YAKUB 3:4 - KITAB SUCI ZABUR INJIL

⁴ Bait éndah conto sopoq kapal. Timaq kapal nike beléq gati dait tedorong siq angin saq keras, laguq ie teatur siq kemudi saq kodéq gati, menurut keméléq jurumudi.

YAKUB 3:4 ပူးပေါင်းရင်းမြစ်များ

MATIUS 11:27

Beterus Deside Isa bemanik, “Selapuqne sampun teserahang léq Tiang siq Bapa. Ndéq araq sopoq dengan juaq saq kenal Bije, selain Bapa. Ndéq araq éndah saq kenal Bapa selain Bije, dait dengan-dengan tipaq sai Bije nike ngenalang Bapa.

MATIUS 8:24

Selung-selung dateng angin pusut saq beléq gati ojok danao nike, sehingge perau nike teampes siq umbak. Waktu nike Deside Isa kenyeke merem.

KISAH RASUL-RASUL 27:11

Laguq prewire nike lebih percaye léq jurumudi dait kapten kapal nike ketimbang ucapan-ucapan Paulus.

YAKUB 3:3

Ite masang plébék léq biwih jaran adéq ie mélé turut keméléqte, make ite bau ngatur selapuq awak jaran nike.

YAKUB 3:5

Maraq nike éndah élaqte, timaq élaq nike bagian awak saq kodéq, laguq ie bau nyombongang diriq mengenai hal-hal saq beléq-beléq. Cobaq serioq, gawah saq beléq bau tesedut siq api saq kodéq!