YAKUB 5:11 - KITAB SUCI ZABUR INJIL

¹¹ Ie pade tesebut bahagie séngaq ie pade tekun. Side pade sampun dengah mengenai ketekunan Ayub, dait side pade nenaoq berembé ahirne Tuhan ngicanin ie berkah. Séngaq Tuhan nike Mahe Pengasih dait Mahe Penyayang.

YAKUB 5:11 ပူးပေါင်းရင်းမြစ်များ

ZABUR 103:13

Maraq sopoq bapaq ngasihin bije-bijene, maraq nike ALLAH ngasihin dengan saq takut léq Ie.

ZABUR 103:8

Séngaq ALLAH pengasih dait penyayang, Ie penyabar dait kasih-Ne belimpah.

ZABUR 116:5

ALLAH nike pengasih dait adil; Tuhante penoq siq belas kasihan.

ZABUR 119:132

Silaq bebalik tipaq kaji dait periakang kaji, maraq Deside periak léq dengan saq seneng léq peséngan Deside.

ZABUR 145:8

ALLAH nike pengasih dait penyayang, nénten gelis menggah dait beléq kasih dait setie-Ne.

ZABUR 37:37

Perhatiang dengan saq solah dait saq tulus até; dengan saq suke damé bedowé mase depan.

ZABUR 51:1

Umaq pemimpin kor. Zabur saq tekarang siq Daud

ZABUR 78:38

Laguq Allah ngasihin dait ngampunin umat-Ne, dait nénten binaseang ie pade. Kereng gati Allah nahen kemenggahan-Ne, dait nénten ngelampiasang murke-Ne.

ZABUR 86:15

Laguq Deside, ya Allah Junjungan kaji Saq Mulie, pengasih dait penyayang, sabar, penoq kasih dait setie.

ZABUR 86:5

Ya Junjungan Saq Mulie, Deside solah, dait seneng ngampunin, dengan saq bedo'e tipaq Deside tetep Deside kasihin siq kasih saq belimpah.

ZABUR 94:12

Bahagie dengan saq Deside didik, ya ALLAH, dengan saq Deside ajah préntah-préntah Deside.

MATIUS 10:22

Side pade gen temeriq siq selapuq dengan lantaran side pade jari pengiring Tiang. Laguq dengan saq setie jangke penutuqne, gen teselametang.

LUKAS 1:50

Keturunan demi keturunan Ie ngicanin rahmat tipaq dengan saq takut léq Ie.

LUKAS 11:10

Séngaq dengan saq nunas gen nerimaq; dengan saq boyaq gen mauq; dait dengan saq ketok lawang, gen tebukaqang lawang.

LUKAS 6:36

Side pade harus murah até, pade maraq Bapa side murah até.”

ROMA 2:4

Atao side pade ngeréméhang kemurahan Allah dait kesolahan kance kesabaran Allah saq beléq nike? Pasti side pade selapuq nenaoq bahwe Allah nyatayang kesolahan angen-Ne séngaq Allah kayun adéq side pade selapuq betobat léman dose-dose side pade.

EPESUS 1:6

adéqne tepuji rahmat-Ne saq mulie, rahmat saq teicanin tipaq ite langan Bije saq asalne léman Ie saq sanget Ie sayang.

EPESUS 2:4

Laguq Allah saq limpah siq rahmat, lantaran kasih-Ne saq beléq, saq Ie limpahang tipaq ite,

IBRANI 10:39

Ite niki ndéqne umat saq ngundurang diriq dait binase. Sebalikne, ite niki umat saq percaye léq Allah dait saq mauq idup.

IBRANI 3:14

Ite selapuq sampun mauq bagian léq dalem Almasih lamun ite tetep percaye léq pengharepante saq penembéq jangke penutuqne.

IBRANI 3:6

Laguq Almasih setie sebagé Bije saq asalne léman Allah saq betanggung jawab léq gedéng Allah. Dait ite niki gedéng Allah, lamun ite tetep besemanget dait tetep yakin jari mauq napi saq ite harepang.

YAKUB 1:12

Bahagie dengan saq tahen sewaktu ie tecobe. Séngaq sesampun ie bau tahen léq cobe nike, ie gen nerimaq upaqne, nike mahkote kehidupan saq tejanjiqang siq Allah tipaq dengan-dengan saq ngasihin Ie.

YAKUB 1:2

Semeton senamian! Lamun side pade ngalamin macem-macem cobe, side pade harus anggep hal nike jari kebahagiean.

1 PETRUS 1:13

Keranaq nike, pade siepang pikirande dait waspade dait beharep sepenoqne léq rahmat saq gen teicanin tipaq side léq waktu Deside Isa Almasih rauh éraq.

1 PETRUS 3:14

Laguq timaq side pade harus menderite lantaran ngelaksaneang hal-hal saq solah, side pade bahagie! Ndaq takut léq sai juaq, dait ndaq kuatir.

2 PETRUS 2:9

Jari, Tuhan wikan berembé entane nyelametang dengan-dengan saq soléh lamun ie pade mauq cobe. Dait Tuhan wikan berembé entane nahen dengan-dengan saq jahat adéqne tesiksaq léq jelo penghakiman,