YAKUB 3:6 - KITAB SUCI ZABUR INJIL

⁶ Élaq éndah pade maraq api. Léq antare bagian-bagian awakte, élaq nike sumber kejahatan saq bau piaq najis selapuq awak dait ngidupang rode kehidupan, élaq nike mésaq tenyalaqang siq api nerake.

YAKUB 3:6 ပူးပေါင်းရင်းမြစ်များ

ZABUR 140:3

Ie pade ngerencaneang kejahatan léq dalem aténe, dait sebilang jelo nimbulang pegejuhan.

ZABUR 64:3

Lindungin kaji léman komplotan dengan durhake, léman rencane licik dengan-dengan jahat.

MATIUS 12:24

Sewaktu dengan-dengan Parisi pireng hal nike, terus ie pade nimbal, “Dengan niki cume tao sediq sétan lantaran Beelzebul, datune sétan saq sampun ngebéng Ie kuase nike.”

MATIUS 5:22

Laguq Tiang badaq side, sebilang dengan saq gedek léq semetonne harus tehukum; sai juaq saq bebase léq semetonne: Kapir! Harus teadilin léq julu Mahkamah Agame. Dait sai-sai saq bebase “Jahil”, harus tetetéh ojok dalem api nerake.

MARKUS 7:15

Ndéq araq napi juaq léman luah saq tame ojok dalem dengan saq bau piaq dengan nike jari najis. Sebalikne saq sugul léman sopoq dengan, nike saq piaq ie najis. [

LUKAS 16:24

‘Bapaq Ibrahim!’ basen dengan sugih nike. ‘Periakang tiang! Suruq Lazarus tamaq ranggotne ojok dalem aiq terus dateng basaqang élaq tiang. Tiang sengsare gati léq dalem api niki!’

KISAH RASUL-RASUL 20:30

Malahan léq antare side mésaq éndah gen araq dengan-dengan saq gen nyampéang berite saq ndéq kenaq. Hal nike ie pade laksaneang adéq dengan-dengan saq sampun percaye léq Deside Isa jari sesat dait turut ie pade.

KISAH RASUL-RASUL 5:3

Make Petrus bebase léq ie, “Ananias, kembéq side alurang Belis nguasein aténde, jangke side bani beduste léq Roh Suci, secare tedoq-tedoq nahen separo képéng hasil jual tanaq nike umaq diriqde mésaq?

KISAH RASUL-RASUL 6:13

Dait ie pade ajuang éndah saksi-saksi saq ngebéng keterangan-keterangan saq ndéq kenaq mengenai Stepanus. Saksi-saksi nike bebase, “Dengan niki terus-terusan menghine taoq saq suci niki dait menghine préntah-préntah Allah saq tesampéang siq nabi Musa.

TITUS 1:11

Dengan-dengan saq maraq nike harus tetungkem biwihne, séngaq ie pade miaq kaco luwéq keluarge siq pengajahan-pengajahan saq ndéq-ndéq. Ie pade ngelaksaneang nike cume lantaran mélé boyaq keuntungan saq ndéq patut!

YAKUB 2:7

Ie pade saq menghine peséngan saq paling tehormatin saq side pade terimaq léman Allah.

YAKUB 3:7

Segale macem binatang buas, kedit, binatang saq ngumang dait empaq, bau tepiaq isah, dait sampun éndah tepiaq isah siq manusie.

2 PETRUS 3:3

Saq terutame harus side pade nenaoq, bahwe léq jelo-jelo penutuq gen dateng tukang-tukang oloq, nike dengan-dengan saq idup menurut hawe napsune.

3 YAHYA 1:10

Laun lamun tiang dateng, gen tiang ingetang selapuq hal saq sampun ie laksaneang, nike mengenai hal-hal jahat dait duste saq ie ucapang mengenai tiang pade! Laguq selapuqne nike ndéqman cukup tipaq ie. Léq waktu semeton-semeton nike dateng, ie ndéq mélé nerimaq ie pade. Malahan ie balaq dengan-dengan saq mélé nerimaq semeton-semeton nike, dait ie suruq dengan-dengan nike sugul léman jemaah!

WAHYU 12:9

Nage saq beléq nike tetetéh ojok luah, nike ulah toaq saq tesebut Belis atao Sétan, saq nyesatang seantéro dunie. Ie tetetéh ojok gumi kance selapuq malaékatne.

WAHYU 13:14

Dait selapuq dengan saq idup léq gumi tesesatang siq tande-tande saq ie piaq léq julun binatang saq penembéq nike. Dait ie pade selapuq ie suruq miaq sopoq tetato léman binatang saq sampun bakat siq kléwang laguq tetep idup.

WAHYU 18:23

Dengan ndéq gen serioq malik cahaye dilah léq dalemde; dait ndéq gen kedengahan éndah suare dengan begawé ngawinang léq derike. Pedagang-pedagang nike dengan-dengan saq paling tehormatin léq gumi, dait siq ilmu-ilmu séhérde side nipu selapuq bangse léq dunie!”

WAHYU 19:20

Make binatang nike tebau bareng-bareng kance nabi palsu saq sampun miaq keajaipan-keajaipan léq julun binatang nike. (Siq keajaipan-keajaipan nike binatang nike nipu dengan-dengan saq bedowé tande binatang nike dait dengan-dengan saq nyembah tetato binatang nike.) Terus binatang nike dait nabi palsu nike tetetéh idup-idup ojok dalem segare api saq nyale siq urirang.