1 MARARATU 11:4 - WUKE SUSI WATTI'U AL᷊AL᷊USASSA

⁴ na'oman sara sutempo i tou timmaddette i mangitou nassalo'a tadea'u massuba manga mawu waine. I Daud, iamangngi Salomo, matammudda su Mawu, Ruatane, arawe i Salomo tawe nangaṛṛussa iamangnge.

1 MARARATU 11:4 ပူးပေါင်းရင်းမြစ်များ

1 MARARATU 11:2

Mawu buatte namarenta manungku taumatan Israel tawe wotongnge ma'awingnga ual᷊al᷊o'a ringannu manga walahanna udde, ana waugu i mangitou sal᷊immurine maaola'a taumatan Israel massuba manga mawu waine. Salaiwe aroddi, i Salomo ta'e na'awingngu lai manga wawine raho.

1 MARARATU 11:33

I Ya'u sarun ma'ola'a olangnge udde ana waugu i Salomo buatte nanantang-Ku wuṛṛu massubba manga monganna, eteudde; Asytoret, mongannu walahannu Sidon; i Kamos, mongannu walahannu Moab; wuṛṛu i Milkom, mongannu walahannu Amon. I Salomo tate tumuṛṛutta apulu-U. I tou tawe ere iamangnge Daud apan matuṛṛutta si Ya'u wuṛṛu mappaamattu manga parenta-U.

1 MARARATU 11:38

Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.

1 MARARATU 11:42

Appattu pul᷊o su tonnane al᷊annune i Salomo uaparenta su Yerusalem wuṛṛu su ahewallu Israel.

1 MARARATU 11:6

Etearoddi i Salomo na'ola'a rosa su saruannu Mawu. I Daud, iamangngi Salomo uatantalongnga Mawu ringannu ahewallu naungnga, arawe i Salomo tawe ereudde.

1 MARARATU 11:9

Paaruate Mawu, Ruatan Israel, naipasilon batangan-Ne si Salomo wuṛṛu napa'anaungngi tou manungku i tou imbaṛṛangnga massubba manga mawu waine, arawe i Salomo tawe maddaringikka Mawu. I tou ewe'e lai nanantangngu Mawu, na'oman sara Mawu nasa'u si tou.

1 MARARATU 14:21

Sutempo i Rehabeam, ana'i Salomo, naola'a ratun Yehuda, uukki tou appattu pul᷊o assa su tonnane. I tou uaparenta mapul᷊o pitu su tonnane al᷊annune su Yerusalem. Wuassu ahewallu Israel soa udde buatte niṛṛae su Mawu maola'a tampa patataṛṛamawuanna si Tou. Inangi Rehabeam eteudde i Naama wuassu walahannu Amon.

1 MARARATU 15:14

Salaiwe tawe su anambon tampa pasasubanna paal᷊uanna nihohakki Asa, arawe i tou sidutu matammuda su Mawu su al᷊o'engngu pabbiaṛṛanne.

1 MARARATU 15:3

I Abiam na'ola'a manga rosa ere iamangnge. I tou tawe ringannu ahewallu naungnga matammuda su Mawu Ruatane, uapapaṛṛalan Daud, iupungnge.

1 MARARATU 3:3

I Salomo marangngu Mawu wuṛṛu tuttuṛṛutta manga tatantiro wuassu iamangnge, arawe i tou ta'e maṛṛata wuṛṛu mangngonggollu sasamba winatangnga su al᷊awo'u tampa.

1 MARARATU 6:1

I Salomo mannattake mapararisikku Wal᷊en Mawu su wul᷊anna Ziw, eteudde wul᷊anna aruane, sulal᷊ummu tonna aiappanne i tou uaparenta, 480 su tonnane napawe walahannu Israel nanantangngu Mesir.

1 MARARATU 8:61

Ṛinone i yamiu, uman-Ne sidutu satia su Mawu, Ruatan kite wuṛṛu matuṛṛuta su manga tita wuṛṛu manga parenta-Ne ere lai a'olaanni i yamiu su allo indi.”

1 MARARATU 9:10

I Salomo napararisikku Wal᷊en Mawu wuṛṛu wal᷊en araratuanna sulal᷊ummu tempo ruan pul᷊o sutonnane.

1 MARARATU 9:4

Amungkangngu i'o mangngimanna si Ya'u ringannu naungnga mal᷊uassa wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu manga parenta-U,

2 MARARATU 20:3

“Mawu, naungewe manungku i ya'u indi buatte tinumuṛṛutta Si'o ringannu maadunna wuṛṛu ringannu ahewallu lal᷊ummu naungku. I Ya'u sidutu maddea'a tadea'u maatuṛṛutta apulu-Nu.” Ana see i Hizkia nilumuai ringannu massusa.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 TAWARIKH 29:19

Onggol᷊aawe si Salomo, parinsi'u, apulun naungnga atonna-tonna tadea'u tumuṛṛutta anambon parenta-Nu wuṛṛu ipandarisikku wal᷊en patataṛṛamawuanna udde apan aolangnge buatte ta'u nisaddia.”

2 TAWARIKH 17:3

Mawu nangal᷊amatta si Yosafat ana waugu i tou nangaṛṛussa wal᷊iuddu iamangnge; i tou tawe massubba si Baal,

2 TAWARIKH 25:2

Inolaanni Amazia maal᷊uassa naungngu Mawu, arawe tawe ringannu ahewallu naungnga.

2 TAWARIKH 34:2

Inolaanni Yosia maal᷊uassa naungngu Mawu; i tou nangaṛṛussa si Ratu Daud iupungnge, wuṛṛu matuṛṛutta anambon titan Duata ringannu ahewallu naungnge.

SASABANGNGA 20:3

Imbaṛṛangnga masubba manga Mawu waine. Passubbate si Ya'u.

TAHIUL᷊E 17:17

Ratu tawe wotongnge awingnge manambo, tadea'u i tou tawe tumal᷊iudda Mawu. I tou lai tawe wotongnge maola'a ala ringannu sal᷊a'a wuṛṛu wul᷊awanna.

TAHIUL᷊E 7:4

tadea'u i mangitou tawe mapaaraun manga anangngu wuassu Mawu wuṛṛu massubba manga Mawu waine. Amungkangngu i yamiu massubba manga Mawu waine, Mawu masa'u wuṛṛu i yamiu sarun pateanne.