YAKUB 3:13 - KITAB SUCI ZABUR INJIL

¹³ Sai léq antare side pade saq bijaksane dait bebudi? Ie harus nyatayang hal nike langan perbuatanne saq solah saq tebarengin siq kebijaksanean saq dateng léman até saq lemah lembut.

YAKUB 3:13 ပူးပေါင်းရင်းမြစ်များ

ZABUR 107:43

Semoge dengan bijaksane mikirang selapuq hal nike dait ngakuq bahwe ALLAH tetep ngasihin.

ZABUR 122:8

Lantaran semeton dait sahabat-sahabat tiang tiang gen ucapang, “Semoge side sejahtere!”

ZABUR 149:4

ALLAH suke léq umat-Ne; Ie ngicanin kemenangan tipaq dengan saq rendah até.

ZABUR 25:9

ALLAH bimbing dengan saq rendah até, dait ngajahang pekayunan-Ne léq ie pade.

ZABUR 45:4

Taliq kléwangde léq kéng, hai raje perkase, léq dalem keagungan dait kemuliean pelungguh!

MATIUS 11:29

Pade turut selapuq préntah Tiang, dait berajah léman Tiang. Séngaq Tiang niki lemah lembut dait rendah até, make jiwende gen mauq ketenangan.

MATIUS 21:5

“Sampéang léq putri Sion: Sereminang, Rajende kenyeke rauh ojok side. Ie lemah lembut dait nunggang sopoq bagal, sopoq anak bagal saq masih odaq.”

MATIUS 5:5

Bahagie dengan saq lemah lembut; séngaq ie pade gen dowéang gumi!

MATIUS 7:24

“Dengan saq dengah manik Tiang niki dait ngelaksaneang hal nike, dengan nike pade maraq dengan bijaksane saq penganjeng baléne léq atas batu.

1 KORINTUS 6:5

Merilaq gati! Pasti léq antare side araq sopoq dengan saq cukup bijaksane jari nyeleséang masalah léq antare semeton-semeton seiman!

2 KORINTUS 10:1

Tiang, Paulus, dengan saq teparan ndéq bani lamun berandangan mue kance side, laguq bani lamun jaoq léman side, tiang peringet side demi Almasih saq lemah lembut dait gerasaq.

2 KORINTUS 8:24

Tiang pade harep side pade nyatayang kasihde léq ie pade, adéq selapuq jemaah nenaoq bahwe side pade ngasihin ie pade dait napi saq tiang pade banggeang mengenai side pade mule tetu.

GALATIA 5:23

lemah lembut, nguasein diriq. Ndéq araq hukum saq nentang hal-hal nike.

GALATIA 6:1

Semeton senamian! Lamun sopoq dengan tedait gawéq dose, side pade saq idup menurut Roh Allah harus bimbing dengan nike adéqne tulak ojok langan saq kenaq. Laguq side pade harus ngelaksaneang nike secare lemah lembut, dait jagaq ndaq jangke side mésaq tegode éndah.

GALATIA 6:4

Sebilang dengan harus meriksaq mésaq napi kelakuanne solah atao ndéq. Lamun solah, ie bau merase bangge siq hal nike. Laguq ndaq ie bandingang kance napi saq telaksaneang siq dengan lain.

EPESUS 4:2

Side pade harus tetep rendah até, lemah lembut, dait sabar. Petitoqang kasihde siq care saling tulung sopoq kance saq lain.

PILIPI 1:27

Cume, padeang idupde kance Kabar Solah mengenai Almasih, adéq lamun tiang dateng, tiang bau serioq, atao lamun tiang ndéq dateng, tiang bau dengah bahwe side pade tetep araq léq dalem sopoq roh dait siq sopoq angen bejuang bareng-bareng léq dalem iman saq asalne léman Kabar Solah léman Allah nike.

KOLOSE 3:12

Side pade jari dengan-dengan saq tehususang bagi Allah. Allah ngasihin side pade dait tepiléq jari dowé-Ne saq husus. Keranaq nike side pade harus nyatayang belas kasihan, side pade harus murah até, rendah até, lemah lembut dait sabar.

1 TIMOTIUS 4:12

Ndaq alurang sopoq dengan juaq ngeréméhang side lantaran side masih bajang. Sebalikne, side harus jari teladan tipaq dengan-dengan percaye léq dalem ucapande, léq dalem tingkah laku side, léq dalem kasihde, léq dalem kesetieande dait léq dalem kesuciande.

1 TIMOTIUS 6:11

Laguq side niki dowén Allah, jari side harus jaoqang selapuqne nike. Pade usaheang keadilan, ibadah, kesetiean, kasih, kesabaran, dait até saq lemah lembut.

2 TIMOTIUS 2:25

Ie harus secare lemah lembut ngajah dengan-dengan saq girang ngelawan; mudah-mudahan Allah ngicanin kesempatan léq dengan-dengan nike adéqne betobat léman dose-dose ie pade dait nenaoq kebenaran.

TITUS 3:2

Badaq ie pade adéqne ndaq pitnah dengan atao betungkasan kance sai juaq, laguq adéqne gerasaq dait harus tetep lemah lembut tipaq selapuq dengan.

IBRANI 13:5

Ndaq idupde tejariang panjak siq képéng, laguq side pade harus merase puas siq napi saq araq léq side. Séngaq Allah sampun bemanik, “Tiang tetu-tetu ndéq gen ngalurang side dait Tiang tetu-tetu ndéq gen bilin side.”

YAKUB 1:21

Keranaq nike, tetéh selapuq kebiasean saq lengé dait saq jahat. Terimaq Manik Allah setulusne léq dalem aténde, séngaq Manik nike bedowé kekuatan jari nyelametang side pade.

YAKUB 2:18

Sang araq dengan saq bebase, “Léq side araq iman dait léq tiang araq perbuatan.” Tiang gen bejawab, “Petitoqang léq tiang imande laguq ndaq siq perbuatan, dait tiang gen petitoqang iman tiang siq perbuatan tiang.”

YAKUB 3:1

Semeton senamian! Ndaq léq antare side luwéq saq mélé jari guru. Side pade nenaoq bahwe ite saq jari guru gen teadilin beratan tebanding dengan lain.

YAKUB 3:17

Laguq kebijaksanean saq asalne léman atas, pertame-tame murni, beterus demen bedamé, gerasaq, penurut, penoq belas kasihan dait ngasilang perbuatan-perbuatan saq solah, ndéq bepihak dait ndéq munapik.

1 PETRUS 1:15

Sebalikne, side pade harus suci léq dalem selapuq saq side pade laksaneang, pade maraq Allah saq manikang side pade nike suci.

1 PETRUS 2:12

Side pade harus bedowé kelakuan saq solah léq tengaq-tengaq dengan saq ndéq kenal Allah, sehingge lamun ie pade pitnah side pade teparan jari dengan jahat, ie pade bau serioq léman perbuatan side saq solah, sehingge ie pade gen mulieang Allah léq jelo kerauhan Tuhan.

1 PETRUS 2:9

Laguq side pade bangse saq tepiléq, imam-imam saq ngelayanin raje, bangse saq suci, umat dowén Allah mésaq. Allah miléq side pade dait ngemanikang side pade sugul léman taoq saq peteng jari tame ojok cahaye-Ne saq menah tandur, siq maksut adéq side pade nyampéang berite mengenai karye-karye-Ne saq luar biase.

1 PETRUS 3:4

Sebalikne, keingesande harus dateng léman dalem batin, budi pekerti saq lemah lembut dait tenang; nike keingesan saq kekel saq mahel ajine léq arepan Allah.