YAKUB 4:11 - KITAB SUCI ZABUR INJIL

¹¹ Semeton senamian, ndaq saling pitnah. Dengan saq pitnah semetonne, ie ngewade hukum dait ngadilin ie. Dait lamun side pade ngadilin hukum, nike artine side pade ndéq taat léq hukum-hukum nike, laguq jari hakimne.

YAKUB 4:11 ပူးပေါင်းရင်းမြစ်များ

ZABUR 140:11

Menengang ie pade teujanin siq barak api, dait tetetéh ojok loang maut, sehingge nénten iniq sugul malik.

LUKAS 6:37

“Ndaq side pade hakimin dengan lain, make side pade ndéq gen tehakimin. Ndaq side pade hukum dengan lain, make side pade ndéq gen tehukum; ampunin dengan lain dait side pade gen teampunin.

ROMA 2:1

Keranaq nike semeton senamian, sai setetune side pade sehingge hakimin dengan lain? Side mésaq ndéqne bébas léman kesalaqan, séngaq lamun side pade hakimin dengan lain padahal side mésaq ngelaksaneang hal saq pade maraq dengan-dengan nike, make side pade mutusang hukuman tipaq diriqde mésaq.

ROMA 2:13

Ndéqne dengan saq dengah Hukum Taurat saq tenyatayang sebagé dengan kenaq léq arepan Allah, laguq dengan saq taat léq hukum nike, saq gen tenyatayang kenaq.

ROMA 7:7

Lamun maraq nike, napi saq bau ite ucapang malik? Napi Hukum Taurat nike dose? Pasti ndéq! Laguq setetune hukum nike saq ngajah tiang mengenai dose. Tiang ndéq gen nenaoq napi artine melét nike, lamun ndéq tebadaq siq hukum nike, “Ndaq melét.”

1 KORINTUS 4:5

Keranaq nike, ndaq side pade becat-becat nentuang bahwe sopoq dengan salaq atao ndéq, séngaq ndéqman waktune. Antih jangke Tuhan rauh éraq. Ie saq gen bukaq selapuq rahasie-rahasie saq teseboq léq dalem peteng. Ie saq gen bungkar selapuq niat saq araq léq dalem até manusie. Léq waktu nike baruq sebilang dengan nerimaq pujian léman Allah maraq saq patut ie terimaq.

2 KORINTUS 12:20

Tiang kuatir bahwe laun léq waktu tiang jangoq side pade, tiang ndait side pade ndéq maraq napi saq tiang pade harepang. Ndaq-ndaq laun araq saq begejuh, talon até, gedek, mélé menang mésaq, saling pitnah, saling hasut, sombong dait ngorayang.

EPESUS 4:31

Tetéh selapuq rase sakit até, dendem, sili, betungkasan dait nyumpaq-nyumpaq. Ndaq malik araq rase meriq atao perasaan lain saq maraq nike.

1 TIMOTIUS 3:11

Senine ie pade harus éndah dengan saq solah, ndéqne dengan saq girang pitnah dengan. Ie pade harus tao nahen diriqne dait jujur léq dalem selapuq hal.

2 TIMOTIUS 3:3

Ie pade ndéq bedowé kasih léq sepade manusie, ndéqne demen bedamé, ie pade girang ngelengé-lengéang aran dengan lain, demen kadu kekerasan, ie pade kejem dait ndéqne demen léq hal saq solah.

TITUS 2:3

Maraq nike éndah dengan-dengan nine saq lingsir, ie pade harus idup jari dengan-dengan saq beribadah, ndéqne kanggo pitnah dengan lain, ndéqne kanggo ketagihan ineman keras, laguq ie pade harus tao ngajahang hal-hal saq solah,

YAKUB 1:16

Semeton senamian saq tiang kasihin; ndaq side pade jari sesat.

YAKUB 1:19

Pade perhatiang niki solah-solah, semeton senamian saq tiang kasihin! Sebilang dengan harus becat dedengah, laguq ndéqne becat bebase dait ndéqne becat gedek.

YAKUB 1:25

Hukum Allah sempurne dait bedowé kekuatan jari merdékeang manusie. Dait dengan saq nyelidik dait pacu-pacu merhatiang dait ngelaksaneang hukum-hukum nike, dait ndéqne cume dengah doang beterus lupaq, dengan nike gen bahagie léq napi juaq saq ie laksaneang.

YAKUB 2:8

Side pade ngelaksaneang saq kenaq, lamun side pade ngelaksaneang hukum utame saq tetulis léq Kitab Suci niki, “Kasihin sepadende manusie, pade maraq side ngasihin diriqde mésaq.”

YAKUB 5:10

Semeton senamian, pade turut teladan penderitean dait kesabaran pare nabi saq sampun bebaos siq peséngan Tuhan.

YAKUB 5:7

Keranaq nike, pade sabar semeton-semeton tiang, jangke Tuhan rauh. Pade serioq berembé sabarne sopoq petani ngantih jangke tanaqne ngasilang hasil saq mahel ajine. Ie sabar ngantih ujan saq penembéq dait ujan saq penutuq.

YAKUB 5:9

Ndaq pade ngerumun dait saling nyalahang, adéq side pade ndéq tehukum siq Allah. Inget! Hakim sampun rapet, siep gen rauh.

1 PETRUS 2:1

Keranaq nike, tetéh léman diriqde selapuq saq jahat; selapuq tipu muslihat dait segale macem kemunapikan, talon até, dait pitnah.