YAKUB 4:12 - KITAB SUCI ZABUR INJIL

¹² Padahal cume sopoq saq berhak miaq hukum tipaq manusie dait ngadilin manusie, nike Allah saq bekuase nyelametang dait binaseang. Jari, sai setetune side sehingge side mélé ngadilin sepade manusie?

YAKUB 4:12 ပူးပေါင်းရင်းမြစ်များ

MATIUS 10:28

Ndaq takut léq ie pade saq bau nyematéq awak, laguq ndéq bekuase nyematéq jiwe. Takut tipaq Allah saq bekuase binaseang awak dait jiwe léq dalem api nerake.

LUKAS 12:5

Mangkin araqan Tiang badaq side léq sai side pade harus takut. Pade takut tipaq Allah! Séngaq sesampun nyematéq, Ie éndah bedowe kuase netéh ojok dalem api nerake! Tiang badaq side pacu-pacu, tipaq Allah doang side pade harus takut.

ROMA 14:13

Keranaq nike ite ndaq saling hakimin. Sebalikne turut hukum niki: Ndaq jangke miaq semeton side pade jari tegode dait bedose.

ROMA 14:4

Sai side pade setetune sehingge side pade bani ngadilin pelayan dengan lain? Timaq pelayan nike rebaq atao nganjeng, nike urusan majikanne. Dait mule pelayan nike pasti gen nganjeng malik séngaq Allah sanggup piaq ie nganjeng.

ROMA 2:1

Keranaq nike semeton senamian, sai setetune side pade sehingge hakimin dengan lain? Side mésaq ndéqne bébas léman kesalaqan, séngaq lamun side pade hakimin dengan lain padahal side mésaq ngelaksaneang hal saq pade maraq dengan-dengan nike, make side pade mutusang hukuman tipaq diriqde mésaq.

ROMA 9:20

Laguq side pade, side pade cume manusie biase, dait side pade ndéq patut nimbal tipaq Allah! Napi bau barang saq tepiaq beketuan léq dengan saq miaq, “Kembéq side piaq tiang maraq niki?”

IBRANI 7:25

Keranaq nike jari selaéq-laéqne Deside Isa bau nyelametang dengan-dengan saq parek ojok Allah langan Ie, séngaq Ie idup selaéq-laéqne jari Perantare ie pade.

YAKUB 5:9

Ndaq pade ngerumun dait saling nyalahang, adéq side pade ndéq tehukum siq Allah. Inget! Hakim sampun rapet, siep gen rauh.