1 KORINTUS 2:4 - WUKE SUSI WATTI'U AL᷊AL᷊USASSA

⁴ Watti'a apan ta'u niapaasingkata si yamiu tawe ta'u niwatti'a ringannu al᷊awo'u wisara apan ipammono'a tumuṛṛutta apanden taumata. I ya'u mabbatti'a udde ringannu lal᷊anna apan mappatiala manungku Ghaṛṛahon Duata uataṛṛino.

1 KORINTUS 2:4 ပူးပေါင်းရင်းမြစ်များ

AMSAL 20:19

Taumata apan mal᷊uassa ma'umbilangngu taumata waine, tawe mapangaddapingnga; imbaṛṛangnga maggawen taumata apan matal᷊imoṛṛonganna.

AMSAL 7:21

Etearoddi wawine udde massal᷊o'u umbasanna udde ringannu manga sasal᷊o'a ipammol᷊engnga na'oman sara i tou niawono'anna.

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

YEHEZKIEL 13:6

Manga aellegi mangitou awusu, wuṛṛu manga pani'atti mangitou tumba'u wawahia. I mangitou mangnga'u uaapiddu tanata wuassia-U, sumbal᷊i Ya'u tawe nandolokki mangitou. Ereapa wotongnge i mangitou mangngantimma pani'atti mangitou udde sarun mariaddi?

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

WATTI'U MANGA RASUL 26:28

See i Agripa nabbisara si Paulus, “Sunnanu mal᷊uassa mamol᷊engnga si ya'u maola'a taumatan Saṛṛani sulal᷊ummu tempo adio'a indi?”

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

1 KORINTUS 1:17

Kristus nandolo'u wal᷊ine iapasaṛṛani taumata, ewe'e iapapasingkatu Watti'u Al᷊al᷊uassa wuassu Ruata; wuṛṛu udde lai sarun ta'u olaanna ringannu tawe mappaattu apande mabbisara ere ola'u taumata, tadea'u taṛṛino wuassu papateng Kristus su alu arussa maola'a pia gunane.

1 KORINTUS 2:1

Manga tuṛṛangnga! Su tempo i ya'u nirumanta ringanni yamiu wuṛṛu namasingkata si yamiu su ola'u pandumannu Ruata apan taambe niasingkatannu runia, i ya'u tawe mappaattu asingkattu runia indi ara'e nabbisara ringannu wisara sasal᷊o'a.

1 KORINTUS 2:13

Ana waugu udde amungkangngu i yami mannal᷊a'a manga inolaannu Ruata su manga taumata apan pia Ghaṛṛahon Duata, i yami maddiri mamasingkata tumuṛṛuttu apapanden taumata, ewe'e tumuṛṛuttu al᷊aṛṛa'u Ghaṛṛahon Duata.

1 KORINTUS 4:20

Ana waugu amungkangngu Ruata mamarenta pabbiaṛṛannu sangkatou taumata, olangnge udde aatialanna wuassu atatohassu pabbiaṛṛannu taumata udde, wal᷊ine ana waugu manga wisarane.

2 KORINTUS 6:6

Ringannu pia inolaanna mapia, pande, masabbare, wuṛṛu naungnga mapia, i yami mapaal᷊iatta'a manungku i yami udde allangngu Ruata. Wuṛṛu lai ringannu uaantimma tatul᷊ungnga wuassu Ghaṛṛahon Duata, wuṛṛu ringannu darangngu apan su ṛinone,

GALATIA 1:10

Apa ringannu olangnge udde pendamanna ere i ya'u mangngantima a'uannu taumata? Atonna-tonna tawe! I ya'u tumba'u mangngantima panga'uanna wuassu Ruata. Apa i ya'u sidutu mattinsahadda mammol᷊engnga naungngu taumata tadea'u i ya'u maal᷊uassa taumata? Amungkangngu inolaangku sidutu aroddi, ya'u wal᷊inewe allangngi Kristus.

KOLOSE 2:4

I ya'u namasingkatu indi tadea'u i yamiu tawe awahianni sai-sai apan pande mamal᷊onotta si yamiu.

1 TESALONIKA 1:5

Ana waugu i yami namasingkatu Watti'u Al᷊al᷊uassa si yamiu wal᷊ine tumba'u ringannu wisara, arawe lai ringannu taṛṛino wuṛṛu Ghaṛṛahon Duata. Wuṛṛu i yami mangngimanna atonna atatul᷊iddu Watti'u Al᷊al᷊uassa udde. I yamiu masingkata ereapa i yami mabbiakka ana waugu i yamiu su tempo i yami uatana'a su pattanganni yamiu.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

2 PETRUS 1:16

Su tempo i yami namasingkatta si yamiu aroddi awantuge daranta Mawun kite Yesus Kristus, i yami tawe uatundeetta su manga wa'e iaaṛṛa'u taumata. Awawantugi Kristus udde suete niasiloanni ami ringannu matan kami sassane.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

MAL᷊AṚṚUUNGNGA 14:15

Nariaddi su allo aiappanne i mangitou nabbisarate su awingngi Simson, “I'o ṛinone massal᷊o'u awingngu tadea'u i tou mamasingkatta si yami sasi'attu ao'o udde. Amungkangu tawe, yami sarun manuntungnga si'o wuṛṛu amonannu iamangngu. Al᷊imangke i'o namaggo si yami tadea'u manginsue darotongngi yami!”

MAL᷊AṚṚUUNGNGA 16:5

Ne nirumantate siri lima taumata tembonannu Filistin ringannu wawine udde wuṛṛu nabbisara, “Sal᷊oa'a i Simson tadea'u i tou maapulu mamasingkatta si'o apa addapingngu atatihanne udde, wuṛṛu ereapa olangnge mamamul᷊in atatohanne udde. Ringannu aroddi yami wotongnge maaranta wuṛṛu makkapussa si tou tadea'u i tou marugite si yami. Ne yami sangkatou-sangkatou mangonggolu 1.100 roitta sal᷊a'a si'o.”