1 MARARATU 16:9 - WUKE SUSI WATTI'U AL᷊AL᷊USASSA

⁹ I Zimri, sangkatou tembonannu tantara apan uapiaṛṛa'u sambageanganna wuassu tantaran uasa'e kereta, nassanggal᷊oma maddea'a lumawangnga si Ela. Su allo sambau su Tirza, Ela mangke ma'inumma na'oman sara niwu'anne su wal᷊en Arza, tembonannu amonannu araratuanna.

1 MARARATU 16:9 ပူးပေါင်းရင်းမြစ်များ

PANDARIADDI 15:2

Arawe i Abram nabbisara, “Mawu Apan Atanggaṛṛanne, Mawu tawe nangonggollu ana'a si ya'u. Taumata apan mamusa'a darotongku tumba'u i Eliezer, allangku wuassu Damsyik. Nariaddi apa hunane Mawu mangonggollu lal᷊antakke si ya'u?”

PANDARIADDI 24:10

Allangnga udde nanganute mapul᷊on bau onta ana see al᷊awo'u saranapa maarega pusa'a mawune wuṛṛu inaite watukku soa tampa atatanaanni Nahor su tempo nipabbiaṛṛanne; addone su samba'an sawannakku Mesopotamia.

PANDARIADDI 24:2

Su allo sambau i Abraham nabbisarate allangnge atimmaranne, apan ual᷊u'adda alawo'u darotongnge, “Addoa'e limanu su wallatu palangku.

PANDARIADDI 39:4

I Potifar mal᷊uassa si Yusuf wuṛṛu nitenega nabbal᷊i mangangimbe si tou sassane; ana see i Yusuf niapamanaran tou mallu'adda amonanne wuṛṛu al᷊awo'u darotongnge.

PANDARIADDI 39:9

Isindi taṛṛino'u uasul᷊ungngu taṛṛinone. Tawe saran sambau apan tawe niapangimanna si ya'u tumba'u i Mama tawe. Ereapa wotongnge i ya'u ma'ola'a al᷊al᷊eo udde wuṛṛu marosa su saruannu Ruata?”

1 MARARATU 15:27

I Baesa, ana'i Ahia, wuassu ruanganni Isakhar na'ammulla lumawangnga si Nadab, ana see namate si tou. Sutempo udde i Nadab wuṛṛu tantarane tantal᷊anna mammangalo soan Gibeton su wageangngu leta'u Filistin.

1 MARARATU 16:10

Ana see i Zimri sinumutta wuṛṛu namate si Ela, wua'udde naola'e ratu nallol᷊ossa si Ela. Udde nariaddi su tonna ruan pul᷊o pitu pamamarentan Ratu Asa su Yehuda.

1 MARARATU 16:8

Su tonna ruan pul᷊o annumma pamamarentan Datu Asa su Yehuda, i Ela ana'i Baesa naola'a ratu su Israel. I tou uaparenta su Tirza dua tonna al᷊annune.

1 MARARATU 18:3

Ana waugu udde i Ahab namaggo si Obaja rumanta iapasaruanna. (I Obaja uddewe uapua amonannu wal᷊en araratuanna. I tou sangkatou apan atonna-tonna mattaṛṛamawu su Mawu.

1 MARARATU 20:12

Sasimbakki Ahab udde niapasingkatta si Benhadad sutempo i tou suaddio'a ringannu manga ratu waine apan naola'a hawene ma'inumma sulal᷊ummu rasanni mangitou. Naaringikka udde i Benhadad namarenta manga piaṛṛa'u tantarane tadea'u nandiahite mamangalo soan Samaria. Ne i mangitou nandiahite.

1 MARARATU 20:16

Pamamangalo nitattakka allo sutempo i Benhadad wuṛṛu tallun pul᷊o dua ratu apan naola'a hawene udde tantal᷊anna ma'inumma na'oman sara niwu'anne sulal᷊ummu rasanni mangitou.

2 MARARATU 15:10

I Salum ana'i Yabes naammula mando'appa si Ratu Zakharia wuṛṛu namate si tou su Yibleam, ana see naola'a ratu nallol᷊ossa si tou.

2 MARARATU 15:25

Sangkatou suwallatu manga tembonannu tantarane, eteudde i Pekah ana'i Remalya, naammulu siri 50 su atoune wuassu Gilead. Ana see sulal᷊ummu sambau tanda'a watu su wal᷊en araratuannu Samaria i mangitou namate si Pekahya wuṛṛu ruan katou waine aranne Argob wuṛṛu i Arye. Wua'udde i Pekah naola'e ratu nallol᷊ossa si Pekahya.

2 MARARATU 15:30

Su tonna aruam pul᷊one sutempo i Ratu Yotam ana'i Uzia uaparenta su Yehuda, i Hosea ana'i Ela na'ammula mando'appa si Ratu Pekah wuṛṛu namate si tou, ana see naola'e ratu nallol᷊ossa si tou.

2 MARARATU 9:14

Etearoddi i Yehu nanggol᷊age mando'appa si Ratu Yoram apan orassa udde uatana'a su Yizreel. I Yoram inai poiaroddi maiundammu manga lessane apan nal᷊essa sulal᷊ummu pangalo su Ramot mando'appa si Hazael ratun Siria. I Yehu nabbisara su manga hawene tembonannu tantara, “Amungkangu i yamiu ma'apulu i ya'u maola'a ratu, paariagai tadea'u tawe saran sangkatou apan sumabbanga wuassu Ramot inai mamasingkatta su manga taumatan Yizreel.”

AMSAL 31:4

Paanaungete, Lemuel! Ma'inumma anggore wuṛṛu nanamitannu minumanna maawu'anna, tawe ṛinone su tembonanne.

YEREMIA 51:57

I Ya'u sarun mapawu'annu manga mangangumbele parenta su Babel – manga mapapande, mamamiaṛṛa'a wuṛṛu tantara. I mangitou sarun tate mapabbangunna apia, matiille saran mal᷊annu-l᷊annu. I Ya'u buatte nabbisara; ete i Ya'u ratu, i Ya'u Mawu Apan Lembontaṛṛino.

DANIEL 5:30

Su rabbi udde lai nippatete Belsyazar ratun Babel udde.

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

LUKAS 21:34

“Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.