YAKUB 3:17 - KITAB SUCI ZABUR INJIL

¹⁷ Laguq kebijaksanean saq asalne léman atas, pertame-tame murni, beterus demen bedamé, gerasaq, penurut, penoq belas kasihan dait ngasilang perbuatan-perbuatan saq solah, ndéq bepihak dait ndéq munapik.

YAKUB 3:17 ပူးပေါင်းရင်းမြစ်များ

MATIUS 23:28

Maraq nike éndah halne side pade. Side pade solah léq julun dengan; laguq léq dalemne, penoq siq hal-hal saq munapik dait jahat.”

MATIUS 5:8

Bahagie dengan saq suci aténe; séngaq ie pade gen serioq Allah.

MATIUS 5:9

Bahagie dengan saq jauq damé; séngaq ie pade gen tesebut bije-bije dowén Allah!

LUKAS 21:15

Tiang mésaq gen ngebéng side kemampuan ngeraos secare bijaksane, sehingge ndéq araq sopoq dengan juaq léman musuh-musuhde bau ngelawan atao nilas raosde.

LUKAS 6:36

Side pade harus murah até, pade maraq Bapa side murah até.”

YAHYA 1:14

Manik nike sampun jari manusie, beterus Ie araq léq antare ite, dait ite sampun serioq kemuliean-Ne, kemuliean saq teicanin tipaq Ie sebagé Bije Nunggal saq asalne léman Bapa, penoq rahmat dait kebenaran.

YAHYA 1:47

Deside Isa cingakin Natanael dateng, terus bemanik mengenai ie, “Serioq niki dengan Israel sejati. Ndéq araq saq palsu léq ie.”

KISAH RASUL-RASUL 11:24

Barnabas niki dengan saq solah dait tekuasein siq Roh Suci dait kuat imanne. Dait luwéq dengan dateng tipaq Junjungan Saq Mulie.

KISAH RASUL-RASUL 9:36

Léq Yope araq sopoq dengan nine pengiring Deside Isa aranne Tabita. (Léq dalem base Yunani, aranne Dorkas saq artine mayung.) Ie tetep doang laksaneang hal-hal saq solah dait tulung dengan-dengan miskin.

ROMA 12:18

Usaheang léq pihak side pade adéqne idup damé kance selapuq dengan.

ROMA 12:9

Kasihde nike harus ndéq puraq-puraq. Jaoqin selapuq hal saq jahat, dait laksaneang saq solah.

ROMA 15:14

Semeton-semeton senamian! Tiang yakin bahwe araq luwéq gati hal saq solah léq side. Side pade sampun nenaoq selapuq-selapuqne dait bau saling ajah sopoq kance lainne.

1 KORINTUS 12:8

Tipaq sopoq dengan, Roh nike ngicanin paice jari bebaos siq hikmat. Tipaq saq lain Roh saq pade nike ngicanin paice jari bebaos siq penenaoq.

2 KORINTUS 10:1

Tiang, Paulus, dengan saq teparan ndéq bani lamun berandangan mue kance side, laguq bani lamun jaoq léman side, tiang peringet side demi Almasih saq lemah lembut dait gerasaq.

2 KORINTUS 6:6

Secare tulus, bijaksane, sabar dait murah até, tiang pade nyatayang bahwe tiang pade hambe Allah. Tiang pade éndah beharep sepenoq angen léq pertulungan Roh Allah, dait siq kasih saq ihlas,

2 KORINTUS 7:11

Cobaq side pade perhatiang napi hasilne umaq side, kesedihan saq pade maraq pekayunan Allah! Hasilne, side pade tetu-tetu berusahe gen piaq keadaan jari solah! Side pade jari meriq léq dose, side pade takut, side pade kangen, side pade jari besemanget, side pade réde ngukum saq salaq! Léq dalem selapuq persoalan niki sampun side pade buktiang bahwe side pade ndéq salaq.

2 KORINTUS 9:10

Allah saq nyedieang binéq jari dengan-dengan saq sawur binéq, dait saq nyedieang ite keloran. Ie éndah gen nyedieang dait jariang luwéq napi saq side pade sawur, adéqne hasil kemurahan aténde sayan luwéq éndah.

EPESUS 5:9

Séngaq terang cume ngasilang kesolahan dait keadilan dait kebenaran.

PILIPI 1:11

penoq siq kebajikan, saq cume bau tehasilang siq Deside Isa Almasih, jari kemuliean dait pujian bagi Allah.

PILIPI 4:8

Ahirne, semeton senamian, pikirang selapuq saq kenaq, selapuq saq mulie, selapuq saq adil, selapuq saq suci, selapuq saq solah, selapuq saq maiq tedengah, selapuq saq tesebut kebajikan dait patut tepuji, pikirang selapuqne nike.

KOLOSE 1:10

Siq care nike side pade bau idup menurut pekayunan Allah, dait tetep nyenengang Allah, sehingge léq dalem selapuq hal, side pade bau ngasilang hal-hal saq solah. Dait penenaoq side pade mengenai Allah éndah gen sayan beromboq.

1 TESALONIKA 2:7

Laguq tiang pade secare lemah lembut sewaktu tiang araq léq tengaq-tengaq side pade, maraq sopoq inaq saq peliharaq bije-bijene.

1 TIMOTIUS 5:21

Léq arepan Allah, Deside Isa Almasih, serte malaékat-malaékat saq Ie piléq, sanget siq tiang tunas adéq side turut petunjuk-petunjuk niki ndaq bedowé rase curige léq sai juaq, dait ndaq bepihak léq sai-sai.

2 TIMOTIUS 2:24

Dengan saq begawéan tipaq Tuhan ndéqne patut besiaq; ie harus tao bebatur kance selapuq dengan, dait bau ngajah dengan secare solah dait sabar.

TITUS 1:15

Selapuq-lapuqne suci umaq dengan-dengan saq suci. Laguq umaq dengan-dengan saq kotor pikiranne dait saq ndéq beriman, ndéq araq napi juaq saq suci, séngaq pikiran dait até nurani ie pade sampun kotor!

TITUS 3:2

Badaq ie pade adéqne ndaq pitnah dengan atao betungkasan kance sai juaq, laguq adéqne gerasaq dait harus tetep lemah lembut tipaq selapuq dengan.

IBRANI 12:11

Mule léq waktu ite tedidik ndéqne miaq angente seneng, laguq cume miaq ite sedih doang. Laguq sesampun nike ngasilang kebenaran saq ngicanin damé léq ie pade saq tedidik.

IBRANI 12:14

Pade berusahe idup rukun kance selapuq dengan. Pade berusahe éndah jari idup suci. Séngaq ndéq araq sopoq dengan juaq bau serioq Tuhan lamun ie ndéq idup maraq nike.

YAKUB 1:17

Selapuq hal saq solah saq teicanin dait paice saq sempurne datengne léman sorge, teturunang siq Bapa, sumber selapuq cahaye dait saq ndéq iniq berobah atao bekurang lantaran perobahan.

YAKUB 1:5

Lamun araq sopoq dengan léq antare side saq kekurangan hikmat, ie harus tunas léman Allah, make Allah gen ngicanin ie; séngaq léq sebilang dengan, Allah ngicanin secare murah até dait nénten ngungkit-ngungkit kesalaqanne.

YAKUB 2:13

Séngaq bagi dengan saq ndéq nyatayang belas kasihan, hukumanne ndéq gen kadu belas kasihan éndah, laguq dengan saq bedowé belas kasihan ndéq gen takut ngadepin penghakiman!

YAKUB 2:4

Siq perbuatan maraq nike, side pade miaq perbédean léq dalem angen side pade dait jari hakim siq pikiran-pikiran saq jahat.

YAKUB 3:15

Kebijaksanean maraq nike ndéqne berasal léman sorge. Ie berasal léman dunie, dait napsu manusie, dait léman sétan.

YAKUB 4:8

Rapetang diriqde léq Allah, dait Allah éndah gen ngerapetin side pade. Persiq imende, side pade saq bedose! Dait suciang aténde, side pade saq due angen!

1 PETRUS 1:22

Side pade sampun nyuciang diriq lantaran side pade taat léq kebenaran, sehingge side pade bau ngasihin selapuq semeton secare tulus ihlas. Keranaq nike, side pade harus saling kasihin sopoq kance saq lainne siq sepenoq angen.

1 PETRUS 2:1

Keranaq nike, tetéh léman diriqde selapuq saq jahat; selapuq tipu muslihat dait segale macem kemunapikan, talon até, dait pitnah.

1 PETRUS 2:18

Semeton senamian saq jari hambe, pade tunduk léq majikande sehormat-hormatne; ndéqne cume tipaq ie pade saq tulus angenne dait gerasaq, laguq éndah tipaq ie pade saq kejem.

1 YAHYA 3:18

Bije-bije tiang! Ndaq ite ngasihin cume léq biwih atao cume siq ucapan doang. Ite harus ngasihin siq kasih saq sejati, saq tebuktiang siq perbuatante dait léq dalem kebenaran.

1 YAHYA 3:3

Selapuq dengan saq bedowé harepan maraq niki léq Almasih, jagaq diriqne adéqne tetu-tetu suci, bersi léman dose maraq Almasih nike suci.