YAKUB 2:8 - KITAB SUCI ZABUR INJIL

⁸ Side pade ngelaksaneang saq kenaq, lamun side pade ngelaksaneang hukum utame saq tetulis léq Kitab Suci niki, “Kasihin sepadende manusie, pade maraq side ngasihin diriqde mésaq.”

YAKUB 2:8 ပူးပေါင်းရင်းမြစ်များ

MATIUS 22:39

Préntah kedue pade maraq saq utame nike: Kasihin sepadende manusie, maraq side ngasihin diriqde mésaq.

MATIUS 25:21

‘Bagus,’ basen majikan nike, ‘side pelayan saq bagus dait setie. Séngaq side bau tepercaye léq hal saq sekediq, tiang gen percayeang hal saq luwéqan malik léq side. Silaq tame, milu beseneng-seneng kance tiang!’

MATIUS 25:23

‘Bagus,’ basen majikan nike, ‘side pelayan saq bagus dait setie. Séngaq side bau tepercaye léq hal saq sekediq, make gen tiang percayeang léq side hal-hal saq luwéqan malik. Silaq tame, milu beseneng-seneng kance tiang!’

MATIUS 7:12

Perlakuang dengan lain maraq side pade mélé teperlakuang siq ie pade. Nike intine selapuq Hukum Taurat dait kitab nabi-nabi.”

ROMA 13:10

Dengan saq ngasihin sepade manusie ndéqne gen gawéq kejahatan léq sepadene. Jari dengan saq ngasihin sepade manusie, ie sampun sepenoqne ngelaksaneang Hukum Taurat.

GALATIA 5:14

Selapuq Hukum Taurat tesimpulang léq dalem préntah saq sopoq niki, “Side harus ngasihin sepadende manusie, maraq side ngasihin diriqde mésaq.”

GALATIA 6:2

Side pade harus saling tulung léq kesusahan dengan, adéq siq care nike side pade taat léq préntah Almasih.

PILIPI 4:14

Laguq napi saq side pade laksaneang nike mule solah, bahwe side pade sampun nulung tiang léq waktu tiang susah.

1 TESALONIKA 4:9

Ndéqne perlu malik tiang pade nulis tipaq side mengenai kasih léq semeton-semeton, séngaq side mésaq sampun berajah saling kasih léman Allah.

YAKUB 1:25

Hukum Allah sempurne dait bedowé kekuatan jari merdékeang manusie. Dait dengan saq nyelidik dait pacu-pacu merhatiang dait ngelaksaneang hukum-hukum nike, dait ndéqne cume dengah doang beterus lupaq, dengan nike gen bahagie léq napi juaq saq ie laksaneang.

YAKUB 2:12

Jari side pade harus bebase dait bekelakuan maraq dengan saq gen teadilin menurut hukum Allah saq merdékeang manusie.

YAKUB 2:19

Side pade percaye bahwe Allah cume sopoq? Nike solah! Laguq sétan-sétan éndah percaye léq hal nike dait ie pade ngijik siq takutne!

YAKUB 4:11

Semeton senamian, ndaq saling pitnah. Dengan saq pitnah semetonne, ie ngewade hukum dait ngadilin ie. Dait lamun side pade ngadilin hukum, nike artine side pade ndéq taat léq hukum-hukum nike, laguq jari hakimne.

1 PETRUS 2:9

Laguq side pade bangse saq tepiléq, imam-imam saq ngelayanin raje, bangse saq suci, umat dowén Allah mésaq. Allah miléq side pade dait ngemanikang side pade sugul léman taoq saq peteng jari tame ojok cahaye-Ne saq menah tandur, siq maksut adéq side pade nyampéang berite mengenai karye-karye-Ne saq luar biase.