 MARARATU 2:35

Wua'udde ratu namile si Benaya naola'a tembonannu tantara pinallol᷊ossa si Yoab, wuṛṛu i Zadok nitenega na'ola'a imam pinallol᷊ossa si Abyatar.

YESAYA 10:30

Pangintul᷊ite, ei tumana'u Galim! Paddaringikke, tumana'u Laisya! Simbakke, tumana'u Anatot!

YEREMIA 1:1

Buke indi lal᷊oṛṛoannu manga wisaran Yeremia ana'i Hilkia, sangkatou imam wuassu soa Anatot su wageangngu leta'i Benyamin.

MATIUS 10:42

Isai-sai mappa'inumma, salaiwe tumba'u ua'e tallangnga, su sangkatou su wallattu manga taumata asiangnga indi, ana waugu i tou mallal᷊aṛṛenggeng-Ku, pangimanna i tou sarun manengkamma lal᷊antakke!”

LUKAS 22:28

Sulal᷊ummu al᷊awo'u asasusa-U, yamiu sidutu su sambau ringang-Ku.

GALATIA 3:4

Tate gunane sarangkanambone apan buatte niapendamanni yamiu udde? Ṛatadde tawe gunane!

1 SAMUEL 2:32

I'o sarun massusa wuṛṛu mal᷊al᷊eo naungngu sutempo maasilo anambon al᷊amatta apan sarun Ta'u ionggolla su manga taumata waine su Israel, arawe sulal᷊ummu amonannu sarangkanambone mate ta'e saṛṛen tumuwo.

1 SAMUEL 26:16

I'o tawe maapasanna mappaamattu manaranu, Abner! Sulal᷊ummu arannu Mawu apan biakka, i yamiu sarangkanambone ṛinone mate, ana waugu tawe naariaga mawunu, ratu apan nipile Mawu. Ellehete suapate sambeangngu ratu? Suapa tampan ua'e apan tanginna uaraddo su samba'an puane?”