YAKUB 2:21 - KITAB SUCI ZABUR INJIL

²¹ Serioq Ibrahim leluhurte! Ie tejariang kenaq léq arepan Allah lantaran perbuatanne, sewaktu ie ngaturang bijene, Ishak tipaq Allah, léq atas méje taoq kurban.

YAKUB 2:21 ပူးပေါင်းရင်းမြစ်များ

ZABUR 143:2

Kaji niki hambe Deside, sampunang ngadilin kaji, séngaq nénten araq dengan saq nénten bedowé salaq léq arepan Deside.

MATIUS 12:37

Séngaq setetune, napi-napi saq sampun teucapang gen tekadu jari nentuang side salaq atao ndéq.”

MATIUS 3:9

Ndaq paran, bahwe side bau bebase dalem angende: Ibrahim nike bapaq tiang pade! Tiang badaq side: Léman batu-batu niki éndah Allah sanggup miaqang Ibrahim keturunan!

LUKAS 1:73

Ie besumpah tipaq Ibrahim, bapaq leluhurte, dait bejanji jari nyelametang ite léman musuhte, adéq ite ndéq takut ngelayanin Ie,

LUKAS 16:24

‘Bapaq Ibrahim!’ basen dengan sugih nike. ‘Periakang tiang! Suruq Lazarus tamaq ranggotne ojok dalem aiq terus dateng basaqang élaq tiang. Tiang sengsare gati léq dalem api niki!’

LUKAS 16:30

Laguq dengan sugih nike bejawab, ‘Nike ndéq cukup, Bapaq Ibrahim. Laguq lamun araq dengan ninggal idup malik dait dateng léq ie pade, pasti ie pade gen tobat léman dose-dosene.’

YAHYA 8:39

Jawab ie pade, “Bapaq tiang pade Ibrahim.” Jawab Deside Isa, “Lamun mule side pade tetu-tetu bije Ibrahim, pasti side pade ngelaksaneang napi saq telaksaneang siq Ibrahim.

YAHYA 8:53

Lamun Ibrahim mésaq sampun ninggal, dait nabi-nabi éndah selapuqne sampun ninggal, Pelungguh niki sai? Segerah Pelungguh beléqan léman bapaq tiang pade Ibrahim!”

KISAH RASUL-RASUL 7:2

Jawab Stepanus, “Semeton-semeton dait bapaq-bapaq! Dengahang tiang! Sendéqman Ibrahim, leluhurte nike ngalih ojok Haran, sewaktu ie masih ndot léq Mesopotamia, Allah saq Mahemulie rauh tipaq ie

ROMA 3:20

Séngaq ndéq sopoq dengan juaq saq bau tejariang kenaq léq arepan Allah, sehingge hubunganne kance Allah jari solah malik lantaran ngelaksaneang Hukum Taurat. Sebalikne hukum nike cume nyatayang tipaq manusie bahwe manusie bedose.

ROMA 4:1

Lamun maraq nike napi pendapet ite mengenai Ibrahim, leluhur bangsente? Berembé pengalamanne?

ROMA 4:12

Ibrahim éndah bapaq dengan-dengan saq besunat, nike dengan-dengan saq ndéq cume taat tipaq aturan sunat, laguq lantaran ie pade éndah idup beriman tipaq Allah, pade maraq Ibrahim saq beriman sendéqman ie ngelaksaneang sunat saq tepréntahang siq Allah.

ROMA 4:16

Keranaq nike, janji Allah jari dasar dengan beriman tipaq Allah. Hal nike jari jaminan umaq selapuq keturunan Ibrahim. Janji nike teicanin tipaq ie pade langan rahmat léman Allah, ndéq cume jari dengan saq taat tipaq Hukum Taurat doang, laguq umaq ie pade saq beriman tipaq Allah, pade maraq Ibrahim nike sebagé bapaqte selapuq.

IBRANI 11:17

Lantaran iman make Ibrahim, sewaktu ie tecobe, ngaturang Ishak. Ie, saq sampun nerimaq janji nike, réde ngaturang bijene saq nunggal.

YAKUB 2:18

Sang araq dengan saq bebase, “Léq side araq iman dait léq tiang araq perbuatan.” Tiang gen bejawab, “Petitoqang léq tiang imande laguq ndaq siq perbuatan, dait tiang gen petitoqang iman tiang siq perbuatan tiang.”

YAKUB 2:24

Mangkin sampun jelas, bahwe dengan tejariang kenaq léq arepan Allah, lantaran napi saq telaksaneang siq dengan nike, dait ndéqne cume lantaran imanne doang.