YAKUB 1:5 - KITAB SUCI ZABUR INJIL

⁵ Lamun araq sopoq dengan léq antare side saq kekurangan hikmat, ie harus tunas léman Allah, make Allah gen ngicanin ie; séngaq léq sebilang dengan, Allah ngicanin secare murah até dait nénten ngungkit-ngungkit kesalaqanne.

YAKUB 1:5 ပူးပေါင်းရင်းမြစ်များ

ZABUR 51:6

Léq Deside, léq Deside doang kaji bedose, dait kaji laksaneang napi saq Deside anggep jahat. Make sepatutne Deside ngukum kaji, adil keputusan Deside.

MATIUS 11:20

Beterus Deside Isa mulai ngewade kote-kote, timaq léq derike Ie paling luwéq miaq muqjizat. Séngaq dengan-dengan léq kote-kote nike ndéq mélé betobat léman dose-dose ie pade.

MARKUS 16:14

Ahirne Deside Isa nyatayang diriq léq solas pengiring-Ne sewaktu ie pade kenyeke bekelor. Ie pade teperinget siq Deside Isa séngaq ie pade kurang iman dait pagah gati sehingge ndéq percaye léq dengan-dengan saq sampun serioq mésaq bahwe Deside Isa idup.

YAHYA 14:13

Dait napi-napi saq side pade tunas kadu aran Tiang, gen Tiang laksaneang, adéq Bapa temulieang langan Bije.

YAHYA 15:7

Lamun side pade ndot léq dalem Tiang dait manik Tiang ndot léq dalem side, pade tunas napi juaq saq side mélé, dait side gen nerimaq ie.

YAHYA 4:10

Jawab Deside Isa, “Lamun side nenaoq paice Allah dait sai saq tunas aiq inem léq side, pasti side mésaq gen tunas aiq inem léq Ie, dait Ie gen béng side aiq idup.”

YAKUB 1:17

Selapuq hal saq solah saq teicanin dait paice saq sempurne datengne léman sorge, teturunang siq Bapa, sumber selapuq cahaye dait saq ndéq iniq berobah atao bekurang lantaran perobahan.

YAKUB 3:17

Laguq kebijaksanean saq asalne léman atas, pertame-tame murni, beterus demen bedamé, gerasaq, penurut, penoq belas kasihan dait ngasilang perbuatan-perbuatan saq solah, ndéq bepihak dait ndéq munapik.

YAKUB 5:16

Keranaq nike, side pade harus saling ngakuq dose dait saling do'eang, adéq side pade teselahang. Do'e dengan saq kenaq lamun siq yakin tedo'eang, beléq gati kuasene.

1 YAHYA 3:22

Dait napi saq ite tunas léman Ie, ite gen nerimaq, séngaq ite taat léq préntah-préntah-Ne dait ite ngelaksaneang napi saq nyenengang Ie.