YAKUB 5:5 - KITAB SUCI ZABUR INJIL

⁵ Side pade sampun idup méwah dait ngeraseang kesenengan dunie niki. Side pade sampun muasang aténde maraq dengan saq kenyeke mokohang diriq jari jelo penampahan.

YAKUB 5:5 ပူးပေါင်းရင်းမြစ်များ

ZABUR 17:14

Lepasang kaji léman dengan-dengan saq numpuk harte léq dunie. Hukum ie pade siq bahle saq sampun Deside sedieang umaq ie pade. Menengang anak bai ie pade éndah tehukum.

ZABUR 73:7

Léman até ie pade tumpah kejahatan; ie pade répot siq rencane-rencane jahat.

LUKAS 16:19

“Araq dengan sugih. Kelambine mahel-mahel dait idupne méwah sebilang jelo.

LUKAS 16:25

Laguq jawab Ibrahim, ‘Inget anak tiang: Sengonéq side idup, side sampun mauq selapuq hal saq solah-solah, laguq Lazarus mauq saq lengé-lengé. Mangkin Lazarus seneng léq deriki, laguq side sengsare.

ROMA 13:13

Ite harus gawéq hal-hal saq solah maraq saq biase tegawéq siq dengan kenaq; ndaq beseneng-seneng jangke liwat bates atao, bowos-bowosan. Ndaq gawéq perbuatan saq cabul dait ndaq turut keméléq hawe napsu. Dait ndaq besiaq atao talon até.

1 TIMOTIUS 5:6

Laguq bebalu saq demen idup beseneng-seneng, sampun maté timaq ie masih idup.

2 TIMOTIUS 3:4

Ie pade girang behianat, angkuh dait ndéqne girang bepikir bélo. Ie pade demenan léq kesenengan dunie ketimbang turut pekayunan Allah.

2 PETRUS 2:13

Jari balesan penderitean saq ie pade piaq, ie pade gen menderite sengsare. Bagi ie pade hal saq nyenengang até nike, ngelaksaneang napi juaq léq kenjelo jari muasang keméléq awakne. Ie pade maraq dedoro dait cele, saq bowos siq hawe napsu ie pade lamun ie pade tokol bekelor dait nginem bareng-bareng kance side pade.

YUDAS 1:12

Sewaktu side pade ngaraqang rowah, tingkah laku dengan-dengan nike tetu-tetu nyepaqang angen. Séngaq ie pade melak ndéq araq ilaqne, dait ie cume mentingang diriqne mésaq. Ie pade maraq awan saq tetiup siq angin, laguq ndéq nurunang ujan. Ie pade éndah maraq lolo saq ndéq ngasilang buaq timaq léq musim buaq; lolo-lolo saq akahne sampun teembot dait tetu-tetu sampun maté.

WAHYU 18:7

Béng ie penderitean dait dukecite saq pade luwéqne kance kemuliean dait keméwahan saq ie béng tipaq diriqne mésaq. Séngaq ie tetep doang bebase léq diriqne, ‘Tiang niki ratu saq mréntah! Tiang ndéq bebalu; tiang ndéq gen ngalamin kesedihan!’