YAKUB 3:14 - KITAB SUCI ZABUR INJIL

¹⁴ Laguq lamun side pade talon até dait mentingang diriqde mésaq, ndaq side pade banggeang diriq dait ndaq beduste ngelawan kebenaran.

YAKUB 3:14 ပူးပေါင်းရင်းမြစ်များ

MATIUS 27:18

Hal nike tesampéang siq Pilatus séngaq ie wikan bahwe penguase-penguase Yahudi nike nyerahang Deside Isa léq ie lantaran ie pade talon até.

YAHYA 16:2

Side pade gen tesugulang léman balé-balé ibadah. Dait gen dateng waktune bahwe dengan saq nyematéq side pade gen paran diriqne ngabdi léq Allah.

KISAH RASUL-RASUL 13:45

Waktu dengan-dengan Yahudi serioq dengan luwéq nike, ie pade talon até gati. Ie pade menghine Paulus dait nentang selapuq saq ie sampéang.

KISAH RASUL-RASUL 26:9

Laéq tiang mésaq éndah bedowé pendapet bahwe tiang harus ngelaksaneang selapuq-lapuqne jari nentang Deside Isa léman Nazaret nike.

KISAH RASUL-RASUL 5:17

Ahirne Imam Agung dait selapuq pengiring-pengiringne, golongan dengan-dengan Saduki, mulai ngelaksaneang niatne lantaran ie pade talon até.

KISAH RASUL-RASUL 7:9

Bapaq-bapaq leluhurte nike talon até léq Yusup, sehingge ie pade sepakat jual Yusup jari hambe léq Mesir. Laguq Allah araq bareng-bareng kance ie,

ROMA 1:29

Pikiran ie pade penoq siq selapuq hal saq jahat, saq ndéq kenaq; penoq siq keserakahan, lengé angenne, penoq siq dengki, napsu mélé nyematéq, besiaq, nipu dait dendem, ndéqne peduli léq Tuhan,

ROMA 13:13

Ite harus gawéq hal-hal saq solah maraq saq biase tegawéq siq dengan kenaq; ndaq beseneng-seneng jangke liwat bates atao, bowos-bowosan. Ndaq gawéq perbuatan saq cabul dait ndaq turut keméléq hawe napsu. Dait ndaq besiaq atao talon até.

ROMA 2:17

Laguq mangkin berembé side pade niki? Side pade ngaku dengan Yahudi, side pade beharep sepenoq angen léq Hukum Taurat dait side pade bangge siq hubungan side pade kance Allah.

ROMA 2:8

Laguq dengan-dengan saq mentingang diriqne mésaq dait ndéq mélé taat léq kebenaran, laguq turut hal-hal saq jahat, make Allah gen murke gati léq dengan-dengan nike.

1 KORINTUS 13:4

Kasih nike sabar, kasih nike murah até, ie ndéq talon até. Ie ndéq girang sesumbar, dait ndéqne sombong.

1 KORINTUS 3:3

séngaq side pade dengan saq ndéq bedowé Roh Allah. Séngaq lamun side pade masih talon até dait besiaq sopoq kance saq lainne, napi nike ndéq buktiang bahwe side pade dengan saq ndéq bedowé Roh Allah dait idup secare duniawi?

1 KORINTUS 5:2

Timaq maraq nike, masih doang side sombong. Sebalikne side harus sedih, dait sugulang dengan saq gawéq hal nike léman tengaq-tengaq side.

1 KORINTUS 5:6

Side pade ndéq patut merase sombong. Sang side pade sampun nenaoq, “Ragi ruti saq sekediq miaq selapuq adonan jari mbal!”

2 KORINTUS 12:20

Tiang kuatir bahwe laun léq waktu tiang jangoq side pade, tiang ndait side pade ndéq maraq napi saq tiang pade harepang. Ndaq-ndaq laun araq saq begejuh, talon até, gedek, mélé menang mésaq, saling pitnah, saling hasut, sombong dait ngorayang.

GALATIA 5:15

Laguq lamun side pade saling kakoq dait saling kaken, awas, ndaq jangke side pade saling binaseang.

GALATIA 5:20

dalem penyembahan berhale dait ilmu séhér; saling bemusuhan, besiaq, talon até, becat sili, dait mentingang diriq mésaq, perpecahan dait saling ilon,

GALATIA 5:21

serte dengki, bowos-bowosan, péste-péste jangke liwat bates dait saq lain-lainne. Léq selapuqne nike mangkin tiang peringet side pade maraq tiang sampun peringet éndah side pade laéq, bahwe dengan-dengan saq ngelaksaneang hal-hal maraq nike ndéq gen mauq bagian léq dalem Kerajaan Allah.

GALATIA 5:26

Ndaq ite jari sombong, saling nyakitang angen, dait saling talon até sopoq kance saq lainne.

GALATIA 6:13

Dengan-dengan saq turut aturan sunat éndah ndéqne ngelaksaneang Hukum Taurat. Laguq ie pade mélé side pade tesunat, adéq ie pade bau banggeang bahwe side pade taat léq aturan nike.

PILIPI 1:15

Mule araq pire dengan léq antare ie pade saq beriteang Almasih lantaran talon até dait mélé betungkasan, laguq saq lainne beriteang Almasih séngaq bedowé maksut saq solah.

PILIPI 2:3

Ndaq ngelaksaneang napi juaq lantaran jari kepentingan mésaq, atao jari nyombongang diriq. Sebalikne, side pade sopoq-sopoq harus rendah até anggep dengan lain solahan tebanding diriqde mésaq.

1 TIMOTIUS 2:4

Allah kayun adéq selapuq dengan teselametang dait mauq penenaoq mengenai kebenaran.

1 TIMOTIUS 6:4

nike dengan saq sombong, dait ndéqne taoq napi-napi! Penyakitne demen bedebat dait betungkasan mengenai istilah-istilah sehingge nimbulang talon até, ndéq akor, pitnah, curige saq ndéq solah,

TITUS 3:3

Séngaq laéq ite mésaq éndah bodo, sesat dait ndéq taat. Ite tejariang hambe siq macem-macem napsu dait keméléq; ite idup siq niat-niat saq jahat dait talon até, dait ite saling meriq.

YAKUB 1:18

Siq pekayunan-Ne mésaq Ie sampun jariang ite ciptean baru siq manik kebenaran, Ie ngelaksaneang nike adéq ite jari bije saq sengake léq antare selapuq mahluk ciptean-Ne.

YAKUB 3:16

Léq mbé araq talon até dait mentingang diriq mésaq, léq derike éndah araq keributan dait segale macem perbuatan saq jahat.

YAKUB 5:19

Semeton-semeton tiang! Lamun léq antare side araq malik sopoq dengan saq nyimpang léman kebenaran, beterus sopoq dengan saq lain miaq dengan nike tulak tipaq Allah,