YAKUB 3:2 - KITAB SUCI ZABUR INJIL

² Ite selapuq kereng miaq kesalaqan. Laguq dengan saq ndéq uwah miaq kesalaqan siq ucapan-ucapanne, ie dengan saq sempurne, saq bau nguasein selapuq awakne.

YAKUB 3:2 ပူးပေါင်းရင်းမြစ်များ

ZABUR 34:13

Napi side melét bélo umur dait nikmatin saq solah?

ZABUR 39:1

Umaq pemimpin kor. Umaq Yedutun. Zabur Daud.

MATIUS 12:34

Side dengan jahat, berembé side bau ngucapang hal-hal saq solah lamun side jahat? Séngaq napi saq teucapang léq biwih tetentuang siq isi aténe!

MATIUS 12:37

Séngaq setetune, napi-napi saq sampun teucapang gen tekadu jari nentuang side salaq atao ndéq.”

ROMA 3:10

Maraq saq tetulis léq dalem Kitab Suci, “Ndéq araq sopoq dengan juaq saq kenaq léq arepan Allah,

ROMA 7:21

Jari, tiang ndait hukum niki: Lamun tiang mélé ngelaksaneang saq solah, make cume saq jahat doang saq timbul léman diriq tiang.

1 KORINTUS 9:27

Tiang ngelatih dait nguasein awak tiang, adéq sesampun beriteang Kabar Solah léman Allah tipaq dengan lain, ndaq jangke tiang mésaq tetolaq.

GALATIA 3:22

Laguq léq dalem Kitab Suci tetulis bahwe selapuq umat manusie sampun araq léq bawaq kuase dose, adéq janji saq asalne léman iman léq dalem Deside Isa Almasih bau dateng tipaq dengan-dengan saq percaye.

GALATIA 5:17

Séngaq keméléq tabiat manusie belawanan kance pekayunan Roh Allah, dait pekayunan Roh Allah belawanan kance keméléq tabiat manusie. Kedue-duene saling belawanan, sehingge side pade ndéq bau ngelaksaneang napi saq side pade melétang.

KOLOSE 1:28

Almasih nike saq tiang pade beriteang tipaq selapuq dengan. Tiang pade béng naséhat dait ngajah ie pade selapuq siq kebijaksanean. Tujuan tiang pade adéq sebilang dengan bau tejauq tipaq Allah jari dengan-dengan saq sampun déwase léq dalem Almasih.

KOLOSE 4:12

Salam léman Epapras. Ie éndah salaq sopoq dengan léman kalangande. Ie hambe Deside Isa Almasih, saq tetep tekun do'eang side pade. Sanget siqne tunas léq Allah adéq keyakinan side jari kuat dait side pade tetu-tetu déwase, adéq side pade jari sempurne dait taat léq pekayunan Allah.

IBRANI 13:21

Semoge Allah sumber damé sejahtere nike nyempurneang side pade siq selapuq saq solah saq side pade perluang jari ngelaksaneang pekayunan-Ne. Semoge siq perantarean Deside Isa Almasih, Allah ngelaksaneang napi saq Ie kayunang léq dalem ite. Bagi Ie kemuliean selaéq-laéqne! Amin.

YAKUB 1:26

Lamun araq sopoq dengan saq merase diriqne ngelaksaneang ibadah, laguq ie ndéq jagaq ucapanne, ie nipu diriqne mésaq; ibadahne ndéq araq manpaatne.

YAKUB 1:4

Jagaq adéq ketekunande nike ngasilang kesempurnean, adéq side pade jari sempurne dait lengkap, ndéq kekurangan léq hal napi juaq.

YAKUB 2:10

Séngaq sai juaq saq turut hukum nike, laguq ngeréméhang sopoq bagian léman hukum nike, ie salaq tipaq selapuqne.

1 PETRUS 3:10

Séngaq léq dalem Kitab Suci tetulis: “Dengan saq mélé nikmatin idup dait mélé ngalamin jelo-jelo saq solah, harus jagaq biwihne adéqne ndéq ngeraosang hal-hal saq jahat, dait ndéqne ngucapang hal-hal saq duste.

1 PETRUS 5:10

Dait Allah, sumber selapuq rahmat, saq sampun ngemanikang side léq dalem Almasih tipaq kemuliean-Ne saq kekel, gen nyempurneang, neguqang, nguatang dait ngukuhang side.