YAKUB 5:16 - KITAB SUCI ZABUR INJIL

¹⁶ Keranaq nike, side pade harus saling ngakuq dose dait saling do'eang, adéq side pade teselahang. Do'e dengan saq kenaq lamun siq yakin tedo'eang, beléq gati kuasene.

YAKUB 5:16 ပူးပေါင်းရင်းမြစ်များ

ZABUR 34:15

Jaoqang saq jahat, laksaneang saq solah, boyaq dait usaheang jari mauq perdaméan.

MATIUS 21:22

Dait napi juaq saq side pade tunas dalem do'e, side pade gen nerimaq ie asal side pade percaye.”

MATIUS 3:6

Ie pade ngaku dose-dosene, beterus ie pade tebaptis siq Yahya léq Kokoq Yordan.

MARKUS 1:5

Selapuq dengan léman negeri Yudea dait kote Yerusalem lumbar dengahang hotbah Yahya. Ie pade ngaku dose-dose ie pade dait Yahya baptis ie pade léq Kokoq Yordan.

LUKAS 9:6

Pengiring-pengiring Deside Isa berangkat, beterus lumbar ojok dése-dése jari nyampéang Kabar Solah nike dait nyelahang dengan sakit léq selapuq taoq.

YAHYA 9:31

Ite nenaoq bahwe Allah nénten gen mirengang dengan bedose, laguq dengan saq soléh dait ngelaksaneang pekayunan-Ne.

KISAH RASUL-RASUL 10:38

Side pade nenaoq bahwe Allah sampun nyuciang dait ngesahang Deside Isa dengan Nazaret nike siq Roh Suci dait kuase. Side pade nenaoq éndah bahwe Deside Isa nike lumbar ojok mbé-mbé jari ngelaksaneang saq solah; Ie nyelahang selapuq dengan saq tekuasein siq Belis, séngaq Allah araq bareng Ie.

KISAH RASUL-RASUL 19:18

Luwéq dengan saq sampun jari percaye léq Deside Isa, dateng ngakuq léq julun dengan luwéq selapuq perbuatan-perbuatan ie pade.

KISAH RASUL-RASUL 8:24

Beterus Simon bebase, “Tulung tunasang tipaq Tuhan adéq ndéq sopoq juaq léman saq side pade ucapang nike telaksane léq tiang.”

ROMA 3:10

Maraq saq tetulis léq dalem Kitab Suci, “Ndéq araq sopoq dengan juaq saq kenaq léq arepan Allah,

ROMA 5:19

Dait maraq luwéq dengan jari dengan bedose lantaran sopoq dengan saq ndéq taat, maraq nike éndah luwéq dengan gen bau tejariang kenaq léq arepan Allah lantaran sopoq dengan lain taat léq Allah.

KOLOSE 1:9

Keranaq nike tiang pade tetep bedo'e adéq side pade nerimaq selapuq hikmat dait pengertian saq kenaq, sehingge side pade nenaoq pekayunan Allah secare sempurne.

1 TESALONIKA 5:17

Dait pade tetep bedo'e.

1 TESALONIKA 5:23

Semoge Allah damé sejahtere nyuciang side selapuqne dait semoge roh, jiwe dait awakde tepeliharaq secare sempurne dait ndéq bedowé cacat cele léq waktu kerauhan Deside Isa Almasih, Junjungante Saq Mulie.

1 TESALONIKA 5:25

Semeton senamian, do'eang tiang pade!

IBRANI 11:4

Lantaran iman Habil sampun ngaturang tipaq Allah kurban saq solahan léman kurban saq teaturang siq Kain. Lantaran imanne nike, Habil teterimaq siq Allah jari dengan saq kenaq, séngaq nyate bahwe Allah nerimaq persembahanne. Habil sampun ninggal, laguq lantaran imanne nike, ie masih ngeraos.

IBRANI 11:7

Lantaran iman, make Nuh -- siq petunjuk léman Allah mengenai sopoq hal saq ndéqman penggitan -- siq taat nyiepang kapal jari nyelametang keluargene; dait lantaran imanne nike dunie tehukum dait ie tetentuang jari nerimaq kebenaran, sesuai kance imanne.

IBRANI 12:13

Side harus tetep lampaq léq langan saq rate, adéq naénde saq démpang ndéqne kedesor, laguq malahan jari selah.

IBRANI 13:18

Pade terus do'eang tiang pade. Tiang pade yakin até nurani tiang pade bersi. Séngaq léq dalem selapuq hal tiang pade tetep mélé ngelaksaneang napi saq kenaq.

1 PETRUS 2:24

Almasih mésaq saq nanggung dose-dosente léq dalem rage-Ne léq atas kayuq salib, adéq ite saq sampun bébas léman kuase dose, idup bagi kebenaran. Leket-leket saq araq léq Almasih nike saq nyelahang side pade.

1 YAHYA 3:22

Dait napi saq ite tunas léman Ie, ite gen nerimaq, séngaq ite taat léq préntah-préntah-Ne dait ite ngelaksaneang napi saq nyenengang Ie.