YAKUB 5:4 - KITAB SUCI ZABUR INJIL

⁴ Side pade ndéq bayah upaq dengan-dengan saq begawéan léq lendangde. Mangkin dengahang kuihan ie pade! Dengan-dengan saq ngumpulang hasil lendangde, bekuih nunas tulung, dait kuihan ie pade sampun dateng tipaq Allah, Tuhan penguase alam semeste.

YAKUB 5:4 ပူးပေါင်းရင်းမြစ်များ

ZABUR 9:12

Pade puji ALLAH saq mréntah léq Sion! Ceriteang karye-Ne tipaq bangse-bangse!

MATIUS 9:37

Beterus Deside Isa bemanik léq pengiring-pengiring-Ne, “Saq tepataq mule luwéq, laguq tukang pataqne cume sekediq.

LUKAS 18:7

Napi Allah nénten gen béle pelekare dengan-dengan piléqan-Ne saq kenjelo kekelem tunas léq Ie? Napi Allah gen ngulur-ngulur waktu jari nulung ie pade?

ROMA 9:29

Yesaya éndah bebase maraq niki, “Seandéne Tuhan penguase alam semeste ndéq ngadéqang ite keturunan, pasti ite selapuq sampun maraq Sodom dait Gomora.”

KOLOSE 4:1

Semeton senamian saq jari majikan! Side pade harus perlakuang hambe-hambende secare kenaq dait adil. Pade inget bahwe side pade éndah bedowé sopoq majikan léq sorge.