YAKUB 4:3 - KITAB SUCI ZABUR INJIL

³ Dait timaq side pade sampun bedo'e, side pade ndéq nerimaq, séngaq side pade salaq bedo'e, séngaq napi saq side pade tunas nike gen side pade bisang jari muasang hawe napsunde.

YAKUB 4:3 ပူးပေါင်းရင်းမြစ်များ

ZABUR 18:41

Deside piaq musuh kaji pelai léman kaji; dengan-dengan saq meriq léq kaji, kaji binaseang.

MATIUS 20:22

“Side pade ndéq nenaoq napi saq side pade tunas,” manik Deside Isa léq ie pade. “Napi side pade sanggup nginem léman cawan penderitean saq harus Tiang inem?” “Sanggup!” jawab ie pade.

MARKUS 10:38

“Side pade ndéq nenaoq napi saq side pade tunas,” manik Deside Isa léq ie pade, “Napi side pade sanggup nginem cawan penderitean saq harus Tiang inem dait tebaptis kadu baptisan saq harus Tiang terimaq?”

LUKAS 11:10

Séngaq dengan saq nunas gen nerimaq; dengan saq boyaq gen mauq; dait dengan saq ketok lawang, gen tebukaqang lawang.

LUKAS 15:13

Pire jelo sesampun nike bijene saq sengari nike jual bagianne nike terus lumbar ojok negeri saq jaoq. Léq derike ie ambur-amburang képéngne siq idup loyar dait beseneng-seneng.

LUKAS 15:30

Bijende nike sampun nyembih kesugihande kance pelacur-pelacur, laguq waktu ie tulak, side sembeléh anak sampi saq mokoh umaq ie!’

YAKUB 4:1

Léman mbé asalne selapuq pesiaqan dait pegejuhan léq antare side? Tekan nike dateng léman hawe napsu side saq saling bejuang léq dalem awakde?

1 YAHYA 3:22

Dait napi saq ite tunas léman Ie, ite gen nerimaq, séngaq ite taat léq préntah-préntah-Ne dait ite ngelaksaneang napi saq nyenengang Ie.

1 YAHYA 5:14

Dait ite parek tipaq Allah siq keyakinan saq pasti, séngaq ite yakin Ie ngabulang do'ente, lamun ite tunas sopoq hal saq sesuai kance pekayunan-Ne.