1 MARARATU 18:3 - WUKE SUSI WATTI'U AL᷊AL᷊USASSA

³ Ana waugu udde i Ahab namaggo si Obaja rumanta iapasaruanna. (I Obaja uddewe uapua amonannu wal᷊en araratuanna. I tou sangkatou apan atonna-tonna mattaṛṛamawu su Mawu.

1 MARARATU 18:3 ပူးပေါင်းရင်းမြစ်များ

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

PANDARIADDI 24:10

Allangnga udde nanganute mapul᷊on bau onta ana see al᷊awo'u saranapa maarega pusa'a mawune wuṛṛu inaite watukku soa tampa atatanaanni Nahor su tempo nipabbiaṛṛanne; addone su samba'an sawannakku Mesopotamia.

PANDARIADDI 24:2

Su allo sambau i Abraham nabbisarate allangnge atimmaranne, apan ual᷊u'adda alawo'u darotongnge, “Addoa'e limanu su wallatu palangku.

PANDARIADDI 39:9

Isindi taṛṛino'u uasul᷊ungngu taṛṛinone. Tawe saran sambau apan tawe niapangimanna si ya'u tumba'u i Mama tawe. Ereapa wotongnge i ya'u ma'ola'a al᷊al᷊eo udde wuṛṛu marosa su saruannu Ruata?”

PANDARIADDI 41:40

I'o sarun ta'u itenega maola'a gubernure, wuṛṛu tumana'u sarangkanambone sarun tumuṛṛutta parentanu. Tumba'u i ya'u apan lembon uataṛṛino wuassi'o.”

PANDARIADDI 42:18

Su allo atallune i Yusuf nabbisara si mangitou, “I ya'u taumata apan matta'utta wuṛṛu matuṛṛutta Ruata. I yamiu sarun ta'u ipallossa ringannu sambau pa'aire.

1 MARARATU 16:9

I Zimri, sangkatou tembonannu tantara apan uapiaṛṛa'u sambageanganna wuassu tantaran uasa'e kereta, nassanggal᷊oma maddea'a lumawangnga si Ela. Su allo sambau su Tirza, Ela mangke ma'inumma na'oman sara niwu'anne su wal᷊en Arza, tembonannu amonannu araratuanna.

1 MARARATU 18:12

Amungkangngu i ya'u inai wua' isindi, Ghaṛṛaho Mawu asinungka sarun mangapiddu Iamangnga watukku tampa apan awaganangku! Wuṛṛu amungkangngu i ya'u mamasingkatta si Ahab manungku Iamangnga isindi, wua'udde i tou tawe naasomba Iamangnga, i tou sarun mamate si ya'u. Ṛinone Iamangnga masingkatta, i ya'u indi atonna-tonna mattaṛṛamawu su Mawu ro'en addio'a!

1 MARARATU 18:2

Ne i Elia inaite. Sutempo ṛutumma mangke massaddatta su Samaria.

2 MARARATU 4:1

Su allo sambau wawine inawal᷊uannu sangkatou nabi inaite ringanni Elisa wuṛṛu naiwal᷊o, “Papa, awingku natete! Wuṛṛu i Papa masingkatta manungku i tou lai taumata apan matuṛutta Ruata, arawe i tou pia awallassa su sangkatou taumata. Orassa indi taumata udde nirumanta manganu ana'u darua, wuṛṛu itarua olaanna allanga, maola'a wawaekku awallassu awingku apan natete udde.”

NEHEMIA 5:15

Manga gubernure dorone wuassia'u, buatte naola'a winabbawan tumanangnge na'oman sara i mangitou maddorongnga 40 roitta sal᷊a'a massallo hunan anna wuṛṛu anggore. Ewe'e lai manga mamanaran mangitou mangngallangnga tumanangnge. Arawe i ya'u maddiri ma'ola'a aroddi ana waugu i ya'u matta'uttu Ruata.

NEHEMIA 7:2

Pamamarentan soa Yerusalem ta'u nitantilla su tuṛṛangku Hanani wuṛṛu si Hananya, tembonannu tanda batu, ana waugu i tou nangillembo wuassu taumata waine, matta'uttu Ruata wuṛṛu wotongnge pangimananna.

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

DARALO 112:1

Paddalote Mawu! Lal᷊umanna'a su taumata apan ma'imanna, apan sidutu maddaringikka manga parentan Mawu.

AMSAL 14:26

Taumata apan mangngimanna Mawu mabbal᷊i mal᷊angnganna, wuṛṛu amonanne uatahuanna mandariagane.

MALEAKHI 3:16

Ana see manga taumata apan matta'uttu Mawu uahahatto sangkatou ringannu sangkatou. Mawu maddaringikka wuṛṛu mannutukka apa apan iwabbisaran mangitou. Manga taumata apan mangngaddatta si Tou wuṛṛu matta'utti Tou, aranne iwoṛṛetta sulal᷊ummu buken pamoṛṛetanna su saruan-Ne.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

MATIUS 25:17

Aroddi lai mangangimbe apan nanengkamma rua ṛiwu roitta wul᷊awanna udde, naasomba auntunganne lai rua ṛiwu.

WATTI'U MANGA RASUL 10:2

I tou sangkatou apan matta'uttu Ruata wuṛṛu anambon lal᷊oṛṛon bal᷊ene mattaṛṛamawu Ruata. I tou masokka mantul᷊ungngu taumatan Yahudi apan asiangnga wuṛṛu i tou sidutu u'al᷊iomanna su Ruata.

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.