YAKUB 5:7 - KITAB SUCI ZABUR INJIL

⁷ Keranaq nike, pade sabar semeton-semeton tiang, jangke Tuhan rauh. Pade serioq berembé sabarne sopoq petani ngantih jangke tanaqne ngasilang hasil saq mahel ajine. Ie sabar ngantih ujan saq penembéq dait ujan saq penutuq.

YAKUB 5:7 ပူးပေါင်းရင်းမြစ်များ

MATIUS 16:27

Ndéq ngonéq malik Bije Manusie, teiring siq malaékat-malaékat-Ne gen rauh léq dalem kemuliean Bapa-Ne. Léq waktu nike, Ie gen bales tipaq sebilang dengan menurut perbuatanne sopoq-sopoq.

MATIUS 16:28

Tiang badaq side pade: Setetune léq antare side pade saq araq léq deriki, araq saq ndéq gen ninggal, sendéqman ie pade serioq Bije Manusie rauh jari Raje dalem Kerajaan-Ne.”

MATIUS 24:27

Séngaq kerauhan Bije Manusie maraq cahaye kisap saq ngempor léman timuq jangke dateng bat.

MATIUS 24:44

Keranaq nike, side pade éndah harus tetep siep sedie. Séngaq Bije Manusie gen rauh léq waktu saq side pade ndéq badéq.”

LUKAS 18:8

Tiang badaq side: Allah gelis gen béle pelekare ie pade! Laguq lamun Bije Manusie rauh, napi léq gumi niki masih araq tedait dengan saq bedowé iman?”

LUKAS 21:27

Léq waktu nike Bije Manusie gen rauh léq dalem awan siq kuase dait kemuliean saq beléq.

LUKAS 8:15

Binéq saq geriq léq tanaq saq subur ibarat dengan saq dengah manik nike, terus simpenne léq dalem até saq solah dait jujur. Ie pade bau tahen jangke ngasilang buaq.”

YAHYA 21:22

Jawab Deside Isa, “Seandéne Tiang mélé ie tetep idup jangke Tiang dateng, nike ndéqne urusande. Laguq side, turut Tiang!”

YAHYA 21:23

Make nyebar kabar léq antare pengiring-pengiring Deside Isa bahwe pengiring nike ndéq gen ninggal. Padahal Deside Isa nénten bemanik bahwe pengiring nike ndéq gen ninggal, laguq: “Seandéne Tiang mélé ie tetep idup jangke Tiang dateng, nike ndéqne urusande.”

ROMA 15:4

Selapuq saq tetulis léq Kitab Suci mule tetulis jari ngajah ite, adéq siq ketekunan dait penghiburan saq araq léq tulisan-tulisan nike ite mauq pengharepan.

ROMA 2:7

Allah ngicanin idup sejati dait kekel tipaq ie pade saq pacu-pacu ngelaksaneang napi saq solah, adéq ie mauq saq mulie dait saq terhomat, dait saq kekel.

1 KORINTUS 1:7

sehingge side pade ndéq kekurangan sopoq paice juaq, dait side pade kenyeke ngantos kerauhan Junjungante Saq Mulie Deside Isa Almasih.

GALATIA 5:5

Séngaq langan Roh Allah dait siq iman, ite ngantih napi saq kenaq, nike pade maraq napi saq ite harepang.

GALATIA 6:9

Keranaq nike, ndaq ite jari pendaq ngelaksaneang hal-hal saq solah; séngaq lamun ite ndéq mentelah ngelaksaneang hal-hal nike, make léq sopoq jelo éraq ite gen mauq hasilne.

KOLOSE 1:11

Semoge siq kuase léman Allah saq mulie, side pade teteguqang sehingge side pade sanggup menderite léq selapuq hal secare tekun dait sabar

1 TESALONIKA 2:19

Setetune side pade harepan dait sukecite tiang pade. Séngaq éraq lamun Junjungante Saq Mulie Deside Isa rauh, dait ite parek léq arepan-Ne, make side pade saq gen jari kebanggean tiang pade.

1 TESALONIKA 3:13

Siq care nike Tuhan gen neguqang aténde, sehingge side pade suci dait ndéq bedowé cacat cele léq arepan Allah Bapante, léq waktu Junjungan Saq Mulie Deside Isa rauh teiring siq selapuq dengan saq jari dowé-Ne.

IBRANI 6:15

Ibrahim sabar ngantos, make ie nerimaq napi saq tejanjiqang siq Allah léq ie.

YAKUB 4:11

Semeton senamian, ndaq saling pitnah. Dengan saq pitnah semetonne, ie ngewade hukum dait ngadilin ie. Dait lamun side pade ngadilin hukum, nike artine side pade ndéq taat léq hukum-hukum nike, laguq jari hakimne.

YAKUB 5:10

Semeton senamian, pade turut teladan penderitean dait kesabaran pare nabi saq sampun bebaos siq peséngan Tuhan.

YAKUB 5:3

Emas dait perakde sampun bekarat; karatne gen jari saksi ngelawan side pade dait gen ngaken awakde jangke bis maraq api. Side pade sampun ngumpulang harte léq ahir jaman.

2 PETRUS 3:4

Maraq niki basen ie pade, “Mbé janji mengenai kerauhan-Ne nike? Bapaq-bapaq leluhurte sampun ninggal, laguq selapuq-lapuqne masih pade doang maraq waktu dunie niki tecipteang!”