1 MARARATU 13:9 - WUKE SUSI WATTI'U AL᷊AL᷊USASSA

⁹ I ya'u naasomba parenta wuasu Mawu tadea'u tawe umanna ara'e ma'inumma, wuṛṛu tawe mapul᷊e umamatta su lal᷊anna apan niamatangku sutempo i ya'u nirumanta.”

1 MARARATU 13:9 ပူးပေါင်းရင်းမြစ်များ

1 MARARATU 13:1

Sutempo udde pia sangkatou nabi su Yehuda. I tou nirolokku Mawu inai watukku Betel. Nabi udde na'omate poiaroddi sutempo i Yerobeam tantanl᷊anna uarisikka su saruannu mezbah mangngonggollu sasamba.

1 MARARATU 13:10

Etearoddi nabi udde napul᷊e niumamattu lal᷊anna waine.

1 MARARATU 13:16

Arawe nabi wuassu Yehuda udde sinumimbakka, “Maddorongnga ampunga! I ya'u tawe maaitu'a aahen Papa inai watukku wal᷊en Papa. I ya'u lai tawe umanna wuṛṛu ma'inumma isindi ringanni Papa.

1 MARARATU 13:19

Ne nabi wuassu Yehuda udde tinumantalongke watukku wal᷊en nabi timmade udde wuṛṛu niumante suaddio'a ringanni tou.

1 MARARATU 13:8

Nabi udde sinumimbakka, “Salaiwe i Tuangnga mangonggolla si ya'u sambageanganna wuassu araratuanni Tuangnga, i ya'u maddiri inai tumantalongnga umanna are'e ma'inumma ringanni Tuangnga.

AYUB 23:12

Manga parentan Duata sidutu tattuṛṛutangku, apulu-Ne daringiṛṛangku, wuṛṛu wal᷊ine apulu'u sassane.

DARALO 141:4

Paarauaawe i ya'u wuassu apulu ma'ola'a al᷊al᷊eo. Arie pabbala'a i ya'u maammulu taumata lal᷊eo wuṛṛu umanna suadio'a sulal᷊ummu andeangngi mangitou.

REENGANNA 16:26

I Musa nabbisara su manga taumatan Israel, “Pangingkatte wuassu rasannu manga taumata lal᷊eo indi wuṛṛu imbaṛṛangnga mangeṛṛetta saranapa pussa'a mangitou. Amungkangngu i yamiu tawe maddaringikka, i yamiu sarun pateanna suadio'a ringanni mangitou ana waugu manga rosa mangitou.”

YOHANES 13:17

Amungkangngu i yamiu maasingkatten sarangkanambone indi, al᷊al᷊uassa si yamiu apan suete na'ola'a manara udde.

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

ROMA 16:17

Manga tuṛṛangnga! I ya'u sumal᷊ande ringannu lembone: Paatehamma su saruannu manga taumata apan ma'ola'a patatatiakka wuṛṛu mannongkakku pangangimannu taumata su Mawu. Olangnge udde uapapaṛṛala apa apan buatte niaṛṛa'a si yamiu. Arie paggawei taumata ereudde.

1 KORINTUS 5:11

Pandumangku eteudde, manungku i yamiu arie paggawen taumata apan mangnga'u watanganne taumatan Saṛṛani, arawe taumata udde masandaga, ara'e wal᷊iu, ara'e massubba paal᷊uanna, ara'e taṛṛa umbilangngu taumata waine, ara'e taṛṛa wu'anna, ara'e taṛṛa ta'o. Uma'ianna umanna ringannu taumata udde arie lai!

EFESUS 5:11

Arie ma'ola'a inolaanna apan tawe gunane apan a'olaannu manga taumata apan mabbiakka su lal᷊ummu araranduma. Arawe ṛinone i yamiu mannualaga inolaanna ereudde. (

SONDAPPA 18:4

See i ya'u naaringikka tingikka waine wuassu surga nabbisara, “Sabbangke, al᷊aṛṛana-U! Sabbangke wuassu lal᷊umme! Imbaṛṛanga i yamiu tumantalongnga manga rosane, wuṛṛu tumuṛṛutta mamasanna ṛuumanne!

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.