YAKUB 2:5 - KITAB SUCI ZABUR INJIL

⁵ Inget, semeton-semeton saq tiang kasihin! Dengan saq miskin léq dunie niki tepiléq siq Allah adéqne jari dengan saq sugih léq dalem iman dait jari ahli waris Kerajaan saq sampun tejanjiqang siq Allah tipaq dengan-dengan saq ngasihin Ie.

YAKUB 2:5 ပူးပေါင်းရင်းမြစ်များ

MATIUS 11:5

Dengan bute tao nyerioq, dengan képaq tao lampaq, dengan kuste teselahang, dengan kedok tao dengah, dengan ninggal teidupang malik dait Kabar Solah léman Allah tesampéang ojok dengan-dengan miskin.

MATIUS 25:34

Beterus Raje nike gen bebase léq dengan-dengan saq léq sedi kanan-Ne, ‘Side pade saq teberkahin siq Bapa Tiang, silaq tame ojok Kerajaan saq sampun tesiepang umaq side léman dunie tecipteang.

MATIUS 5:3

“Bahagie dengan saq miskin léq arepan Allah; séngaq ie pade saq dowéang Kerajaan Sorge!

MARKUS 7:14

Beterus Deside Isa ngemanikang malik dengan luwéq nike, dait bemanik léq ie pade, “Pade dengahang adéq side pade ngerti!

LUKAS 12:21

Maraq nike kejarianne sebilang dengan saq berusahe pesugih diriqne mésaq, laguq ndéq berusahe jari sugih menurut pekayunan Allah.”

LUKAS 12:32

“Ndaq takut, side saq cume sekediq jumlahne! Séngaq Bapa side seneng ngicanin side Kerajaan-Ne nike.

LUKAS 16:22

Beterus dengan miskin nike ninggal terus jauqne siq malaékat ojok iwean Ibrahim. Dengan sugih nike éndah ninggal terus tekubur.

LUKAS 16:25

Laguq jawab Ibrahim, ‘Inget anak tiang: Sengonéq side idup, side sampun mauq selapuq hal saq solah-solah, laguq Lazarus mauq saq lengé-lengé. Mangkin Lazarus seneng léq deriki, laguq side sengsare.

LUKAS 22:29

Tiang nentuang hak-hak Kerajaan tipaq side, pade maraq Bapa Tiang nentuang hak-hak Kerajaan tipaq Tiang,

LUKAS 6:20

Deside Isa perhatiang pengiring-pengiring-Ne terus bemanik, “Bahagie side pade dengan-dengan miskin, séngaq side pade saq dowéang Kerajaan Allah!

YAHYA 7:48

“Napi araq penguase-penguasente atao dengan Parisi saq percaye léq Ie?

KISAH RASUL-RASUL 7:2

Jawab Stepanus, “Semeton-semeton dait bapaq-bapaq! Dengahang tiang! Sendéqman Ibrahim, leluhurte nike ngalih ojok Haran, sewaktu ie masih ndot léq Mesopotamia, Allah saq Mahemulie rauh tipaq ie

ROMA 8:17

Nah, lamun ite bije dowén Allah, make ite éndah ahli waris-Ne saq gen nerimaq berkah-berkah saq tesedieang siq Allah jari bije-bije dowé-Ne. Ite gen nerimaq bareng-bareng kance Almasih napi saq sampun tesedieang siq Allah umaq Ie; séngaq lamun ite milu menderite bareng kance Almasih, ite gen milu temulieang bareng kance Ie.

1 KORINTUS 2:9

Sebalikne hal nike maraq saq tetulis dalem Kitab Suci, “Napi saq ndéq uwah teserioq atao tedengah siq manusie, dait ndéq uwah éndah timbul dalem pikiran manusie, nike saq tesedieang siq Allah umaq dengan-dengan saq ngasihin Ie.”

2 KORINTUS 4:15

Selapuqne nike jari kepentingan side. Séngaq sayan luwéq dengan nerimaq rahmat, sayan luwéq éndah do'e syukur saq tesampéang tipaq Allah; siq care nike Allah temulieang.

2 KORINTUS 6:10

Timaq angen tiang pade tepiaq aséq, laguq tiang pade tetep seneng éndah. Ruene tiang pade miskin, laguq tiang pade sampun miaq luwéq dengan jari sugih. Ruene tiang pade ndéq bedowé napi-napi, laguq setetune tiang pade bedowé selapuq-lapuqne.

2 KORINTUS 8:9

Séngaq side pade sampun nenaoq rahmat Junjungante Saq Mulie Deside Isa Almasih. Ie sugih, laguq Ie piaq diriq-Ne miskin jari kepentingande, adéq siq kemiskinan-Ne nike, side pade jari sugih.

EPESUS 1:18

Tiang tunas adéq Allah jariang até nuraninde becahaye; adéq side pade ngerti napi saq bau side pade harepang léman Allah saq ngemanikang side pade. Adéq side pade nenaoq éndah berembé limpahne berkah-berkah saq solah saq tesedieang siq Allah tipaq dengan-dengan saq tehususang umaq Ie;

EPESUS 3:8

Léq antare selapuq dengan-dengan saq tehususang bagi Allah, tiang saq paling hine. Laguq Allah ngicanin tiang rahmat niki: Tugas jari beriteang Kabar Solah tipaq dengan-dengan saq ndéq Yahudi mengenai kesugihan Almasih saq ndéq iniq bis nike;

1 TESALONIKA 2:12

Tiang pade ngebéng semanget tipaq side dait sanget siq tiang pade tunas adéq side pade idup menurut pekayunan Allah, saq sampun ngemanikang side pade tame ojok dalem kerajaan dait kemuliean-Ne.

2 TESALONIKA 1:5

Dait léq deriki nyate berembé adilne penghakiman Allah, saq nyatayang bahwe side pade patut jari warge Kerajaan Allah, side pade saq mangkin menderite lantaran Kerajaan nike.

1 TIMOTIUS 6:18

Peringet adéq ie pade ngelaksaneang saq solah, jari sugih dalem kebajikan, demen besedekah.

2 TIMOTIUS 4:18

Mule Tuhan gen bébasang tiang léman selapuq niat dengan saq jahat, dait Ie gen gadingang tiang selamet jangke tame ojok Kerajaan-Ne léq sorge. Bagi Tuhan kemuliean selaéq-laéqne! Amin.

2 TIMOTIUS 4:8

Dait mangkin tiang sampun tesedieang mahkote kebenaran saq gen teicanin tipaq tiang siq Tuhan, Hakim saq adil nike, léq jelo-Ne, nike ndéqne cume léq tiang, laguq éndah tipaq selapuq dengan saq melét gati ngantos kerauhan Tuhan.

IBRANI 11:26

Ie nganggep penghinean séngaq Almasih nike beléqan léman selapuq kesugihan Mesir, séngaq Musa harepang upaq léq jelo saq gen dateng.

YAKUB 1:12

Bahagie dengan saq tahen sewaktu ie tecobe. Séngaq sesampun ie bau tahen léq cobe nike, ie gen nerimaq upaqne, nike mahkote kehidupan saq tejanjiqang siq Allah tipaq dengan-dengan saq ngasihin Ie.

YAKUB 1:16

Semeton senamian saq tiang kasihin; ndaq side pade jari sesat.

YAKUB 1:19

Pade perhatiang niki solah-solah, semeton senamian saq tiang kasihin! Sebilang dengan harus becat dedengah, laguq ndéqne becat bebase dait ndéqne becat gedek.

YAKUB 1:9

Alurang semeton saq idupne sederhane merase bangge lantaran kedudukanne saq atas.

1 PETRUS 1:4

Ite beharep jari nerimaq sopoq bagian saq ndéq bau binase saq ndéq bedowé cacat cele dait saq ndéq layu, saq tesimpen léq sorge umaq side.

2 PETRUS 1:11

Siq care nike side pade gen teicanin hak sepenoqne jari tame ojok Kerajaan saq kekel, nike Kerajaan Junjungante Saq Mulie dait Juruselamette Deside Isa Almasih.

WAHYU 2:9

Tiang nenaoq kesusahan-kesusahan side pade; Tiang nenaoq keadaan side pade saq miskin -- laguq setetune side pade sugih! Tiang nenaoq pitnah-pitnah saq tetujuang tipaq side pade siq dengan-dengan saq ngaku diriqne Yahudi, padahal ndéq; ie pade jemaah Belis!

WAHYU 21:7

Dengan-dengan saq menang gen nerimaq hal-hal nike léman Tiang. Tiang gen jari Allahne, dait ie jari bije Tiang.

WAHYU 3:18

Keranaq nike Tiang naséhatin side pade adéq beli emas léman Tiang, nike emas saq tulén, adéq side pade jari sugih. Beli éndah kelambi putéq léman Tiang adéq side pade bekelambi dait ngilipang keadaan side pade saq bekelombas dait merilaq. Dait beli éndah minyak jari teolés léq penentengde adéq side pade tao nyerioq.