YAKUB 3:9 - KITAB SUCI ZABUR INJIL

⁹ Ite kadu élaq nike jari ngucapang syukur léq Tuhan dait Bapante, laguq éndah jari ngutuk sepade manusie, saq sampun tecipteang menurut gambar Allah.

YAKUB 3:9 ပူးပေါင်းရင်းမြစ်များ

ZABUR 10:7

Biwih ie pade penoq siq kutukan, dait sumpah senaq, ucapan-ucapanne penoq siq meriq dait kejahatan.

ZABUR 108:1

Nyanyian. Zabur Daud.

ZABUR 145:1

Pujian léman Daud. Kaji mélé agungang Deside, ya Allah kaji dait Raje kaji, dait tetep memuji peséngan Deside selaéq-laéqne.

ZABUR 145:21

Tiang mélé memuji ALLAH sebilang waktu, semoge selapuq mahluk-Ne memuji peséngan ALLAH saq suci selaéq-laéqne.

ZABUR 16:9

Keranaq nike angen tiang besukecite dait jiwen tiang besurak-surak, dait awak tiang mentelah siq tentrem.

ZABUR 30:12

Tangisan kaji sampun Deside salin jari igelan saq gembire, Deside bait kesedihan kaji dait Deside penoqang kaji siq sukecite.

ZABUR 34:1

Zabur Daud, sewaktu ie puraq-puraq nénten waras pikiranne léq arepan Abimelek, sehingge ie tetundung beterus lumbar.

ZABUR 35:28

Make kaji gen beriteang keadilan Deside, dait memuji sejeloan.

ZABUR 51:14

Piaq kaji seneng malik lantaran keselametan léman Deside, icanin kaji até saq réde jari taat léq Deside.

ZABUR 57:8

Atén kaji siep, ya Allah, atén tiang siep; tiang mélé benyanyi dait memuji Deside.

ZABUR 59:12

Sampunang Deside nyematéq ie pade, adéq bangse tiang nénten lupaq. Kelin ie pade sopoq kance saq lain dait kalahang ie pade siq kuase Deside, ya Junjungan Saq Mulie, pelindung kaji pade.

ZABUR 62:4

Jangke piran side selapuq mélé nyerang sopoq dengan saq sampun maraq tembok saq dénggéq dait tembok saq gen ruk?

ZABUR 63:4

Kasih Deside solahan tebanding idup, keranaq nike kaji memuji Deside.

ZABUR 71:24

Sejeloan kaji gen nyeriteang keadilan Deside, séngaq dengan-dengan saq mélé nyelakeang kaji sampun tekalahang dait teperilaq.

MATIUS 26:74

Beterus Petrus mulai besumpah-sumpah, dait bebase, “Tiang ndéq kenal Deside Isa nike!” Léq waktu nike éndah manuk ngungkung.

MATIUS 5:44

Laguq mangkin Tiang badaq side: Kasihin musuh-musuhde dait do'eang dengan saq nganiaye side pade,

KISAH RASUL-RASUL 2:26

Keranaq nike angen tiang besukecita, biwih tiang ngucapang nyanyian; dait awak tiang niki gen ndot dalem pengharepan.

ROMA 3:14

Biwih ie pade penoq siq kutukan dait sumpaq senaq.

1 KORINTUS 11:7

Dengan mame ndéqne perlu ngengadu kerudung, séngaq ie nyatayang pribadi dait kemuliean Allah. Laguq dengan nine jari nyatayang kemuliean dengan mame,

EPESUS 1:3

Puji syukur tipaq Allah, Bapa Junjungante Saq Mulie Deside Isa Almasih! Ie ngicanin ite berkah siq selapuq berkah rohani léq dalem sorge, séngaq ite araq léq dalem Almasih.

YAKUB 1:27

Ibadah saq murni dait sejati menurut Allah Bapante: Nulung anak-anak iwoq dait bebalu-bebalu saq menderite, dait jagaq diriq mésaq adéq ndaq tesédaq siq dunie niki.

YAKUB 3:10

Léman biwih saq pade sugul ucapan-ucapan berkah dait éndah ucapan-ucapan kutukan. Sepatutne ndéqne maraq nike.

1 PETRUS 1:3

Silaq ite besyukur léq Allah, Bapa Junjungante Saq Mulie Deside Isa Almasih! Lantaran rahmat-Ne saq beléq gati, Ie ngicanin idup saq baru tipaq ite, siq care ngidupang malik Deside Isa Almasih léman tengaq-tengaq dengan ninggal. Hal nike ngebéng ite harepan saq pasti.