1 KORINTUS 11:3 - WUKE SUSI WATTI'U AL᷊AL᷊USASSA

³ Arawe i ya'u maapulu lai yamiu maasingkata sambau hatto, eteudde manungku apan maola'a tembonannu al᷊awo'u taumata esakka eteudde Kristus; apan maola'a tembonannu awingnge wawine eteudde awingnge esakka, wuṛṛu apan maola'a tembonanne wuassu Kristus eteudde Ruata.

1 KORINTUS 11:3 ပူးပေါင်းရင်းမြစ်များ

PANDARIADDI 3:16

Ana see Ruata nabbisara wawine udde, “I ya'u sarun manimu atatadungngu su tempo i'o pia illoṛṛo wuṛṛu su tempo i'o mangunsiwe. Arawe manimbe aroddi, i'o sidutu pia apulu su awingngu, arawe i'o sarun massuṛṛubawa si tou.”

YESAYA 52:13

Mawu nabbisara, “Mangke atonna, allang-Ku sarun maasomba ina'ul᷊e; i tou sarun dal᷊oanna wuṛṛu itanggakka.

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

YOHANES 14:28

Yamiu suete naaringikka si Ya'u mabbisara, ‘I Ya'u sarun manantangngi yamiu, arawe i Ya'u sarun mabelengnga apia ringanni yamiu’. Amungkangngu i yamiu mandangngu si Ya'u, i yamiu sarun lumuassa ana waugu i Ya'u inai ringannu Iamangnga, ana waugu Iamangnga magewal᷊anna wuassia-U.

1 KORINTUS 3:23

Wuṛṛu i yamiu udde tatahuanni Kristus, wuṛṛu Kristus tatahuannannu Ruata.

EFESUS 4:15

Tawe! Mappianne i ite mapaal᷊iatta'u manga inolaanna apan atonna wuṛṛu ringannu naungnga apan napenen darangngu, na'oman sara su al᷊awo'u inolaanna i ite mal᷊annu-l᷊annu masuungnga ere lai Kristus, apan naola'a tembonanni ite.

KOLOSE 1:18

Ete i Tou tembonannu wuassu wadang-Nge, eteudde jamaatta, ana waugu ete i Tou punnu pabbawiakku jamaatta udde. Ete i Tou Ana'a pahul᷊une, apan paarorone niapaawiakka apia wuassu papate, tadea'u i Tou sassane apan maola'a apianne wuassu al᷊awo'u riadianna.

KOLOSE 2:10

Wuṛṛu ana waugu mabbiakka uaaukka ringanni Kristus, i yamiu lai nionggol᷊annu wiakka apan nasuungnga. Ana waugu Kristus udde tembonannu al᷊awo'u ghaṛṛaho apan uataṛṛino wuṛṛu uaparenta.

KOLOSE 2:19

na'oman sara tate mangngimanna si Kristus apan naola'a tembonanne. Su al᷊ungngu piaṛṛa'i Kristus, ahewallu wadanga papadul᷊iananna wuṛṛu niammulla manga latto'anne, see tinumuwo tumuṛṛuttu apulun Duata.

KOLOSE 3:18

Manga tuṛṛangnga apan naola'a awingnga wawine! Paatuṛṛuta su awingngu esakka, ana waugu aroddite pallal᷊agunu ere sangkatou taumatan Saṛṛani.

1 PETRUS 3:1

Aroddi lai yamiu, manga awingnga wawine, ṛinone tumuṛṛutta su awingngu tadea'u amungkangu su wallatti mangitou apan piaddu tawe mangngimanna watti'u Ruata, ete pallal᷊agunu wotongnge ma'ola'a si mangitou mangngimanna. Wuṛṛu tawe wotonge i yamiu mabbisaran apa-apa si mangitou,