YAKUB 2:19 - KITAB SUCI ZABUR INJIL

¹⁹ Side pade percaye bahwe Allah cume sopoq? Nike solah! Laguq sétan-sétan éndah percaye léq hal nike dait ie pade ngijik siq takutne!

YAKUB 2:19 ပူးပေါင်းရင်းမြစ်များ

MATIUS 8:29

Ie pade sugul léman goe-goe léq kuburan dait bekuih, “Bije saq asalne léman Allah! Gen Pelungguh kumbéqang tiang niki? Napi Pelungguh gen siksaq tiang pade timaq ndéqman waktune?”

MARKUS 1:24

“Hai Deside Isa dengan Nazaret, napi saq gen Pelungguh piaq léq tiang pade? Napi Pelungguh rauh jari binaseang tiang pade? Tiang nenaoq sai setetune Pelungguh: Pelungguh saq Suci léman Allah!”

MARKUS 12:29

Jawab Deside Isa, “Préntah saq utame: ‘Pade dengahang, hai bangse Israel! Allah, Tuhante, Tuhan Saq Mahe Esa!

MARKUS 5:7

Siq suare saq beléq ie bekuih, “Deside Isa, Bije saq asalne léman Allah Saq Maheagung! Gen Pelungguh kumbéqang tiang niki? Demi Allah tiang tunas, sampunang Pelungguh siksaq tiang!” (

MARKUS 7:9

Beterus Deside Isa bemanik malik, “Side pade ceket gati nolaq préntah Allah adéq side pade bau pertahenang ajahande mésaq.

LUKAS 4:34

“Deside Isa, dengan Nazaret, napi saq gen Pelungguh piaq léq tiang pade? Napi Pelungguh rauh jari binaseang tiang pade? Tiang nenaoq sai setetune Pelungguh: Pelungguh Saq Suci léman Allah!”

YAHYA 17:3

Niki idup sejati dait kekel; bahwe dengan kenal kance Deside, jari sopoq-sopoqne Allah saq kenaq, dait kenal kance Deside Isa Almasih saq sampun Deside utus.

KISAH RASUL-RASUL 16:17

Pelayan nine nike terus doang turut Paulus dait tiang pade sambil bekuih-kuih, “Dengan-dengan niki hambe-hambe Allah Saq Maheagung! Ie pade rauh gen nyampéang tipaq semeton senamian berembé entane side pade bau selamet!”

KISAH RASUL-RASUL 19:15

Laguq roh jahat nike ngeraos léq ie pade, “Tiang kenal Deside Isa dait Paulus éndah tiang kenal, laguq side niki sai?”

KISAH RASUL-RASUL 24:25

Laguq sewaktu Paulus ngeraos mengenai kebenaran, penguasean diriq dait penghakiman saq gen dateng, Peliks jari takut. Terus ie bebase, “Side kanggo lumbar mangkin. Tiang gen ngempoh side malik lamun araq kesempatan.”

ROMA 3:30

Séngaq Allah cume sopoq. Ie gen jariang kenaq léq arepan-Ne, dengan-dengan Yahudi langan iman dait éndah dengan bangse-bangse lain langan iman.

1 KORINTUS 8:4

Mengenai masalah ngelor keloran saq sampun teaturang tipaq berhale, ite nenaoq bahwe ndéq araq berhale léq dunie. Dait ite nenaoq éndah bahwe Allah cume sopoq; ndéq araq saq lain.

1 KORINTUS 8:6

Laguq bagi ite, Allah cume sopoq. Ie Bapa saq cipteang selapuq-lapuqne, dait ite idup umaq Ie. Dait Tuhan cume sopoq éndah, nike Deside Isa Almasih. Langan Ie selapuq hal tecipteang, dait lantaran Ie make ite idup.

GALATIA 3:20

Jari, harus araq due pihak, baruq teperluang sopoq perantare. Laguq Allah nénten merluang perantare, séngaq Allah mésaq saq ngelaksaneang.

1 TIMOTIUS 2:5

Séngaq, cume araq sopoq Allah, dait cume sopoq perantare antare Allah kance manusie, nike manusie Deside Isa Almasih.

YAKUB 2:8

Side pade ngelaksaneang saq kenaq, lamun side pade ngelaksaneang hukum utame saq tetulis léq Kitab Suci niki, “Kasihin sepadende manusie, pade maraq side ngasihin diriqde mésaq.”

YUDAS 1:4

Séngaq ite ndéq sadar, araq pire dengan saq secare tedoq-tedoq tame ojok tengaq-tengaqte, nike dengan-dengan saq léman laéq sampun tetentuang jari dengan-dengan saq gen nerimaq hukuman. Ie pade dengan-dengan saq ndéq kenal kance Allah saq salaq guneang berite mengenai rahmat Allahte, jari mauq kesempatan idup léq dalem macem-macem hawe napsu, dait saq nolaq Deside Isa Almasih, sopoq-sopoqne Penguase dait Junjungante Saq Mulie.

YUDAS 1:6

Inget éndah pare malaékat saq ndéq taat jangke liwat bates kekuasean ie pade, sehingge lumbar bilin taoq ie pade ndot. Allah taliq dait sekep malaékat-malaékat nike kadu ranté saq kekel, léq taoq saq peteng léq bawaq gumi. Léq derike ie pade tetahen terus jangke dateng hukuman saq gen ie pade terimaq léq jelo penghukuman saq beléq nike éraq.

WAHYU 20:10

Beterus Belis saq nyesatang ie pade nike, tesaut ojok segare api dait urirang. Léq derike taoqne binatang dait nabi palsu nike tetetéh, dait ie pade gen tesiksaq kenjelo kekelem jangke selaéq-laéqne.