YAKUB 2:23 - KITAB SUCI ZABUR INJIL

²³ Hal nike sesuai ayat Kitab Suci, “Ibrahim percaye léq Allah, dait lantaran imanne nike make ie tejariang kenaq léq arepan Allah.” Keranaq nike Ibrahim tesebut, “Sahabat Allah.”

YAKUB 2:23 ပူးပေါင်းရင်းမြစ်များ

MARKUS 12:10

Side pade pasti sampun bace ayat niki léq Kitab Suci, ‘Batu saq tetetéh siq tukang bangunan sampun jari batu saq paling utame.

MARKUS 15:27

Bareng-bareng kance Deside Isa éndah, ie pade pakuq léq kayuq salib due perampok; sopoq léq sedi kanan dait sopoq malik léq sedi kiri-Ne. [

LUKAS 4:21

Terus Deside Isa mulai bebaos léq ie pade maraq niki, “Léq jelo niki, ayat-ayat Kitab Suci niki sampun telaksane sewaktu side pade dengahang ayat-ayat nike.”

KISAH RASUL-RASUL 1:16

“Semeton-semeton! Napi saq tetulis léq dalem Kitab Suci, nike harus telaksane. Laéq langan Daud, Roh Suci sampun benubuat mengenai Yudas, pemimpin dengan-dengan saq bau Deside Isa nike.

ROMA 11:2

Allah nénten nolaq Israel saq sampun Ie piléq léman semule. Side pade nenaoq napi saq tetulis léq Kitab Suci mengenai Elia sewaktu ie tunasang tipaq Allah mengenai Israel. Elia matur,

ROMA 9:17

Séngaq léq dalem Kitab Suci tetulis, “Allah bemanik tipaq raje Mesir, ‘Tiang jariang side raje siq sopoq maksut niki, adéq langan side Tiang nyatayang kekuasean dait miaq aran Tiang kesohor léq seantéro dunie.’ ”

GALATIA 3:22

Laguq léq dalem Kitab Suci tetulis bahwe selapuq umat manusie sampun araq léq bawaq kuase dose, adéq janji saq asalne léman iman léq dalem Deside Isa Almasih bau dateng tipaq dengan-dengan saq percaye.

GALATIA 3:6

Pade maraq saq tetulis léq dalem Kitab Suci mengenai Ibrahim, “Ibrahim percaye léq Allah, dait lantaran percayene nike ie tejariang kenaq léq arepan Allah sehingge hubunganne kance Allah jari solah malik.”

2 TIMOTIUS 3:16

Selapuq saq tetulis léq dalem Kitab Suci, teilham siq Allah dait bemanpaat jari ngajah, jari nyatayang kesalaqan, pesolah kelakuan, dait jari didik dengan léq dalem kebenaran.

YAKUB 2:24

Mangkin sampun jelas, bahwe dengan tejariang kenaq léq arepan Allah, lantaran napi saq telaksaneang siq dengan nike, dait ndéqne cume lantaran imanne doang.

1 PETRUS 2:6

Séngaq léq dalem Kitab Suci tetulis maraq niki, “Setetune Tiang noloq léq Sion sopoq batu saq utame, saq tepiléq dait beraji; dait dengan saq percaye léq Ie ndéq gen teperilaq.”