1 KORINTUS 7:2 - WUKE SUSI WATTI'U AL᷊AL᷊USASSA

² Arawe tadea'u tawe awono'anna ma'ola'a al᷊awo'u al᷊al᷊eo, mappianne suapan taumata esakka pia awingnge sassane wuṛṛu suapan taumata wawine pia awingnge lai sassane.

1 KORINTUS 7:2 ပူးပေါင်းရင်းမြစ်များ

AMSAL 18:22

Iapa esakka apan naasomba awingnge, maasomba auntunganna; awingnga uddewe aongngollu Mawu.

AMSAL 19:14

Wal᷊en wuṛṛu darotongnga wotongnge asombanganna wuassu hagurangnga, arawe awingnga apa pande udde aonggollu Mawu.

MALEAKHI 2:14

I yamiu ma'iwal᷊o i Tou maddirite manengkamma sasamba udde. Ana waugu Mawu masingkatta i yamiu tate satia su wawine apan buatte niawingngi yamiu sutempo i'o ta'e umbasanna. Wawine udde hawe sulal᷊ummu pabbiaṛṛannu, arawe i yamiu buatte nallobbossa si tou, salaiwe su saruannu Ruata i yamiu buatte naddiandi tadea'u sidutu satia si tou.

MATIUS 5:32

Arawe tempo indi Ya'u mabbisara si yamiu; isai-sai manantangngu awingnge manimbe wawine udde tawe sinumandaga, i tou napaola'u awingnge udde sinumandaga, amungkangngu awingngi tou udde ma'awingnga apia. Wuṛṛu isai-sai ma'awingnga ringannu wawine apan suete nitantangnga udde, sinumandaga lai.”

1 KORINTUS 6:18

Pangindaute manga inolaanna sussandaga. Ana waugu anambon dosa waine apan niola'u taumata, nariaddi su liuddu wadangngu taumata udde. Arawe taumata apan sussandaga, udde mangal᷊ene ma'ola'a rosa lai su wadangnge sassane.

1 KORINTUS 7:1

Orassa indi ya'u maapulu mabbisara su ola'u hatto apan isassagon kamiu sulal᷊ummu surannu. Amungkangngu sangkatou esakka tawe naawingnga, udde mapia.

1 KORINTUS 7:3

Awingnge esakka ṛinone manuungngu sumbalane su awingnge wawine, wuṛṛu awingnge wawine ṛinone manuungngu sumbalane ere awingnge wawine su awingnge esakka; sangkatou-sangkatou manipussa sasumbalane sangkatou ringannu waine.

1 KORINTUS 7:9

Arawe amungkangngu i'o tawe maaṛṛadannu apulunu, mappianne i'o paawingnga. Ana waugu mappianne i'o maawingnga sul᷊ungngu'e apulunu tawe iaṛṛadanna.

EFESUS 5:28

Aroddi lai esakka ṛinone mandangngu awingnge wawine ere lai i tou mandangngu wadangnge sassane. Taumata apan mandangngu awingnge atappasanne ere lai tou mandangngu wadangnge sassane. (

EFESUS 5:33

Arawe tatialane udde pia sasampange lai ringanni yamiu; Ṛinone suapan esakka mandangngu awingnge wawine ere lai i tou mandangngu wadangnge sassane wuṛṛu ṛinone suapan wawine mangaddatta awingnge esakka.

1 TESALONIKA 4:4

Suapan esakka su wallatti yamiu ṛinone maasingkata ereapa mabbiakka ringannu awingnge wuṛṛu ringannu inolaanna apan maal᷊uassa naungngu Ruata wuṛṛu taumata.

1 TIMOTIUS 4:3

I mangitou mangngaṛṛa'a taumata ana see tawe maawingnga wuṛṛu tawe umanna anna ipappalli. Sumbal᷊i anna udde niola'u Ruata iapaanna ringannu aadiangkamanna si Tou wuassu taumata apan suete nangimanna si Kristus wuṛṛu naailal᷊ate al᷊aṛṛa'a apan atonna wuassu Ruata.

MAL᷊AṚṚUUNGNGA 21:22

Amungkangu iamanga ara'e tuṛangnge esakka rumanta wuṛṛu mangul᷊e si tou, i yamiu wotongnge mabbisara, ‘Yami sumal᷊ande, wala'e i mangitou ringanni yami. Yami tawe nangaṛo si mangitou sulal᷊ummu pangalo. Wuṛṛu ana waugu i yamiu tawe nangonggoli mangitou si yami, yami tawe nilumawangnga pa'aire, nariaddi tawe sal᷊ane.’ ”