YAKUB 5:14 - KITAB SUCI ZABUR INJIL

¹⁴ Lamun araq saq sakit, ie harus ngempoh pemimpin-pemimpin jemaah. Dait pemimpin-pemimpin nike harus do'eang dengan saq sakit nike dait ngolésang minyak siq peséngan Tuhan.

YAKUB 5:14 ပူးပေါင်းရင်းမြစ်များ

MARKUS 16:18

Lamun ie pade negel ulah atao nginem racun, ie pade ndéq gen celake. Lamun ie pade noloq imene léq atas dengan-dengan saq sakit, dengan-dengan nike gen selah.”

MARKUS 6:13

Pengiring-pengiring Deside Isa nike sediq luwéq roh jahat, ngolésang minyak léq dengan sakit dait nyelahang ie pade.

KISAH RASUL-RASUL 11:30

Kesepakatan nike telaksaneang éndah, beterus Barnabas dait Saulus teutus jari ngatongang sumbangan nike ojok pemimpin-pemimpin jemaah.

KISAH RASUL-RASUL 14:23

Dait léq sebilang jemaah, Paulus dait Barnabas ngangkat pemimpin-pemimpin umaq jemaah-jemaah nike, terus siq do'e dait puase, ie pade nyerahang pemimpin-pemimpin nike ojok Tuhan saq ie pade percaye nike.

KISAH RASUL-RASUL 15:4

Sewaktu ie pade dateng léq Yerusalem, ie pade tesambut siq jemaah, dait rasul-rasul dait pemimpin-pemimpin. Terus ie pade nyeriteang tipaq dengan-dengan nike mengenai selapuq saq sampun telaksaneang siq Allah langan ie pade.

KISAH RASUL-RASUL 28:8

Léq waktu nike bapaqne kenyeke sakit, teserang telih panas dait désentri. Paulus lumbar serioq bapaq saq sakit nike terus bedo'e dait noloq imene léq atasne, sehingge ie selah.

KISAH RASUL-RASUL 9:40

Petrus suruq ie pade selapuq sugul, terus ie sujut dait bedo'e. Sesampun nike ie serioq andang jenazah Dorkas, dait bebase, “Tabita, ures!” Make Dorkas bukaq penentengne, dait waktu ie serioq Petrus, ie tokol.

TITUS 1:5

Tiang bilin side léq Kreta adéq side bau ngurus hal-hal saq masih perlu teatur. Dait adéq side ngangkat pemimpin-pemimpin jemaah léq sebilang kote, maraq saq sampun tiang pesen léq side: