YAKUB 1:18 - KITAB SUCI ZABUR INJIL

¹⁸ Siq pekayunan-Ne mésaq Ie sampun jariang ite ciptean baru siq manik kebenaran, Ie ngelaksaneang nike adéq ite jari bije saq sengake léq antare selapuq mahluk ciptean-Ne.

YAKUB 1:18 ပူးပေါင်းရင်းမြစ်များ

YAHYA 1:13

Ie pade tebijeang ndéqne léman daraq atao keméléq manusie, ndéq éndah léman keméléq dengan mame, laguq léman Allah.

ROMA 4:17

Séngaq maraq niki Allah bemanik tipaq Ibrahim, “Tiang sampun jariang side umaq selapuq bangse.” Ibrahim nike bapaqte léq arepan Allah. Dait Ibrahim percaye tipaq Allah. Ie Allah saq ngidupang dengan ninggal, Ie éndah Allah saq cipteang siq manik-Ne napi saq ndéq araq jari araq.

1 KORINTUS 4:15

Séngaq timaq side pade sampun bedowé sepulu iyu guru léq dalem Almasih, laguq side pade ndéq bedowé luwéq bapaq. Léq dalem idupde sebagé dengan-dengan saq araq léq dalem Almasih, tiang saq jari bapaqde, séngaq tiang saq jauq Kabar Solah mengenai Almasih tipaq side.

2 KORINTUS 6:7

dait dalem kebenaran dait kekuasean Allah, tiang pade nyatayang bahwe tiang pade hambe-hambe Allah. Tiang pade beharep léq pekayunan Allah jari senjate tiang pade jari nyerang atao béle diriq.

EPESUS 1:12

Siq care nike, tiang pade saq penembéq beharep léq Almasih, bau memuji Allah lantaran kemuliean-Ne!

EPESUS 1:13

Side pade éndah sampun jari dengan-dengan saq tehususang bagi Allah sewaktu side pade dengahang manik kebenaran, nike Kabar Solah saq nyelametang side. Léq dalem Almasih éndah, side pade tesahang siq Roh Suci, saq tejanjiqang nike.

2 TIMOTIUS 2:15

Side harus berusahe pacu-pacu adéqne teakuq siq Allah jari dengan saq patut begawéan léq Ie. Pade berusahe adéq side ndéq ilaq léq pegawéande, laguq kenaq-kenaq entan ngajahang mengenai kebenaran.

IBRANI 12:23

Side pade turut sopoq kumpulan saq meriah -- dait tipaq bije-bije saq sengake, saq aran-aranne tecatet léq sorge. Side pade parek tipaq Allah, Hakim selapuq umat manusie. Side pade hadepin roh-roh dengan saq kenaq, saq sampun tejariang sempurne.

YAKUB 1:15

Beterus, lamun keméléq saq jahat nike teturut, make gen datengang dose; dait lamun dose sampun masak, make kematéan saq jari akibatne.

YAKUB 1:21

Keranaq nike, tetéh selapuq kebiasean saq lengé dait saq jahat. Terimaq Manik Allah setulusne léq dalem aténde, séngaq Manik nike bedowé kekuatan jari nyelametang side pade.

YAKUB 3:14

Laguq lamun side pade talon até dait mentingang diriqde mésaq, ndaq side pade banggeang diriq dait ndaq beduste ngelawan kebenaran.

1 PETRUS 1:23

Séngaq mangkin side pade sampun tebijeang malik ndéqne léman binéq manusie saq bau binase, laguq léman binéq saq ndéq binase, nike Manik Allah saq idup dait saq kekel.

1 PETRUS 1:3

Silaq ite besyukur léq Allah, Bapa Junjungante Saq Mulie Deside Isa Almasih! Lantaran rahmat-Ne saq beléq gati, Ie ngicanin idup saq baru tipaq ite, siq care ngidupang malik Deside Isa Almasih léman tengaq-tengaq dengan ninggal. Hal nike ngebéng ite harepan saq pasti.

1 YAHYA 3:9

Dengan saq asalne léman Allah, ndéq terus-terusan piaq dose, séngaq sipat Allah mésaq araq léq ie. Dait lantaran Allah nike jari Bapane, make ie ndéq bau terus-terusan piaq dose.

WAHYU 14:4

Ie pade dengan-dengan saq tetep murni maraq dedare genten, séngaq ndéq uwah berubungan kance dengan nine. Ie pade iring Anak Dombe nike ojok mbé Ie lumbar. Léman antare selapuq manusie, ie pade saq sampun tetebus jari persembahan saq penembéq tipaq Allah dait tipaq Anak Dombe nike.