1 KORINTUS 4:9 - WUKE SUSI WATTI'U AL᷊AL᷊USASSA

⁹ Ana waugu tumuṛṛuttu addapa'u, i yami manga rasul, buatte niola'u Ruata ere apa wabbialanna su saruannu taumata wuṛṛu manga mala'ekatta. I yami naal᷊ihida ere taumata lal᷊eo apan niṛṛuumanna na'oman sara mate su saruannu awadaalla wuṛṛu aal᷊uandahannu runia.

1 KORINTUS 4:9 ပူးပေါင်းရင်းမြစ်များ

DARALO 44:22

Ruata sarun maasingkata, ana waugu i Tou maatutukka addapingu naungngi yami.

DARALO 71:7

Pabbiaṛṛangku nabbal᷊i tul᷊ada su awadaalla, ana waugu ete I'o pattillummangku apan matohassa.

YEREMIA 20:18

Anio i ya'u ṛinone iasungkangnga? Tumba'u iapaasusa wuṛṛu iapaasahadda? Wuṛṛu tadea'u wia'u mal᷊iudda sidutu mangke sulal᷊ummu asasili?

WATTI'U MANGA RASUL 19:29

Ne patatatiakka udde nilumewesse su ahewallu soa. Wua'udde ammul᷊annu al᷊iba'ukka udde nanamette si Gayus wuṛṛu si Aristarkus, eteudde manga taumata Makedonia apan uaammungnga si Paulus sulal᷊ummu amatanne, see namol᷊engnga si mangitou su wal᷊em pananalanganna su soa udde.

WATTI'U MANGA RASUL 19:31

Manga pira tembonannu leta'u Asia udde, apan uahahawem Paulus, nandolokku taumata namasingkatta si Paulus tadea'u i tou tawe mattingkapasilo su tampa udde.

ROMA 8:36

Sulal᷊ummu Wuke Susi uawoṛṛetta arendi, “Su al᷊o'engngu allo i yami mabbiakka uasaruanna papate ana waugu I'o Mawu. I yami niola'a naal᷊ihida ere domba apan ṛatante.”

1 KORINTUS 15:19

Amungkangngu antimmi ite si Kristus tumba'u nattaalla su wiakki ite sulal᷊ummu runia indi, ne wuassu anambon walahannu taumata sulal᷊ummu runia indi, ete i ite aral᷊eoanne!

2 KORINTUS 11:23

I mangitou lai daroloṛṛanni Kristus? Aringiṛṛanna naal᷊ihida ere i ya'u inawul᷊ianten apande, arawe atonna i ya'u daroloṛṛanna apan lembon apianne wuassi mangitou sarangkanambone! I ya'u aṛṛimaranne mammanara, i ya'u asokkanne itaṛṛo sulal᷊ummu tuttupanna, i ya'u asokkanne sansaranna wuṛṛu masokka lai maraniten mate.

2 KORINTUS 6:9

I yami sassunnanna taumata awagananna, arawe i yami asingkatannu awadaalla. I yami sassunnanna nate, arawe wutte'e i yami ta'e wiakka. Salaiwe i yami sassansaranna, i yami tawe nate.

1 TESALONIKA 3:3

Ringannu aroddi tawe saran sangkatou wuassi yamiu apan sumoṛṛota ana waugu asasusan kite indi. I yamiu sassane masingkata manungku manga asasusa udde nasutta sulal᷊ummu pandumannu Ruata si ite.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 10:33

Pattaṛṛa assa i yamiu a'al᷊uandahanna wuṛṛu a'olaanna tawe aregane su saruannu awada'alla. Pattaṛṛa assa lai yamiu uatataṛṛanga ringanni mangitou apan a'olaanna aroddi,

IBRANI 11:36

Piaddu lai a'al᷊uandahanna, pappuul᷊anna, niṛṛapussu ṛate wuṛṛu tinaṛṛo su tuttupanna.