1 KORINTUS 7:9 - WUKE SUSI WATTI'U AL᷊AL᷊USASSA

⁹ Arawe amungkangngu i'o tawe maaṛṛadannu apulunu, mappianne i'o paawingnga. Ana waugu mappianne i'o maawingnga sul᷊ungngu'e apulunu tawe iaṛṛadanna.

1 KORINTUS 7:9 ပူးပေါင်းရင်းမြစ်များ

WATTI'U MANGA RASUL 19:36

Tawe saran sangkatou wotongnge maal᷊awangnga olangnge udde. Ana waugu udde paal᷊annabe, wuṛṛu arie ma'ola'a sambau manara ringannu tawe maṛṛingidda asuene.

1 KORINTUS 7:2

Arawe tadea'u tawe awono'anna ma'ola'a al᷊awo'u al᷊al᷊eo, mappianne suapan taumata esakka pia awingnge sassane wuṛṛu suapan taumata wawine pia awingnge lai sassane.

1 KORINTUS 7:28

Arawe amungkangngu i'o maawingnga, udde wal᷊ine rosa. Aroddi lai amungkangngu sangkatou maṛṛuala maawingnga, udde tawe manungku i tou marosa. Tumba'u i mangitou apan maawingnga, udde sumaruanna anambon asasusa. Wuṛṛu i ya'u maapulu i yamiu mal᷊iu wuassu manga asasusa udde.

1 KORINTUS 7:36

Amungkangngu sangkatou mamendama tawe mapaamattu apa apan su ṛinone su saruannu tunangane, amungkangngu i tou tawe maaṛṛadannu apulun dunia, wuṛṛu i tou mammendama maapulute maawingngu maṛṛuala udde, wala'e i tou ma'ola'a apa apan pappendamanne mapia. I tou tawe marosa, amungkangngu itarua maawingnga.

1 KORINTUS 7:39

Sangkatou wawine apan buatte naawingnga tatahuanannu awingnge esakka tumba'u tantal᷊anna awingnge udde wiakka. Arawe amungkangngu awingnge natete, wawine udde wotongngete maawingnga apia ringannu sangkatou esakka apan ipaapulune; sambal᷊iate paa'awingnga udde paa'awingngu taumatan Saṛṛani.

1 TESALONIKA 4:4

Suapan esakka su wallatti yamiu ṛinone maasingkata ereapa mabbiakka ringannu awingnge wuṛṛu ringannu inolaanna apan maal᷊uassa naungngu Ruata wuṛṛu taumata.

1 TIMOTIUS 5:11

Arie pabboṛṛeta'a su wuke udde manga wawine wal᷊u apan ta'e dario'a. Ana waugu amungkangu apendammu apulu naungngi mangitou matohassa apia, i mangitou maapulu maawingnga apia, wuṛṛu manantangken Kristus.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.