1 MARARATU 10:2 - WUKE SUSI WATTI'U AL᷊AL᷊USASSA

² I tou nirumanta raṛundinganannu manambo taumata wuṛṛu unta apan nasaddattu luranna rampa-rampa, watu permata, wuṛṛu marasai wul᷊awanna. Sutempo nassomban Salomo, ratu udde nangonggollu al᷊awo'u hatin aiwal᷊o apan tawe iaṛṛingidde.

1 MARARATU 10:2 ပူးပေါင်းရင်းမြစ်များ

PANDARIADDI 18:33

Napawe buatte naggahatton Abraham, Mawu inaite, wuṛṛu i Abraham napul᷊ete watukku wal᷊ene.

1 MARARATU 10:10

Wua'udde ratun banua Syeba udde nanantilla si Salomo manga aonggolla apan niapidde, eteudde nilumebbe wuassu 4.000 su kilone wul᷊awanna wuṛṛu marasai watu permata see rampa-rampa. Tate saran paassa lai i Salomo nanarimmattu rampa-rampa apan aroddi anambone ere nionggollu ratun banua Syeba udde si tou. (

1 MARARATU 10:3

Anambon aiwal᷊o udde wotongnge niasimbaṛṛanni Salomo, tawe saran sambau apan masahadda si tou.

2 MARARATU 20:13

I Hizkia nanal᷊oho manga daroloṛṛanna udde wuṛṛu namasilon al᷊awo'u pa'a'alane si mangitou, eteudde wul᷊awanna wuṛṛu sal᷊a'a, rampa-rampa wuṛṛu lana mawangngi, see lai anambon tantarane. Tawe lallinge saranapa su wal᷊en araratuanna apan tawe niapasilo si mangitou.

2 MARARATU 5:5

Ratu nabbisara, “Ore roote ringannu ratun Israel. I ya'u sarun mamoṛettu suratta si tou.” Ne i Naaman inaite ringannu uaapiddu 30.000 roitta sal᷊a'a wuṛṛu 6.000 roitta wul᷊awanna, wuṛṛu 10 parassa laubba mangkapia.

2 MARARATU 5:9

Ana waugu udde i Naaman inaite ringannu uasa'e keretan awal᷊o watukku wal᷊en Elisa, wuṛṛu natta'ale su saruannu ngara.

DARALO 4:4

Ṛinone i yamiu masingkatta, Mawu buatte namile hunan batangan-Ne sangkatou apan arangnguan-Ne. Mawu naddaringikka napawe i ya'u sumal᷊ande si Tou.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

SASABANGNGA 25:6

lanan sol᷊o, rampa-rampa maola'a lanan daramea wuṛṛu hunan dupa apan mawangngi,

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

LUKAS 24:15

Tantal᷊anna i mangitou uahahatto wuṛṛu maṛṛingidda su sambau, Mawu Yesus sassane nirumanta wuṛṛu inumamatta su sampunna ringanni mangitou.

WATTI'U MANGA RASUL 25:23

Tiṛṛabbine i Agripa wuṛṛu i Bernike nirumanta ringannu lal᷊aghun awawantuga. I mangitou sinumutta su tampam pamarikisanna suadio'a ringannu manga ahahewal᷊an tantara wuṛṛu manga papunna su soa udde. Wuassu parentam Festus, i Paulus niapasuttate.