YAKUB 4:8 - KITAB SUCI ZABUR INJIL

⁸ Rapetang diriqde léq Allah, dait Allah éndah gen ngerapetin side pade. Persiq imende, side pade saq bedose! Dait suciang aténde, side pade saq due angen!

YAKUB 4:8 ပူးပေါင်းရင်းမြစ်များ

ZABUR 119:113

Kaji seneng léq préntah Deside, kaji meriq léq dengan saq bimbang aténe.

ZABUR 145:18

Ie rapet kance sebilang dengan saq bekuih tipaq Ie, dait nunas léq Ie setulus até.

ZABUR 18:20

Ie ngelepasang tiang léman bahaye dait nyelametang tiang séngaq Ie suke kance tiang.

ZABUR 24:4

Dengan saq ndéq bedowé cele léq pikiran dait perbuatanne, saq ndéq besumpah palsu dait ndéq nyembah berhale.

ZABUR 26:6

Kaji bisoq imen kaji tande nénten salaq, dait lampaq ngiterin méje taoq kurban Deside, ya ALLAH,

ZABUR 51:10

Menengang kaji dengah kabar sukecite, adéq até saq Deside remukang niki besurak malik.

ZABUR 73:13

Percume doang tiang jagaq atén tiang bersi; ndéq araq manpaatne tiang jaoqin dose.

ZABUR 73:28

Laguq kaji, kaji seneng araq léq dékét Allah, ALLAH Saq Maheagung, kaji jariang taoq perlindungan kaji, adéq kaji bau nyeriteang selapuq karye-Ne.

MATIUS 12:33

“Adéq temauq buaq saq solah, lolone harus solah. Lamun lolone ndéq solah buaqne éndah ndéq gen solah. Jari, solah atao ndéq lolone nike bau tetaoq léman buaqne.

MATIUS 15:2

“Kembéq pengiring-pengiring Pelungguh ngelanggar adat istiadat pare leluhurte? Sewaktu ie pade bekelor, ie pade ndéq bisoq imene juluq menurut aturan!”

MATIUS 27:24

Ahirne Pilatus sadar bahwe ie ndéq bau piaq napi-napi malik, malahan dengan-dengan nike mulai ngore. Jari ie bait aiq, terus léq julu dengan luwéq nike ie bisoq imene dait bebase, “Tiang ndéq tanggung jawab léq ninggalne dengan niki! Nike urusan side pade!”

KISAH RASUL-RASUL 15:9

Allah nénten béde-bédeang ite kance ie pade. Allah nyuciang atén ie pade lantaran iman ie pade.

2 KORINTUS 7:1

Semeton senamian saq tiang kasihin! Selapuq janji nike tetujuang tipaq ite. Keranaq nike ite harus persiq diriq léman selapuq hal saq najisang awak dait rohte. Ite harus takut léq Allah, adéq ite bau idup husus umaq Ie léq dalem kesempurnean.

1 TIMOTIUS 2:8

Tiang mélé adéq léq sebilang taoq, dengan mame bedo'e dait nengadahang kedue imene saq suci, ndéq tebarengin rase gedek atao betungkasan.

IBRANI 10:22

Keranaq nike silaq ite ngadep Allah siq angen saq tulus dait iman saq teguq; siq até saq sampun tesuciang léman perasaan salaq, dait siq awak saq sampun tepersiq kadu aiq saq murni.

IBRANI 7:19

Hukum Taurat ndéqne bau jariang napi juaq jari sempurne. Keranaq nike mangkin ite teicanin sopoq pengharepan saq solahan; siq hal nike ite bau parek tipaq Allah.

YAKUB 3:17

Laguq kebijaksanean saq asalne léman atas, pertame-tame murni, beterus demen bedamé, gerasaq, penurut, penoq belas kasihan dait ngasilang perbuatan-perbuatan saq solah, ndéq bepihak dait ndéq munapik.

1 PETRUS 1:22

Side pade sampun nyuciang diriq lantaran side pade taat léq kebenaran, sehingge side pade bau ngasihin selapuq semeton secare tulus ihlas. Keranaq nike, side pade harus saling kasihin sopoq kance saq lainne siq sepenoq angen.

1 PETRUS 3:21

Peristiwe nike jari perumpamean léman baptisan saq mangkin niki nyelametang side pade. Baptisan niki ndéqne sopoq upacare jari persiq awak léman selapuq saq kotor-kotor, laguq jari petunasan tipaq Allah adéq Ie ngicanin até nurani saq murni. Baptisan nike nyelametang side pade séngaq Deside Isa Almasih sampun idup malik léman ninggal,

1 YAHYA 3:3

Selapuq dengan saq bedowé harepan maraq niki léq Almasih, jagaq diriqne adéqne tetu-tetu suci, bersi léman dose maraq Almasih nike suci.