1 MARARATU 18:1 - WUKE SUSI WATTI'U AL᷊AL᷊USASSA

¹ Napawe manga pira tempo al᷊annune, su tonna atallune tempon mamara udde, Mawu nabbisara si Elia, “Roote saruanna si Ratu Ahab, tate mal᷊annu lai Ya'u manossokku uranna.”

1 MARARATU 18:1 ပူးပေါင်းရင်းမြစ်များ

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

1 MARARATU 17:15

Ana see inawal᷊uanna udde inaite nammanara apa apan buatte niwisaran Elia. Ne i mangitoun tallu piai saddian anna apan natimu su manga pira allo allannune.

1 MARARATU 17:7

Napawe manga pira tempo al᷊annune, ana'u sal᷊ukka udde namara ana waugu tawe uranna.

1 MARARATU 18:2

Ne i Elia inaite. Sutempo ṛutumma mangke massaddatta su Samaria.

1 MARARATU 8:36

antimanna wuassu surga I'o maddaringikka si mangitou. Wuṛṛu ampungewe rosan uman-Nu Israel wuṛṛu ratun mangitou. Aṛṛa'ete i mangitou ma'ola'a apa apan mapia. Wua'udde, oh Mawu, panossokken uranna su wanua-Nu indi, wanua apan buatte nionggollu Mawu su uman-Nu maola'a pussaane saran mal᷊annu-l᷊annu.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YEREMIA 10:13

Tumba'u ringannu mangonggollu parenta, mannuntingikke ua'e su langitta. Wuassu manga pentakku runia niaparanta-Ne winabbawa, wuṛṛu niolang-Nge sawallu ma'ilatta sulal᷊ummu uranna, see lai niapasabbang-Nge anginna wuassu pananahipunan-Ne.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YOEL 2:23

Ei tumana'u Sion, lalluasse! Lallala'e wuṛṛu paggiote! ana waugu al᷊owo'u apapia wuassu Mawu Ruatanu. Sutempon manontongnga i Tou nangonggollu uranna manambo si'o. Sutempon masunge urana niwambin-Ne, wuṛṛu lai sutempo mallal᷊uwo ere su inanaramanne.

IMAMATTA 26:4

I Ya'u sarun manossokku uranna su tempone, ma'oman sara leta'a mangonggolu hessine wuṛṛu manga aaluanna mabbua.

AMOS 4:7

I Ya'u namo'a uranna mangansalla sutempo sinuanannu tumaniten mappandumma ua'e. I Ya'u nanossokku uranna su soa apan sambau wuṛṛu wal᷊ine su soa apan waine. Wawail᷊anna sambau na asomba aansallu urana, ewe'e wawail᷊anna waine mamara-mara.

LUKAS 4:25

Arawe daringiṛṛe: su tempon Elia, su tempo tawe manguranna tallu tonna anummu wul᷊anna al᷊annune, nariaddi al᷊aṛṛutumma apan bahewa su al᷊awo'u wanua. Su tempo udde manambo wawine wal᷊u su Israel.

TAHIUL᷊E 28:12

Mawu sarun manossokku uranna su tempone wuassu tampa aradoanne su langitta. I Tou sarun mangal᷊amatta al᷊awo'u inasaharannu, na'oman sara i yamiu wotongnge mapawallassa su anambon balahanna, arawe i yamiu sassane tawe mabballassa.

YAKOBUS 5:17

Elia taumata lai ere i ite. I tou u'al᷊iomanna ringannu atonna-tonna, tadea'u tawe manguranna, ne tawe nanguranna tallu tonna annumu wul᷊anna al᷊annune.

SONDAPPA 11:2

Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.

SONDAPPA 11:6

I mangitou pia taṛṛino ipanutubba langitta tadea'u tawe manguranna tantal᷊anna i mangitou mammasingkatu watti'u Ruata. I mangitou uatahuanna lai taṛṛino su anambon al᷊imatan ua'e, ipamal᷊u ua'e mabbal᷊i ṛaṛṛa. Wuṛṛu i mangitou uatahuanna lai taṛṛino ipamuulla runia ringannu al᷊awo'u hating kasasusa, suapan tempo ipaapulu mangitou.