YAKUB 2:12 - KITAB SUCI ZABUR INJIL

¹² Jari side pade harus bebase dait bekelakuan maraq dengan saq gen teadilin menurut hukum Allah saq merdékeang manusie.

YAKUB 2:12 ပူးပေါင်းရင်းမြစ်များ

LUKAS 4:18

“Roh Tuhan araq léq Tiang, séngaq Allah sampun nyuciang dait ngesahang Tiang jari beriteang Kabar Solah tipaq dengan miskin. Allah ngutus Tiang jari ngumumang tipaq dengan tawanan bahwe ie pade gen tebébasang dait tipaq dengan bute bahwe ie pade gen tao nyerioq malik; jari bébasang dengan saq tejajah,

YAHYA 8:32

make side pade gen nenaoq kebenaran, dait kebenaran nike gen bébasang side pade.”

GALATIA 6:2

Side pade harus saling tulung léq kesusahan dengan, adéq siq care nike side pade taat léq préntah Almasih.

PILIPI 4:8

Ahirne, semeton senamian, pikirang selapuq saq kenaq, selapuq saq mulie, selapuq saq adil, selapuq saq suci, selapuq saq solah, selapuq saq maiq tedengah, selapuq saq tesebut kebajikan dait patut tepuji, pikirang selapuqne nike.

KOLOSE 3:17

Napi juaq saq side pade laksaneang atao ucapang, hal nike harus telaksaneang dait teucapang siq peséngan Junjungan Saq Mulie Deside Isa Almasih, sambil ngucap syukur tipaq Allah Bapa léq napi saq telaksaneang siq Deside Isa umaq side.

YAKUB 1:25

Hukum Allah sempurne dait bedowé kekuatan jari merdékeang manusie. Dait dengan saq nyelidik dait pacu-pacu merhatiang dait ngelaksaneang hukum-hukum nike, dait ndéqne cume dengah doang beterus lupaq, dengan nike gen bahagie léq napi juaq saq ie laksaneang.

YAKUB 2:8

Side pade ngelaksaneang saq kenaq, lamun side pade ngelaksaneang hukum utame saq tetulis léq Kitab Suci niki, “Kasihin sepadende manusie, pade maraq side ngasihin diriqde mésaq.”