YAKUB 1:2 - KITAB SUCI ZABUR INJIL

² Semeton senamian! Lamun side pade ngalamin macem-macem cobe, side pade harus anggep hal nike jari kebahagiean.

YAKUB 1:2 ပူးပေါင်းရင်းမြစ်များ

KISAH RASUL-RASUL 5:41

Gembire gati angen rasul-rasul nike bilin Mahkamah Agame nike séngaq ie pade sampun teanggep patut siq Allah jari nerimaq hinean lantaran peséngan Deside Isa.

ROMA 5:3

Malahan luwéqan malik, ite éndah besukecite léq dalem penderitean, séngaq ite nenaoq bahwe penderitean miaq dengan jari tekun.

PILIPI 1:29

Séngaq Allah sampun ngicanin paice tipaq side pade ndéqne cume jari percaye léq Almasih, laguq jari menderite éndah bagi Almasih.

PILIPI 2:17

Laguq timaq daraq tiang harus tetumpahang éndah jari kurban bagi Allah dait pengabdian demi imande, tiang cemoh dait tiang besukecite kance side pade selapuq.

PILIPI 2:18

Maraq nike éndah side pade harus merase seneng dait milu gembire bareng tiang.

KOLOSE 1:24

Mangkin tiang seneng menderite jari kepentingande. Séngaq siq penderitean lahiriah tiang, tiang genepang napi saq harus tederite siq Almasih bagi jemaah-Ne, nike rage-Ne.

IBRANI 10:34

dait side pade milu ngeraseang kesedihan dengan saq tebui. Dait sewaktu selapuq dowén side pade terampas, side pade seneng nerimaq hal nike, séngaq side pade nenaoq bahwe side pade masih bedowé hal saq solahan, saq gen bau tahen selaéq-laéqne.

YAKUB 1:12

Bahagie dengan saq tahen sewaktu ie tecobe. Séngaq sesampun ie bau tahen léq cobe nike, ie gen nerimaq upaqne, nike mahkote kehidupan saq tejanjiqang siq Allah tipaq dengan-dengan saq ngasihin Ie.

YAKUB 1:16

Semeton senamian saq tiang kasihin; ndaq side pade jari sesat.

YAKUB 1:19

Pade perhatiang niki solah-solah, semeton senamian saq tiang kasihin! Sebilang dengan harus becat dedengah, laguq ndéqne becat bebase dait ndéqne becat gedek.

YAKUB 5:11

Ie pade tesebut bahagie séngaq ie pade tekun. Side pade sampun dengah mengenai ketekunan Ayub, dait side pade nenaoq berembé ahirne Tuhan ngicanin ie berkah. Séngaq Tuhan nike Mahe Pengasih dait Mahe Penyayang.

2 PETRUS 2:9

Jari, Tuhan wikan berembé entane nyelametang dengan-dengan saq soléh lamun ie pade mauq cobe. Dait Tuhan wikan berembé entane nahen dengan-dengan saq jahat adéqne tesiksaq léq jelo penghakiman,

WAHYU 2:10

Ndaq takut léq penderitean saq ndéq pire ngonéq malik side gen alamin. Inget, Belis gen namaqang separo léman side pade ojok dalem bui jari cobe side pade. Side pade gen menderite sepulu jelo ngonéqne. Side pade harus setie léq Tiang jangke ninggal, make Tiang gen ngicanin side mahkote kehidupan.