YAKUB 2:18 - KITAB SUCI ZABUR INJIL

¹⁸ Sang araq dengan saq bebase, “Léq side araq iman dait léq tiang araq perbuatan.” Tiang gen bejawab, “Petitoqang léq tiang imande laguq ndaq siq perbuatan, dait tiang gen petitoqang iman tiang siq perbuatan tiang.”

YAKUB 2:18 ပူးပေါင်းရင်းမြစ်များ

ROMA 14:23

Laguq dengan saq merase ragu-ragu léq napi saq ie kelorang, ie sampun tehukum séngaq ie ndéq ngelaksaneang hal nike atas dasar iman. Dait napi saq telaksaneang ndéq atas dasar iman, nike dose.

ROMA 3:28

Séngaq kesimpulanne maraq niki: Manusie tenyatayang sampun tejariang kenaq léq arepan Allah sehingge hubunganne kance Allah jari solah malik, ndéqne lantaran ie ngelaksaneang napi saq tetulis dalem Hukum Taurat, laguq lantaran ie beriman léq dalem Deside Isa Almasih.

ROMA 4:6

Pade maraq basen Daud éndah, bahagie dengan saq sampun teterimaq sebagé dengan saq tejariang kenaq léq arepan Allah sehingge hubunganne kance Allah jari solah malik, ndéqne lantaran perbuatanne,

ROMA 8:1

Ndéqne araq malik penghukuman léq dengan-dengan saq sampun idup léq dalem Deside Isa Almasih.

ROMA 9:19

Nah, side pade gen bebase léq tiang, “Lamun maraq nike kembéq Allah masih nyalahang manusie? Tekan ndéq araq sopoq dengan juaq saq bau halangin pekayunan Allah?”

1 KORINTUS 13:2

Timaq tiang bedowé paice jari benubuat dait tiang nenaoq selapuq rahasie dait bedowé selapuq penenaoq, dait timaq tiang bedowé iman saq sempurne sehingge tiang bau miaq gunung ngalih, laguq lamun tiang ndéq bedowé kasih, make tiang ndéq bedowé arti napi-napi!

2 KORINTUS 5:17

Jari sai saq araq léq dalem Almasih, ie ciptean baru: Saq laéq sampun ndéq araq malik, setetune saq baru sampun dateng.

2 KORINTUS 7:1

Semeton senamian saq tiang kasihin! Selapuq janji nike tetujuang tipaq ite. Keranaq nike ite harus persiq diriq léman selapuq hal saq najisang awak dait rohte. Ite harus takut léq Allah, adéq ite bau idup husus umaq Ie léq dalem kesempurnean.

GALATIA 5:6

Séngaq léq dalem Deside Isa Almasih, besunat atao ndéq besunat ndéq araq manpaatne; laguq saq datengang manpaat, iman saq bekarye langan kasih.

1 TIMOTIUS 1:5

Tujuan naséhat tiang nike adéq dengan bau ngasihin siq até saq suci, dait até nurani saq murni serte léman iman saq tulus ihlas.

TITUS 2:7

dait side mésaq harus jari teladan kelakuan saq solah. Side harus jujur dait pacu-pacu ngajahang.

IBRANI 11:31

Lantaran iman, make Rahab, dengan nine pelacur nike, ndéqne milu binase bareng-bareng kance dengan-dengan durhake, séngaq ie sampun nerimaq secare solah mate-mate Israel.

IBRANI 11:33

saq lantaran iman sampun naklukang kerajaan-kerajaan, ngamalang kebenaran, mauq napi saq tejanjiqang, nungkem biwih singe-singe,

IBRANI 11:6

Laguq lamun ndéq bedowé iman ndéqne mungkin dengan bau nyenengang Allah. Séngaq dengan saq parek tipaq Allah harus percaye bahwe Allah araq, dait bahwe Allah ngicanin upaq tipaq dengan saq pacu-pacu boyaq Ie.

YAKUB 2:14

Semeton senamian! Napi manpaatne dengan bebase, “Tiang dengan saq bedowé iman,” lamun ie ndéq buktiang siq perbuatanne? Napi bau iman saq maraq nike nyelametang ie?

YAKUB 3:13

Sai léq antare side pade saq bijaksane dait bebudi? Ie harus nyatayang hal nike langan perbuatanne saq solah saq tebarengin siq kebijaksanean saq dateng léman até saq lemah lembut.