YAKUB 4:1 - KITAB SUCI ZABUR INJIL

¹ Léman mbé asalne selapuq pesiaqan dait pegejuhan léq antare side? Tekan nike dateng léman hawe napsu side saq saling bejuang léq dalem awakde?

YAKUB 4:1 ပူးပေါင်းရင်းမြစ်များ

MATIUS 15:19

Séngaq léman até timbul pikiran-pikiran jahat, saq jari penyebab dengan nyematéq, bezinah, gawéq perbuatan saq cabul, memaling, ngebéng kesaksian palsu dait pitnah.

YAHYA 8:44

Belis nike saq jari bapaqde, dait side pade mélé turut keméléq bapaqde. Léman penembéqne Belis nike tukang nyematéq. Ie ndéq uwah béle kebenaran, séngaq ndéq araq kebenaran léq dalem diriqne. Lamun ie beduste nike hal saq biase, séngaq mule nike sipatne. Ie mule penduste dait sumber segale macem duste.

ROMA 7:23

laguq tiang sadar bahwe léq dalem bagian-bagian awak tiang araq éndah hukum lain saq pengaruhin tiang -- nike hukum saq ngelawan hukum akal budi tiang. Keranaq nike tiang teriket dalem hukum dose saq araq léq bagian-bagian awak tiang.

ROMA 7:5

Séngaq, laéq ite idup menurut keméléq awak saq bedose. Léq waktu nike keméléq nike timbul séngaq araq Hukum Taurat saq pengaruhin diriqte. Nike jari penyebap ite ngelaksaneang hal-hal saq jauq akibat kematéan.

ROMA 8:7

Dengan saq pikiranne tekuasein siq keméléq tabiat manusie, dengan nike bemusuhan kance Allah; lantaran dengan nike ndéqne taat léq hukum Allah; dait mule ie ndéq iniq patuh léq hukum Allah.

GALATIA 5:17

Séngaq keméléq tabiat manusie belawanan kance pekayunan Roh Allah, dait pekayunan Roh Allah belawanan kance keméléq tabiat manusie. Kedue-duene saling belawanan, sehingge side pade ndéq bau ngelaksaneang napi saq side pade melétang.

KOLOSE 3:5

Keranaq nike, matéq keméléq-keméléq dunie saq ngerongrong diriqde, misalne: bezinah, hal-hal saq ndéq pantes, hawe napsu, keméléq saq jahat, dait serakah (séngaq serakah nike pade maraq nyembah berhale).

2 TIMOTIUS 2:23

Ndaq milu bedebat kance dengan bodo saq ndéq nenaoq napi-napi. Side nenaoq bahwe selapuqne nike cume nimbulang pegejuhan.

TITUS 3:3

Séngaq laéq ite mésaq éndah bodo, sesat dait ndéq taat. Ite tejariang hambe siq macem-macem napsu dait keméléq; ite idup siq niat-niat saq jahat dait talon até, dait ite saling meriq.

TITUS 3:9

Jaoqang diriqde léman pegejuhan saq ndéq araq manpaatne, cerite-cerite silsilah, betungkasan dait besiaq mengenai Hukum Taurat. Selapuqne nike ndéq araq manpaatne dait sie-sie.

YAKUB 1:14

Laguq dengan tecobe siq keméléqne mésaq, teoros dait tetipu siq keméléqne.

YAKUB 4:3

Dait timaq side pade sampun bedo'e, side pade ndéq nerimaq, séngaq side pade salaq bedo'e, séngaq napi saq side pade tunas nike gen side pade bisang jari muasang hawe napsunde.

1 PETRUS 1:14

Idup sebagé bije-bije saq taat léq Allah. Ndaq side turut selapuq hawe napsu saq nguasein side pade léq waktu side pade ndéqman kenal kance Allah.

1 PETRUS 2:11

Semeton senamian saq tiang kasihin! Side pade jari dengan pendateng dait musapir léq dunie niki. Keranaq nike tiang naséhatin side pade adéq ndaq turut keméléq tabiat manusie saq beperang ngelawan jiwe.

2 PETRUS 2:18

Ie pade ngucapang ucapan-ucapan saq sombong dait ndéq araq isine dait kadu hawe napsu saq cabul jari jauq tulak dengan-dengan saq baruq ngelepasang diriq léman dengan-dengan saq idupne sesat.

2 PETRUS 3:3

Saq terutame harus side pade nenaoq, bahwe léq jelo-jelo penutuq gen dateng tukang-tukang oloq, nike dengan-dengan saq idup menurut hawe napsune.