YAKUB 4:5 - KITAB SUCI ZABUR INJIL

⁵ Ndaq paran bahwe Kitab Suci ndéq bedowé alasan nyatayang, “Roh saq tetoloq siq Allah léq dalem diriqte, nike roh saq keras keméléqne.”

YAKUB 4:5 ပူးပေါင်းရင်းမြစ်များ

ZABUR 106:16

Léq padang gurun nike ie pade talon até léq Musa dait léq Harun, hambe-Ne saq suci.

ZABUR 37:1

Léman Daud. Ndaq sili lantaran dengan jahat, ndaq talon até léq dengan saq gawéq salaq.

YAHYA 10:35

Jari, lamun ie pade tesebut déwe lantaran Manik Allah tesampéang tipaq ie pade -- padahal Kitab Suci ndéqne bau tebatalang --,

YAHYA 19:37

Léq dalem Kitab Suci éndah tetulis: “Ie pade gen perhatiang Ie saq sampun ie pade galah.”

YAHYA 7:42

Dalem Kitab Suci tetulis bahwe Almasih nike keturunan Daud dait gen rauh léman Betlehem, dése asalne Daud.”

KISAH RASUL-RASUL 7:9

Bapaq-bapaq leluhurte nike talon até léq Yusup, sehingge ie pade sepakat jual Yusup jari hambe léq Mesir. Laguq Allah araq bareng-bareng kance ie,

ROMA 1:29

Pikiran ie pade penoq siq selapuq hal saq jahat, saq ndéq kenaq; penoq siq keserakahan, lengé angenne, penoq siq dengki, napsu mélé nyematéq, besiaq, nipu dait dendem, ndéqne peduli léq Tuhan,

ROMA 9:17

Séngaq léq dalem Kitab Suci tetulis, “Allah bemanik tipaq raje Mesir, ‘Tiang jariang side raje siq sopoq maksut niki, adéq langan side Tiang nyatayang kekuasean dait miaq aran Tiang kesohor léq seantéro dunie.’ ”

1 KORINTUS 6:19

Napi side pade ndéq nenaoq bahwe awakde nike taoq Roh Allah. Roh nike ndot léq dalem side pade. Dait Allah mésaq saq ngicanin side Roh nike. Diriqde ndéqne dowénde mésaq. Nike dowén Allah.

2 KORINTUS 6:16

Napi hubunganne antare gedéng Allah kance berhale? Ite niki gedéng Allah saq idup. Allah mésaq bemanik, “Tiang gen araq léq tengaq-tengaq ie pade, dait idup bareng kance ie pade. Tiang gen jari Allah ie pade, dait ie pade gen jari umat Tiang.

GALATIA 3:8

Kitab Suci, saq sampun juluan wikan bahwe Allah gen miaq dengan-dengan saq ndéq Yahudi bau tejariang kenaq léq arepan-Ne sehingge hubungan ie pade kance Allah jari solah malik langan iman, sampun juluan beriteang kabar solah nike tipaq Ibrahim, “Langan side, selapuq suku-suku bangse gen mauq berkah léman Allah.”

TITUS 3:3

Séngaq laéq ite mésaq éndah bodo, sesat dait ndéq taat. Ite tejariang hambe siq macem-macem napsu dait keméléq; ite idup siq niat-niat saq jahat dait talon até, dait ite saling meriq.