YAKUB 5:8 - KITAB SUCI ZABUR INJIL

⁸ Side pade éndah harus sabar dait teguqang angende, séngaq jelo kerauhan Tuhan sampun rapet.

YAKUB 5:8 ပူးပေါင်းရင်းမြစ်များ

ZABUR 130:5

Tiang ngantos pertulungan ALLAH , tiang beharep léq manik-Ne.

ZABUR 27:14

Pade beharep léq ALLAH, kuatang dait teguqang aténde; pade beharep léq ALLAH!

ZABUR 37:7

Pade antos ALLAH siq até saq tenang, dait sabar ngantos Ie. Ndaq sili lantaran dengan saq berhasil idupne, atao saq gawéq tipu muslihat.

LUKAS 21:19

Lamun side pade tetep tahen dait sabar, side pade gen selamet.”

YAHYA 21:22

Jawab Deside Isa, “Seandéne Tiang mélé ie tetep idup jangke Tiang dateng, nike ndéqne urusande. Laguq side, turut Tiang!”

ROMA 8:25

Laguq lamun ite beharep léq hal saq ndéqman ite serioq, make ite gen sabar ngantih.

GALATIA 5:22

Laguq buaq Roh nike: Kasih, sukecite, damé sejahtere, sabar, murah até, gawéq hal saq solah, kesetiean,

PILIPI 4:5

Kelakuande saq solah harus teserioq siq selapuq dengan: Séngaq ndéqne ngonéq malik Tuhan gen rauh.

1 TESALONIKA 1:10

Ie pade ngeraos éndah mengenai berembé side pade ngantih kerauhan Bije-Ne léman sorge, Deside Isa, saq sampun teidupang siq Allah léman ninggal. Deside Isa nike éndah saq nyelametang ite léman murke Allah saq gen dateng.

1 TESALONIKA 2:19

Setetune side pade harepan dait sukecite tiang pade. Séngaq éraq lamun Junjungante Saq Mulie Deside Isa rauh, dait ite parek léq arepan-Ne, make side pade saq gen jari kebanggean tiang pade.

1 TESALONIKA 3:13

Siq care nike Tuhan gen neguqang aténde, sehingge side pade suci dait ndéq bedowé cacat cele léq arepan Allah Bapante, léq waktu Junjungan Saq Mulie Deside Isa rauh teiring siq selapuq dengan saq jari dowé-Ne.

2 TESALONIKA 3:5

Semoge Tuhan tetep bimbing aténde tipaq kasih Allah, dait tipaq ketabahan Almasih.

YAKUB 5:3

Emas dait perakde sampun bekarat; karatne gen jari saksi ngelawan side pade dait gen ngaken awakde jangke bis maraq api. Side pade sampun ngumpulang harte léq ahir jaman.

YAKUB 5:9

Ndaq pade ngerumun dait saling nyalahang, adéq side pade ndéq tehukum siq Allah. Inget! Hakim sampun rapet, siep gen rauh.

1 PETRUS 4:7

Selapuq hal sampun gen tutuq, keranaq nike side pade harus nguasein diriq dait tenang, adéq side pade tao bedo'e.

WAHYU 22:20

Ie saq ngicanin kesaksian mengenai selapuqne niki bemanik, “Kenaq, Tiang gen becat dateng!” Amin! Silaq rauh, Junjungan Saq Mulie Deside Isa!