YAKUB 1:3 - KITAB SUCI ZABUR INJIL

³ Séngaq side pade nenaoq, bahwe ujian tipaq imande nike ngasilang ketekunan.

YAKUB 1:3 ပူးပေါင်းရင်းမြစ်များ

LUKAS 21:19

Lamun side pade tetep tahen dait sabar, side pade gen selamet.”

ROMA 15:4

Selapuq saq tetulis léq Kitab Suci mule tetulis jari ngajah ite, adéq siq ketekunan dait penghiburan saq araq léq tulisan-tulisan nike ite mauq pengharepan.

ROMA 2:7

Allah ngicanin idup sejati dait kekel tipaq ie pade saq pacu-pacu ngelaksaneang napi saq solah, adéq ie mauq saq mulie dait saq terhomat, dait saq kekel.

ROMA 8:25

Laguq lamun ite beharep léq hal saq ndéqman ite serioq, make ite gen sabar ngantih.

ROMA 8:28

Ite nenaoq mangkin bahwe Allah milu bekarye ngatur selapuq hal, sehingge ngasilang saq solah umaq dengan-dengan saq ngasihin Ie dait saq tepiléq menurut rencane-Ne.

2 KORINTUS 4:17

Dait penderitean saq déang niki saq tiang pade alamin sementare, gen ngasilang sopoq kemuliean saq beléq dait kekel. Kemuliean nike beléqan lamun tebanding siq penderitean nike.

KOLOSE 1:11

Semoge siq kuase léman Allah saq mulie, side pade teteguqang sehingge side pade sanggup menderite léq selapuq hal secare tekun dait sabar

2 TESALONIKA 1:4

Lantaran hal nike, léq arepan jemaah Allah, tiang pade bangge léq side pade lantaran iman dait ketabahan side pade léq dalem selapuq penganiayean dait penderitean saq side pade alamin.

2 TESALONIKA 3:5

Semoge Tuhan tetep bimbing aténde tipaq kasih Allah, dait tipaq ketabahan Almasih.

IBRANI 10:36

Side pade perlu ketekunan, adéq side pade bau ngelaksaneang pekayunan Allah dait siq care nike bau nerimaq napi saq tejanjiqang siq Allah.

IBRANI 12:1

Nah, mengenai diriqte mésaq, léq sekiterte araq luwéq gati saksi! Keranaq nike, silaq ite tetéh selapuq saq nyusahang ite dait dose saq halangin ite. Dait tekun pelai léq dalem perlombaan saq tewajibang umaq ite.

IBRANI 6:12

Tiang pade ndéq mélé side pade jari mayus. Laguq tiang pade melét adéq side pade idup maraq dengan-dengan saq bedowé napi saq tejanjiqang siq Allah, saq ie pade terimaq lantaran iman dait kesabaran ie pade.

1 PETRUS 1:7

Maksut selapuqne nike jari buktiang kemurnian iman side pade. Emas saq bau séde doang, teuji kadu api. Maraq nike éndah iman side pade saq jaoq mahelan ajine léman emas, harus teuji éndah, sehingge side pade gen tepuji dait tehormatin dait temulieang léq jelo Deside Isa Almasih rauh malik.

2 PETRUS 1:6

dait selain penenaoq, side pade harus éndah tao nguasein diriq. Dait selain tao nguasein diriq, side pade harus éndah berusahe miaq diriq jari tabah ngadepin selapuq hal. Selain tabah ngadepin selapuq hal, side pade harus éndah idup menurut pekayunan Allah.