YAKUB 4:4 - KITAB SUCI ZABUR INJIL

⁴ Side pade dengan saq ndéq setie! Napi side pade nenaoq bahwe lamun side pade bebatur kance dunie, make side pade jari musuh Allah? Jari, sai-sai saq mélé jari sahabat dunie niki, ie jariang diriqne musuh Allah.

YAKUB 4:4 ပူးပေါင်းရင်းမြစ်များ

ZABUR 21:8

Raje beharep léq ALLAH Saq Maheagung, ie tetep aman séngaq tetep tekasihin siq ALLAH.

ZABUR 50:18

Lamun side serioq sopoq maling, side milu kance ie, dait side bebatur kance dengan-dengan saq demen bezinah.

ZABUR 73:27

Dengan saq bilin Deside gen celake, Deside binaseang dengan saq nénten setie léq Deside.

MATIUS 12:39

Laguq jawab Deside Isa, “Jahat gati dait durhake dengan-dengan léq jaman niki! Side pade mélé serioq Tiang miaq tande? Tipaq side pade ndéq gen teicanin sopoq juaq tande kecuali tande Nabi Yunus.

MATIUS 16:4

“Jahat gati dait durhake dengan-dengan léq jaman niki! Side pade mélé serioq Tiang miaq tande? Tipaq side pade ndéq gen teicanin sopoq juaq tande kecuali tande Nabi Yunus.” Sesampun Deside Isa bemanik maraq nike, Ie margi bilin ie pade.

MATIUS 6:24

“Ndéq araq sopoq dengan juaq saq bau begawéan léq due majikan. Séngaq lamun maraq nike ie gen meriq léq saq sopoq dait ngasihin saq lain, atao ie gen setie léq saq sopoq dait ndéq gen merhatiang saq lain. Maraq nike éndah halne side pade; side pade ndéq bau begawéan tipaq Allah dait tipaq dowé bande éndah.

LUKAS 19:27

Laguq mangkin side jauq ojok deriki musuh-musuh tiang nike saq ndéq setuju tiang jari rajene. Matéq ie pade selapuq léq julun tiang!’ ”

YAHYA 15:19

Seandéne side pade léman dunie side pade gen tekasihin siq dunie jari dowéne. Laguq Tiang sampun piléq side pade léman dunie niki, jari side pade ndéqne malik dowén dunie. Keranaq nike dunie meriq léq side pade.

YAHYA 17:14

Tiang sampun sampéang léq ie pade selapuq manik Deside, dait dunie meriq léq ie pade, séngaq ie pade nénten dowén dunie, pade maraq Tiang éndah nénten dowén dunie.

YAHYA 7:7

Dunie niki ndéqne mungkin meriq léq side pade. Laguq Tiang mule temeriq siq dunie, séngaq Tiang tetep ngebéng kesaksian mengenai dunie bahwe perbuatan-perbuatanne jahat.

ROMA 5:10

Lamun léq waktu ite masih jari musuh Allah, ite tedaméang kance Allah siq ninggal Bije-Ne, lebih-lebih mangkin sesampun hubungante kance Allah solah malik, pasti ite gen teselametang éndah langan idup Almasih.

ROMA 8:7

Dengan saq pikiranne tekuasein siq keméléq tabiat manusie, dengan nike bemusuhan kance Allah; lantaran dengan nike ndéqne taat léq hukum Allah; dait mule ie ndéq iniq patuh léq hukum Allah.

1 KORINTUS 1:20

Lamun maraq nike, léq mbé dengan-dengan saq arip nike? Léq mbé ahli-ahli Taurat nike? Léq mbé dengan-dengan saq girang nentang nike? Tekan Allah sampun miaq kebijaksanean dunie niki jari sopoq hal saq bodo?

1 KORINTUS 1:21

Séngaq timaq berembé ceketne manusie, ie ndéq bau kenal kance Allah kadu kepinteranne mésaq. Laguq malahan lantaran Allah bijaksane, make Ie kayun nyelametang dengan-dengan saq percaye léq Ie langan berite saq tiang pade sampéang, saq teanggep hal saq bodo siq dunie.

GALATIA 1:10

Napi siq care nike tiang jari maraq dengan saq melét teakuq siq manusie? Tetu-tetu ndéqne maraq nike! Tiang cume ngarepang pengakuan léman Allah. Napi tiang kenyeke berusahe mikat angen manusie adéq tedemen siq dengan? Lamun tiang masih piaq maraq nike, tiang ndéqne hambe Almasih.

YAKUB 1:27

Ibadah saq murni dait sejati menurut Allah Bapante: Nulung anak-anak iwoq dait bebalu-bebalu saq menderite, dait jagaq diriq mésaq adéq ndaq tesédaq siq dunie niki.