YAKUB 2:14 - KITAB SUCI ZABUR INJIL

¹⁴ Semeton senamian! Napi manpaatne dengan bebase, “Tiang dengan saq bedowé iman,” lamun ie ndéq buktiang siq perbuatanne? Napi bau iman saq maraq nike nyelametang ie?

YAKUB 2:14 ပူးပေါင်းရင်းမြစ်များ

MATIUS 5:20

Make Tiang badaq side: Lamun idupde dalem beragame ndéqne solahan léman ahli-ahli Taurat atao dengan Parisi, setetune side ndéq bau tame léq dalem Kerajaan Sorge!”

LUKAS 3:11

Jawab Yahya, “Dengan saq bedowé due kelambi, harus ngebéng sopoq tipaq dengan saq ndéq bedowé; dait dengan saq bedowé keloran, gawéq maraq nike éndah.”

LUKAS 6:49

Laguq dengan saq dengah manik Tiang dait ndéq ie laksaneang, pade maraq dengan saq penganjeng balé ndéq kadu dasar. Waktu tebabar siq belabur, balé nike becat ruk; dait luwéq gati sédene!”

KISAH RASUL-RASUL 15:9

Allah nénten béde-bédeang ite kance ie pade. Allah nyuciang atén ie pade lantaran iman ie pade.

KISAH RASUL-RASUL 8:13

Simon mésaq éndah percaye. Dait sesampun tebaptis, ie tetep turut Pilipus. Keajaipan-keajaipan saq telaksane miaq Simon jari bengaq.

KISAH RASUL-RASUL 8:21

Side ndéq bedowé bagian dalem pegawéan tiang pade, séngaq atén side ndéq lomboq léq arepan Allah.

ROMA 2:25

Lamun side pade taat léq Hukum Taurat, make sunat side pade nike araq éndah manpaatne. Laguq lamun side pade ndéq taat léq hal-hal saq tepréntahang dalem Hukum Taurat nike, make sunat side pade nike ndéq araq manpaatne malik.

1 KORINTUS 15:2

Lamun side percaye sepenoq angen léq napi saq tiang beriteang nike, make Kabar Solah nike nyelametang side pade; kecuali lamun side percaye ndéqne siq pengertian.

1 KORINTUS 16:22

Dengan saq ndéq ngasihin Tuhan, pasti ie tekutuk! Tuhan gen gelis rauh!

GALATIA 5:13

Side sampun temanikang jari dengan saq merdéke. Laguq ndaq kadu kemerdékeande nike jari tetep ngelaksaneang kehidupan léq dalem dose, sebalikne side pade harus saling kasihin dait saling tulung.

GALATIA 5:6

Séngaq léq dalem Deside Isa Almasih, besunat atao ndéq besunat ndéq araq manpaatne; laguq saq datengang manpaat, iman saq bekarye langan kasih.

1 TIMOTIUS 1:5

Tujuan naséhat tiang nike adéq dengan bau ngasihin siq até saq suci, dait até nurani saq murni serte léman iman saq tulus ihlas.

1 TIMOTIUS 4:8

Latihan jasmani sekediq doang manpaatne, laguq ibadah nike bemanpaat dalem selapuq hal, séngaq berisi janji, jari idup saq mangkin niki dait jari idup saq gen dateng.

TITUS 1:16

Ie pade bebase bahwe ie pade kenal kance Allah, laguq siq perbuatan ie pade, ie pade nilas Ie. Ie pade bejat, durhake dait ndéqne sanggup ngelaksaneang hal-hal saq solah.

TITUS 3:8

Ucapan niki tetu-tetu kenaq. Dait tiang mélé adéq side tegesang hal-hal niki, adéq dengan-dengan saq percaye léq Allah tetu-tetu berusahe ngelaksaneang pegawéan-pegawéan saq solah dait bemanpaat tipaq selapuq dengan.

IBRANI 11:17

Lantaran iman make Ibrahim, sewaktu ie tecobe, ngaturang Ishak. Ie, saq sampun nerimaq janji nike, réde ngaturang bijene saq nunggal.

IBRANI 13:9

Ndaq alurang diriqde tepiaq sesat siq pengajahan-pengajahan saq ndéq keruan. Aténte harus teteguqang siq rahmat Allah, nike saq solah; ndaq lantaran aturan-aturan mengenai keloran. Dengan-dengan saq laéq taat léq aturan-aturan nike, ndéq mauq manpaatne.

YAKUB 1:16

Semeton senamian saq tiang kasihin; ndaq side pade jari sesat.

YAKUB 2:16

Napi manpaatne side pade bebase léq ie, “Silaq lumbar, kadu kelambi saq anget dait bekelor jangke besuh!”, laguq side pade ndéq béng ie napi saq jari keperluan awakne?

YAKUB 2:18

Sang araq dengan saq bebase, “Léq side araq iman dait léq tiang araq perbuatan.” Tiang gen bejawab, “Petitoqang léq tiang imande laguq ndaq siq perbuatan, dait tiang gen petitoqang iman tiang siq perbuatan tiang.”

YAKUB 2:26

Jari, maraq awak saq ndéq bedowé roh, nike awak saq maté, maraq nike éndah iman, lamun ndéq tebarengin siq perbuatan, iman nike maté.

2 PETRUS 1:5

Keranaq nike, side pade harus pacu-pacu berusahe adéq side pade tetep percaye léq Almasih dait percayende nike tenyatayang siq idup saq solah. Selain idup saq solah, side pade perlu jari dengan saq bedowé penenaoq,