1 MARARATU 13:18 - WUKE SUSI WATTI'U AL᷊AL᷊USASSA

¹⁸ Ne nabi timmade wuassu Betel udde nagawusu si tou, ringannu nabbisara, “I ya'u lai nabi ere Tuṛṛangnga. Wuassu parentan Mawu sangkatou mala'ekatta buatte nandolo'u iapasol᷊oho wuṛṛu manaru Tuṛṛangnga su wal᷊en.”

1 MARARATU 13:18 ပူးပေါင်းရင်းမြစ်များ

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

2 PETRUS 2:1

Su tempo apan nal᷊iu su wallatu walahannu Ruata suete nirumanta manga nabi awusu. Aroddi lai su wallatti yamiu sarun rumanta lai manga huru awusu. I mangitou sarun mangaṛṛa'u manga al᷊aṛṛa'a nassal᷊a, apan maapate taumata. Wuṛṛu i mangitou sarun maddandilu Tembonanne apan suete namallosi mangitou. Ringannu aroddi mangitou nandantan papate su watanganni mangitou sassane, apan sarun maṛṛia'a si mangitou ringannu mal᷊ihakka.

REENGANNA 22:35

Arawe mala'ekattu Mawu nabbisara, “Tantalongke ringannu manga taumata udde. Arawe i'o tumba'u wotongnge mabbisara wiasara apan ta'u irolokka.” Ne i Bileam nanassukku amatanne ringannu manga daroloṛṛanni Balak udde.

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

YEHEZKIEL 13:22

Manga taumata mapia apan maddiri Ta'u olaanna lal᷊eo, niadio'i yamiu naungnge ringannu wawahianu. Manga taumata lal᷊eo niola'i yamiu wahewalla naungnge tadea'u sidutu marosa wuṛṛu tawe iapaasal᷊amatta.

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

YEREMIA 23:17

Su manga taumata apan maddiri maddaringikka manga wisara-U, i mangitou sidutu mabbisara, ‘I yamiu sarun masal᷊amatta.’ Wuṛṛu suapan taumata apan maatikka puane i mangitou mabbisara, ‘I'o sarun tawe maasomba silaka.’ ”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEREMIA 5:12

Umattu Mawu maggahatton apa apan tawe suṛṛinone su ola'u Mawu. I mangitou nabbisara, “Eh, i Tou tawe ma'aola'a apa-apa. I ite tawe aṛṛiaannu asasilaka wuṛṛu tawe lai maapendamma pangalo wuṛṛu ṛutumma.

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

MAL᷊AṚṚUUNGNGA 13:3

Arawe su allo sambau mala'ekattu Mawu naipasilon batanganne si tou wuṛṛu nabbisara, “Al᷊annunete indi i'o tawe naasomba ana'a, arawe tate mal᷊annu lai i'o sarun piate illoṛo, wuṛṛu maasomba sangkatou ana'a esakka.

GALATIA 1:8

Taumata apan mabatti'u “watti'u al᷊al᷊uassa” apan uapapaṛṛala wuassu Watti'u Al᷊al᷊uassa apan buatte niapaasingkati ami, wala'e i tou iṛṛuumannu Ruata – salaiwe taumata udde, i yami sassane ara'e mala'ekatta wuassu surga!

1 TIMOTIUS 4:1

Ghaṛṛahon Duata ringannu masemakka nabbisara manungku su tempo apan sarun rumanta, sangkawageanganna taumata sarun massinaaddi Kristus. I mangitou sarun tumuṛṛutta manga ghaṛṛaho apan mangngal᷊iwu wuṛṛu tumantalonga manga al᷊aṛṛa'u ghaṛṛaho lal᷊eo,

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

1 MARARATU 13:19

Ne nabi wuassu Yehuda udde tinumantalongke watukku wal᷊en nabi timmade udde wuṛṛu niumante suaddio'a ringanni tou.

1 MARARATU 20:35

Wuassu parentan Mawu, sangkatou nabi waussu wallattu ammul᷊annu nabi nandolokku ringanne mamuulla si tou. Arawe ringanne udde maddiri.

AMSAL 12:19

Awusu sarun asingkatanna ringannu sangkaṛṛondappa, arawe manga wisara atonna sidutu uatatana'a su al᷊o'engngu allo.

AMSAL 12:22

Mawu maddantinnu taumata awusu; arawe i Tou mal᷊uassa su taumata apan matul᷊idda.

AMSAL 19:5

Taumata apan mammahia su pallaṛṛuunganna, tawe mal᷊iu wuassu ṛuumanna.

YESAYA 36:10

I yamiu massunna i yami mamangalo wuṛṛu mamaddon banuanu ringannu tawe sumbala Mawu? Ete Mawu sassane apan nandolokki yami mamangalo wuṛṛu makkadda'a si yamiu.”

YEREMIA 29:31

nangirimmu watti'a su ola'i Semaya su anambon taumatan Israel apan niwuanga su Babel. Eteindi watti'a udde, “Semaya buatte nabbisara si yamiu ere ola'u i tou nabi; sumbal᷊i Ya'u, Mawu, tawe nandolokki tou. Ana waugu i tou buatte na'ola'a si yamiu mangngimanna su wisara awusu,

YEREMIA 29:32

wuṛṛu ana waugu i tou buatte nandolokki yamiu lumawangnga si Ya'u, ne i Ya'u sarun makkuumanni tou wuṛṛu papapulunne. Tawe saran sangkatou wuassu wallatti mangitou apan sarun matana'a suwallatti yamiu tadea'u ma'ellega manga inolaanna mangkapia apan sarun Ta'u olaanna su anambon uma-U. I Ya'u, Mawu, buatte nabbisara.”

PANDARIADDI 3:13

Ruata naiwal᷊o wawine udde, “Anio i'o na'ola'a udde?” Sasimbakke, “I ya'u niwahiannu atoanna, na'oman sara i ya'u niumanna wua'udde.”

PANDARIADDI 27:24

i tou ta'e naiwal᷊o paassa lai, “Atonnawe i'o i Esau?” “Atonna” sasimbakki Yakub.

1 MARARATU 22:22

‘Ereapa olangnge?’ aiwal᷊on Mawu. Ghaṛṛaho udde sinumimbakka, ‘I ya'u sarun inai wuṛṛu ma'ola'a anambon nabin Ahab mamahia.’ Mawu nabbisara, ‘Aroddite, ola'e udde, i'o sarun maasal᷊o'i tou.’ ”