YAKUB 3:1 - KITAB SUCI ZABUR INJIL

¹ Semeton senamian! Ndaq léq antare side luwéq saq mélé jari guru. Side pade nenaoq bahwe ite saq jari guru gen teadilin beratan tebanding dengan lain.

YAKUB 3:1 ပူးပေါင်းရင်းမြစ်များ

MATIUS 10:24

Sopoq murit ndéqne beléqan léman gurune, atao sopoq hambe ndéqne beléqan léman majikanne.

MATIUS 23:13

“Celake side pade ahli-ahli Taurat dait dengan-dengan Parisi! Side pade dengan-dengan munapik séngaq halangin dengan tame ojok Kerajaan Sorge. Side mésaq ndéq mélé tame Kerajaan Sorge, laguq dengan lain saq mélé side pade halangin. [

MATIUS 23:14

Celake side ahli-ahli Taurat dait dengan-dengan Parisi: Side pade dengan-dengan munapik. Side pade tipu bebalu-bebalu dait ngerampas baléne dait jari seboq kejahatande nike side pade bedo'e bélo-bélo. Keranaq nike side pade pasti gen nerimaq hukuman saq beratan!]

MATIUS 9:11

Araq dengan-dengan Parisi saq serioq hal nike. Dait ie pade beketuan léq pengiring-pengiring Deside Isa, “Kembéq gurunde bareng medaran kance penagih pajek dait dengan bedose?”

LUKAS 16:2

Empohne bendahare nike dait bebase léq ie, ‘Napi niki laporan saq tiang dengah mengenai side? Mangkin, serahang léq tiang laporan saq lengkap mengenai tugasde ngurus kesugihan tiang. Side ndéq bau malik jari bendahare tiang.’

LUKAS 6:37

“Ndaq side pade hakimin dengan lain, make side pade ndéq gen tehakimin. Ndaq side pade hukum dengan lain, make side pade ndéq gen tehukum; ampunin dengan lain dait side pade gen teampunin.

YAHYA 3:10

Jawab Deside Isa, “Side guru léq Israel; segerah side ndéq nenaoq hal-hal nike?

KISAH RASUL-RASUL 13:1

Léq dalem jemaah léq Antiokia araq nabi-nabi dait guru-guru, aranne Barnabas, Simeon saq tejulukin Niger, Lukius léman Kirene, Menahem saq tebeléqang bareng kance Raje Herodes, dait Saulus.

1 KORINTUS 12:28

Maraq nike éndah léq dalem jemaah, Allah sampun nentuang taoq jari macem-macem dengan: Penembéqne rasul-rasul; kedue nabi-nabi, ketelu guru-guru, terus ie pade saq mauq paice jari miaq keajaipan-keajaipan, jari nyelahang dengan, jari nulung dengan lain, jari mimpin, dait jari bebaos kadu macem-macem base saq ajaip.

2 KORINTUS 5:10

Séngaq pasti ite selapuq gen tejauq ojok arepan pengadilan Almasih, dait sopoq-sopoq gen mauq balesan sesuai kance perbuatanne léq dunie niki -- perbuatan solah atao jahat.

EPESUS 4:11

Ie saq ngicanin rasul-rasul dait nabi-nabi, dengan-dengan saq nyampéang Kabar Solah dait pemimpin-pemimpin jemaah dait guru-guru jemaah.

1 TIMOTIUS 1:7

Ie pade mélé jari guru Hukum Taurat, nike hukum saq tetulis léq dalem Kitab Suci Taurat, padahal ie mésaq ndéqne paham mengenai hal-hal saq ie pade ucapang atao hal-hal saq utame saq secare yakin ie pade sampéang.

1 TIMOTIUS 2:7

Dait lantaran nike tiang sampun tetentuang jari dengan saq nyampéang berite dait jari rasul serte guru umaq dengan-dengan saq ndéq Yahudi léq dalem iman dait kebenaran. Napi saq tiang sampéang niki setetune kenaq, tiang ndéq beduste.

2 TIMOTIUS 1:11

Jari Kabar Solah niki tiang sampun tetentuang sebagé dengan saq beriteang kabar nike, sebagé rasul dait sebagé guru.

IBRANI 13:17

Pade taat léq préntah pemimpin-pemimpinde, dait pade tunduk léq ie pade. Séngaq ie pade tetep merhatiang jiwende, dait ie pade harus betanggung jawab tipaq Allah. Lamun side pade taat léq ie pade, ie pade bau begawéan siq angen saq seneng; lamun ndéq, make ie pade gen begawéan siq angen saq sedih, dait hal nike ndéq gen miaq side pade untung.

YAKUB 1:16

Semeton senamian saq tiang kasihin; ndaq side pade jari sesat.

YAKUB 1:19

Pade perhatiang niki solah-solah, semeton senamian saq tiang kasihin! Sebilang dengan harus becat dedengah, laguq ndéqne becat bebase dait ndéqne becat gedek.

YAKUB 3:10

Léman biwih saq pade sugul ucapan-ucapan berkah dait éndah ucapan-ucapan kutukan. Sepatutne ndéqne maraq nike.

1 PETRUS 5:3

Ndaq side pade piaq maraqne side pade mélé mréntah ie pade saq tepercayeang tipaq side pade, laguq side pade harus jari teladan umaq ie pade.