YAKUB 2:20 - KITAB SUCI ZABUR INJIL

²⁰ Hai side pade saq bebel! Napi perlu tebuktiang léq side bahwe ndéq araq manpaatne bedowé iman lamun ndéq tebarengin siq perbuatan?

YAKUB 2:20 ပူးပေါင်းရင်းမြစ်များ

ROMA 1:21

Manusie nenaoq Allah, laguq manusie ndéq mulieang Ie sebagé Allah, dait ndéqne éndah besyukur tipaq Allah. Sebalikne, até ie pade saq bodo sampun jari peteng.

ROMA 3:28

Séngaq kesimpulanne maraq niki: Manusie tenyatayang sampun tejariang kenaq léq arepan Allah sehingge hubunganne kance Allah jari solah malik, ndéqne lantaran ie ngelaksaneang napi saq tetulis dalem Hukum Taurat, laguq lantaran ie beriman léq dalem Deside Isa Almasih.

ROMA 9:20

Laguq side pade, side pade cume manusie biase, dait side pade ndéq patut nimbal tipaq Allah! Napi bau barang saq tepiaq beketuan léq dengan saq miaq, “Kembéq side piaq tiang maraq niki?”

GALATIA 5:6

Séngaq léq dalem Deside Isa Almasih, besunat atao ndéq besunat ndéq araq manpaatne; laguq saq datengang manpaat, iman saq bekarye langan kasih.

GALATIA 6:3

Lamun sopoq dengan paran diriqne penting, padahal ndéq, dengan nike beduste léq diriqne mésaq.

KOLOSE 2:8

Side pade harus onyaq-onyaq ndaq jangke araq saq pengaruhin siq pengajahan-pengajahan saq palsu dait ndéq araq manpaatne. Pengajahan-pengajahan nike asalne léman adat istiadat dait roh-roh dunie, ndéqne berasal léman Almasih.

1 TIMOTIUS 1:6

Araq separo dengan saq sampun ndéq idup maraq nike malik, dait sesat siq ucapan-ucapan saq ndéq araq manpaatne.

TITUS 1:10

Séngaq araq luwéq dengan saq ndéq mélé teatur, terutame léq antare ie pade saq ngelaksaneang hukum sunat. Ie pade nyesatang dengan lain siq raos saq ndéq araq manpaatne.

YAKUB 1:26

Lamun araq sopoq dengan saq merase diriqne ngelaksaneang ibadah, laguq ie ndéq jagaq ucapanne, ie nipu diriqne mésaq; ibadahne ndéq araq manpaatne.

YAKUB 2:17

Maraq nike éndah iman, lamun ndéqne tenyatayang siq perbuatan, make iman nike setetune maté.

YAKUB 2:26

Jari, maraq awak saq ndéq bedowé roh, nike awak saq maté, maraq nike éndah iman, lamun ndéq tebarengin siq perbuatan, iman nike maté.