YAKUB 5:20 - KITAB SUCI ZABUR INJIL

²⁰ side pade harus nenaoq bahwe: Dengan saq miaq dengan bedose bebalik léman langanne saq sesat, ie nyelametang jiwe dengan saq bedose nike léman kematéan dait segah dengan piaq dose malik.

YAKUB 5:20 ပူးပေါင်းရင်းမြစ်များ

ZABUR 32:1

Zabur Daud. Nyanyian pengajahan. Bahagie dengan saq dosene teampunin, dait kesalaqanne temaapang.

YAHYA 5:24

Tiang badaq side: Setetune dengan saq dengah Tiang, dait percaye léq Bapa saq ngutus Tiang, ie gen mauq idup sejati dait kekel, dait ie ndéq gen tehukum; ie sampun ngalih léman ninggal ojok dalem idup.

ROMA 11:14

Tiang harep pegawéan tiang niki bau nimbulang talon até léq bangse tiang mésaq, adéq siq hal nike tiang bau nyelametang pire dengan léman ie pade.

1 KORINTUS 1:21

Séngaq timaq berembé ceketne manusie, ie ndéq bau kenal kance Allah kadu kepinteranne mésaq. Laguq malahan lantaran Allah bijaksane, make Ie kayun nyelametang dengan-dengan saq percaye léq Ie langan berite saq tiang pade sampéang, saq teanggep hal saq bodo siq dunie.

1 KORINTUS 9:22

Léq tengaq-tengaq dengan-dengan saq keyakinanne ndéq kuat, tiang éndah piaq diriq tiang maraq sopoq dengan saq ndéq kuat keyakinanne, adéq tiang bau jauq ie pade jari pengiring Almasih. Singketne, tiang jari selapuq-lapuqne tipaq selapuq dengan adéq tiang bau nyelametang seluwéq-luwéqne léman ie pade.

1 TIMOTIUS 4:16

Perhatiang pacu-pacu diriqde dait perhatiang éndah pengajahan side. Side harus tetep setie ngelaksaneang selapuqne nike, séngaq siq care nike side gen nyelametang diriqde mésaq dait dengan-dengan saq dengahang side.

PILEMON 1:19

Tiang, Paulus, nulis kadu ime tiang mésaq: Tiang gen lunasang selapuqne. Tiang ndéqne perlu ingetang bahwe side mésaq berutang léq tiang, nike diriqde mésaq.

YAKUB 1:15

Beterus, lamun keméléq saq jahat nike teturut, make gen datengang dose; dait lamun dose sampun masak, make kematéan saq jari akibatne.

YAKUB 1:21

Keranaq nike, tetéh selapuq kebiasean saq lengé dait saq jahat. Terimaq Manik Allah setulusne léq dalem aténde, séngaq Manik nike bedowé kekuatan jari nyelametang side pade.

YAKUB 5:15

Do'e saq asalne léman iman gen nyelametang dengan sakit nike dait Tuhan gen nyelahang ie; dait lamun ie sampun piaq dose, make dosene nike gen teampunin.

YAKUB 5:19

Semeton-semeton tiang! Lamun léq antare side araq malik sopoq dengan saq nyimpang léman kebenaran, beterus sopoq dengan saq lain miaq dengan nike tulak tipaq Allah,

1 PETRUS 4:8

Léq atas selapuq nike, hal saq paling utame: Side harus pacu-pacu saling kasihin sopoq kance saq lain, séngaq kasih segah dengan piaq dose malik.

WAHYU 20:6

Bahagie dengan-dengan saq milu teidupang malik léq waktu saq penembéq nike. Ie pade patut jari dowén Allah. Kematéan saq kedue ndéq bekuase malik léq ie pade. Ie pade gen jari imam-imam Allah dait imam-imam Almasih; dait ie pade gen mréntah bareng Almasih siyu taun ngonéqne.